ವಿಜಯನಗರ ಜಿಲ್ಲೆ ಕೊಟ್ಟೂರು ನೋಂದಣಿ ದಾಖಲೆಗಳಾದ ಕ್ರಯ,ವಿಭಾಗ,ದಾನ,ಹಕ್ಕು ಮತ್ತು ಬಿಡುಗಡೆ ದಾಖಲೆಗಳ ಆಕ್ಷೇಪಣಾ ಅವಧಿಯು ಈ ಮೊದಲು 30 ದಿನಗಳಿರುವುದನ್ನು 7 ದಿನಗಳಿಗೆ ಹಾಗೂ ನೊಂದಣಿಯಲ್ಲದ ದಾಖಲೆಗಳಾದ ಪೌತಿ, ಮೈನರ್ ಗಾರ್ಡಿಯನ್ ಮತ್ತು ವಿಲ್ ಗಳಿಗೆ ಈ ಮೊದಲು ಇದ್ದ 30 ದಿನಗಳ ಅವಧಿಯನ್ನು 15ದಿನಗಳಿಗೆ ಇಳಿಸಿ ಕರ್ನಾಟಕ ಭೂ ಕಂದಾಯ ನಿಯಮಗಳು 1966ರ ನಿಯಮ 64(3) ಹಾಗೂ ನಿಯಮ 66 ಗಳಿಗೆ ಸರ್ಕಾರದ ಅಧಿಸೂಚನೆ ಸಂ/ಆರ್.ಡಿ.26/ಎಲ್.ಜಿ.ಪಿ/2022 ದಿನಾಂಕ: 29.09.2022 ರನ್ವಯ ತಿದ್ದುಪಡಿ ಮಾಡಿ ಅಧಿಸೂಚನೆಯನ್ನು ದಿನಾಂಕ:13.10.2022 ರಂದು ಕರ್ನಾಟಕ ರಾಜ್ಯಪತ್ರದ ಭಾಗ-4ಎ ರಲ್ಲಿ ಪ್ರಕಟಿಸಿರುತ್ತಾರೆ.
ಸರ್ಕಾರದ ಈ ಆದೇಶದ ಮೇರೆಗೆ ನೊಂದಣಿ ದಾಖಲೆಗಳಿಗೆ (ಕ್ರಯ,ವಿಭಾಗ,ದಾನ,ಹಕ್ಕು ಮತ್ತು ಬಿಡುಗಡೆ)ಆಕ್ಷೇಪಣಾ ಅವಧಿ 30 ದಿನಗಳ ಬದಲಾಗಿ 7 ದಿನಗಳಿಗೆ ಹಾಗೂ ನೊಂದಣಿಯಲ್ಲದ (ಪೌತಿ,ಮೈನರ್ ಗಾರ್ಡಿಯನ್ ಮತ್ತು ವಿಲ್) ದಾಖಲೆಗಳಿಗೆ 30 ದಿನಗಳ ಬದಲಾಗಿ 15 ದಿನಗಳಿಗೆ ಇಳಿಸಿದ್ದು,ಈ ಸೌಲಭ್ಯವನ್ನು ಪಡೆದುಕೊಳ್ಳಲು ತಹಶೀಲ್ದಾರ್, ಕೊಟ್ಟೂರು ಸಾರ್ವಜನಿಕರಿಗೆ ತಿಳಿಸಿದ್ದಾರೆ
