ಕುಡಿಯಬ್ಯಾಡೋ ಮನುಜ ಕುಡಿಯಬ್ಯಾಡೋ

ಕುಡಿಯಬ್ಯಾಡೋ ಮನುಜ ಕುಡಿಯಬ್ಯಾಡೋ
ಕುಡಿದು ಗೌರವ ಕಳೆದುಕೊಳ್ಳಬ್ಯಾಡೋ
ದೇಹಾರೋಗ್ಯವ ಕೆಡಿಸಿಕೊಳ್ಳಬ್ಯಾಡೋ !!

ಕುಡಿಯಬ್ಯಾಡೋ ಮನುಜ ಕುಡಿಯಬ್ಯಾಡೋ
ಕುಡಿದು ಮನೆಯ ಹಾಳು ಮಾಡಬ್ಯಾಡೋ
ಪ್ರೀತಿ ಪ್ರೇಮವ ಕಳೆದುಕೊಳ್ಳಬ್ಯಾಡೋ !!

ಕುಡಿಯಬ್ಯಾಡೋ ಮನುಜ ಕುಡಿಯಬ್ಯಾಡೋ
ಕುಡಿದು ಸಂಬಂಧಿಗಳ ಸಹವಾಸದಿಂದ ದೂರವಾಗಬ್ಯಾಡೋ
ಕುಡಿದು ಕಂಡ ಕಂಡವರನ್ನು ಹೀಯಾಳಿಸಬ್ಯಾಡೋ !!

ಕುಡಿಯಬ್ಯಾಡೋ ಮನುಜ ಕುಡಿಯಬ್ಯಾಡೋ
ಕುಡಿದು ರಸ್ತೆಯಲಿ ಬೀಳಬ್ಯಾಡೋ
ಕುಡಿದು ಮೋರೆಯಲಿ ಬಿದ್ದು ಹೊರಳಾಡಬ್ಯಾಡೋ !!

ಕುಡಿಯಬ್ಯಾಡೋ ಮನುಜ ಕುಡಿಯಬ್ಯಾಡೋ
ಕುಡಿದ ಅಮಲಿನಲಿ ಬೈಯಬ್ಯಾಡೋ
ಹೆಂಡರ ಮಕ್ಕಳ ಮರ್ಯಾದೆ ತೆಗಿಯಬ್ಯಾಡೋ !!

ಕುಡಿಯಬ್ಯಾಡೋ ಮನುಜ ಕುಡಿಯಬ್ಯಾಡೋ
ಕುಡಿದು ಹೆಂಡರ ಮಕ್ಕಳ ಹೊಡಿಯಬ್ಯಾಡೋ
ಕಂಡ ಕಂಡವರ ಜೊತೆ ಒದೆತಿಂದು ಮನೆಗೆ ಬರಬ್ಯಾಡೋ !!

ಕುಡಿಯಬ್ಯಾಡೋ ಮನುಜ ಕುಡಿಯಬ್ಯಾಡೋ
ನಂಬಿ ಬದುಕುವವರ ಬದುಕಿಗೆ ಕೊಳ್ಳಿ ಇಡಬ್ಯಾಡೋ
ಹೊತ್ತು ಎತ್ತಾಡಿಸಿದವರ ಮನಕ ನೋವ ತರಬ್ಯಾಡೋ !!

ಕುಡಿಬ್ಯಾಡೋ ಮನುಜ ಕುಡಿಯಬ್ಯಾಡೋ
ಅಮಲಿಳಿದ ಮ್ಯಾಲ ಮರುಗಬ್ಯಾಡೋ
ದುಶ್ಚಟಕ ಬಿದ್ದು ಬದುಕ ಕಳೆದುಕೊಳ್ಳಬ್ಯಾಡೋ !!

• ಹನುಮಂತ ದಾಸರ ಹೊಗರನಾಳ
  ಮೊ: 9945246234