ಬೆಳಗಾವಿ : ಅಂಬೇಡ್ಕರ್ ಅವರಂತ ಧೀಮಂತ ವ್ಯಕ್ತಿಗಳೇ ಹಿಂದೂ ಧರ್ಮದ ಕುರಿತು ಯಾವತ್ತು ಮಾತಮಾಡಿಲ್ಲ. ಅವರ ಹೆಸರು ಹೇಳಿಕೊಂಡು ಧರ್ಮದ ವಿರುದ್ಧ ಮಾತನಾಡಿ ನಿಮ್ಮ ಒಬ್ಬರಿಂದ ನಮ್ಮ ಹಿಂದೂ ಧರ್ಮ ಅಲ್ಲಾಡುವುದಿಲ್ಲ ಎಂದು ಚಕ್ರವರ್ತಿ ಸೂಲಿಬೆಲೆ ಹೇಳಿದರು.
ಯಮಕನಮರಡಿಯಲ್ಲಿ ನಡೆದ ನಾನು “ನಾನು ಹಿಂದೂ” ಬೃಹತ್ ಸಮಾವೇಶದಲ್ಲಿ ಮಾತನಾಡಿದ ಇವರು, ಹಿಂದೂ ಧರ್ಮದ ಕುರಿತಾಗಿ ಯಾರೋ ಒಬ್ಬರು ಮಾತನಾಡಿದರೆ ಧರ್ಮ ಅಲ್ಲಾಡುವುದಿಲ್ಲ. ಹಿಂದೂ ಪದದ ಅರ್ಥ ಅಶ್ಲೀಲ ಎಂದು ಡಿಕ್ಷನರಿ ನೋಡಿ ಹೇಳಿದವರಿಗೆ ಅದು ಯಾವ ಡಿಕ್ಷನರಿ ಎಂಬುವುದೇ ನೆನಪಿಲ್ಲ ಎಂದು ಸತೀಶ್ ಜಾರಕಿಹೊಳಿ ವಿರುದ್ಧ ಸೂಲಿಬೆಲೆ ವಾಗ್ದಾಳಿ ನಡೆಸಿದರು.
ನನ್ನ ಹಿಂದೂ ಧರ್ಮ ಹಾಗೂ ತಾಯಿಗೆ ಮಾತನಾಡಿದಾಗ ಅವರ ಕ್ಷೇತ್ರಕ್ಕೆ ಹೋಗಿ ತಕ್ಕ ಉತ್ತರ ನೀಡಬೇಕು ಎಂದು ಅನಿಸಿತು. ಹಿಂದೂ ಪದದ ಅರ್ಥ ಅಶ್ಲೀಲ ಎಂದವರಿಗೆ ತಕ್ಕ ಉತ್ತರ ನೀಡಬೇಕೆಂಬ ಉದ್ದೇಶದಿಂದಲೇ ಬಂದಿರುವೆ. ನನ್ನನ್ನು ವೈಯಕ್ತಿಕವಾಗಿ ಟೀಕೆ ಮಾಡಿದರೆ, ಜಾತಿಯಿಂದ ಟೀಕೆ ಮಾಡಿದರೆ ಸುಮ್ಮನಿರುವೆ ಆದರೆ ಧರ್ಮದ ವಿಷಯಕ್ಕೆ ಬಂದರೆ ನಾವು ಸುಮ್ಮನಿರುವುದಿಲ್ಲ ಎಂದು ಗುಡುಗಿದರು.
ಹಿಂದೂಗಳು ಈಗ ಜಾಗೃತರಾಗಿದ್ದಾರೆ. ಮೊದಲಿನಂತೆ ನಾಲಿಗೆ ಹರಿಬಿಟ್ಟರೆ ಯುವಕರು ಸ್ಪಷ್ಟ ಉತ್ತರ ನೀಡುತ್ತಾರೆ ಏನೋ ಮಾತನಾಡುತ್ತೇವೆ ಎಂದರೆ ಈಗ ನಡೆಯುವುದಿಲ್ಲ. ಅನ್ಯ ಧರ್ಮದ ವಿರುದ್ಧ ಮಾತನಾಡುವ ಶಕ್ತಿ ತೋರಿಸದ ಹಲವರು ಹಿಂದೂ ಧರ್ಮದ ವಿರುದ್ಧ ಮಾತನಾಡುವ ಚಾಳಿ ಬಿಡಬೇಕು ಎಂದರು ಹಾಗೆ ಹಿಂದೂ ಧರ್ಮದ ಕುರಿತು ಅವಹೇಳನಕಾರಿಯಾಗಿ ಮಾತನಾಡಿದವರ ಕ್ಷೇತ್ರಕ್ಕೆ ಬಂದು ತಕ್ಕ ಪ್ರತ್ಯುತ್ತರ ನೀಡಿದ್ದೇವೆ ಎಂದು ಹೇಳಿದರು.
