ನಡೆದಾರೋ ಜಗದೊಳಗ ಸತ್ಯವನು ಸಾರುತ
ಭಕ್ತಿ ಭಾವದೊಳಗ ಭಕ್ತರೊಂದಿಗೆ ಬೆರೆಯುತ
ಬಂಧು ಬಾಂಧವರೊಂದಿಗೆ ಬದುಕಿರೆನ್ನುತ
ಭಾವೈಕ್ಯತೆ ಮೆರೆದರು ಮೊಗದಲಿ ಮಂದಹಾಸವ ಬೀರುತ….!!
ತಿಳಿಸ್ಯಾರೋ ಜನಮನಕ ಜನನ ಮರಣದ ಬದುಕ
ನಿಷ್ಠೆಯಿಂದಿರಲಿ ಪ್ರತಿನಿತ್ಯ ಕಾಯಕ
ಭಕ್ತಿಯಿಂದಿರಲಿ ಬದುಕಿನ ಭಾವನೆಗಳ ಪ್ರಾಯೋಗಿಕ
ಮೂರು ದಿನದ ಸಂತೆಯನು ಚಿಂತೆಯಿಲ್ಲದೇ ಸಾಗಿಸುವುದೆಂದರು ಸಾರ್ಥಕ….!!
ತೊಟ್ಟು ನಡೆದರು ಕಲ್ಮಶವಿಲ್ಲದ ಬಿಳಿ ಬಟ್ಟೆಯ
ಮೆಟ್ಟಿ ನಡೆದರು ಆಡಂಬರವಿಲ್ಲದ ಪಾದರಕ್ಷೆಯ
ಸ್ವರ್ಗವನ್ನೇ ತೋರಿದರು ಸುತ್ತಮುತ್ತಲಿನ ನಿಸರ್ಗದಲಿ
ಧನ್ಯಮಾರ್ಗವನ್ನೇ ನೀಡಿದರು ದಾರಿದ್ರ್ಯವ ತೊಲಗಿಸಿ ಧರೆಯಲಿ..!!
ಹೇಳ್ಯಾರೋ ತತ್ವಗಳನು ಬದುಕಲು ಜನಮನಕೆ
ಬದುಕುತ ಭಾವಗಳದಿ ಬೆರೆಯುತ ಅನುದಿನಕೆ
ಆಶೆಗಳನು ದೂರವಿಡಿ ಭಾಷೆಗಳನು ಬರೆದಿಡಿ
ರಾಶಿ ರಾಶಿ ಮಾತುಗಳಿಗೆ ಮೋಸ ಹೋಗಬೇಡಿರೆಂದರು….!!
ನಕ್ಕು ನಗಿಸು ನಗುವಿರುವವರಿಗೆ ಮೊಗದಲಿ
ಕುಣಿದು ಕುಪ್ಪಳಿಸು ಕೈ ಕಾಲಿರುವವರರಿಗೂ ದೇಹದಲಿ
ತಪ್ಪಿ ನುಡಿಯದಿರು ತೂಕವಿರುವವರೆಗೆ ಮಾತಿನಲಿ
ಸಪ್ಪಗೆ ಕೂಡದಿರು ಮುಪ್ಪು ಬಂದು ಮುಗಿಯುವವರೆಗೂ ಬದುಕಿಗೆಂದರು…..!!
ನಿರಾಕರಿಸಿದರು ಸ್ವಾಭಿಮಾನದಲಿ ಪ್ರತಿಷ್ಠೆತೆಯ ಪುರಸ್ಕಾರಗಳನು
ತಿರಸ್ಕರಿಸಿ ಸಾಗಿದರು ಆಸೆ ಅಂತಸ್ತು ಸಿರಿ ಸಂಪತ್ತಿನ ಅವಕಾಶಗಳ
ಪರಿಸರ ಸ್ನೇಹಿಯಾಗಿ ಪಸರಿಸಿತು ಹೆಸರು ಆಧ್ಯಾತ್ಮದ ಉಸಿರಿನಲಿ
ಪರಸ್ಪರವಾಗಿ ಸೇರಿ ಸಾಗಿದರು ಕಾಣದ ಲೋಕಕೆ ಭಕ್ತ ಮನಗಳಲಿ…!!
- ಎಚ್. ಡಿ. ಹೊಗರನಾಳ.
ಮೊ: 9945246234
