ಕೆಟ್ಟ ಪದ್ಧತಿಗಳಿಗೆ, ದುಷ್ಟ ನಾಯಕರುಗಳಿಗೆ
ಗಟ್ಟಿಯಾಗಿ ಎದ್ದು ನಿಂತು ಮಟ್ಟ ಹಾಕಿ
ಚಟ್ಟ ಕಟ್ಟಲು ಬೇಕು ಮತ್ತೊಬ್ಬ ಸರದಾರ.
ನೀತಿ ನಿಯಮಗಳ ಮುರಿದವರಿಗೆ
ಜಾತಿ ಭೇದಗಳ ಹುಟ್ಟು ಹಾಕುವವರಿಗೆ
ಅಡ್ಡತಡೆದು ನಿಲ್ಲಿಸಲು ಬೇಕು ಮತ್ತೊಬ್ಬ ಸರದಾರ.
ಬಡವ ಬಲ್ಲಿದನೆಂಬ ಅರಿಯದವರಿಗೆ
ಬದುಕು ಬವಣೆಗಳ ತಿಳಿಯದವರಿಗೆ
ಕಲಿಸಿ ತಿಳಿಹೇಳಲು ಬೇಕು ಮತ್ತೊಬ್ಬ ಸರದಾರ.
ಊರ ಹೊರಗಿದ್ದವರ, ಕೇರಿಯಲಿ ಬದುಕುವವರ
ಅನ್ಯಾಯ-ಹಿಂಸೆ-ತುಳಿತಕ್ಕೊಳಗಾದವರ
ಬೆನ್ನಿಗೆ ಬೇಕು ಮತ್ತೊಬ್ಬ ಸರದಾರ.
ಅಕ್ರಮ ನಡೆಸುವವರ ಪರಾಕ್ರಮದೊಳಗ ಮೆರೆಯುವವರ
ಅಹಂದೊಳಗ ಮುಳುಗಿದವರ ಜಡೆ ಹಿಡಿದು
ಮೇಲೇತ್ತಲು ಬೇಕು ಮತ್ತೊಬ್ಬ ಸರದಾರ.
- ಹನುಮಂತ ದಾಸರ ಹೊಗರನಾಳ.
ಮೊ: 9945246234.
