ವಡಗೇರಾ: ನೂತನ ತಾಲ್ಲೂಕು ವಡಗೇರಾ ಪಟ್ಟಣದ ಮಾರ್ಕೆಟ್ ಪ್ರದೇಶದಲ್ಲಿ ಟಿಪ್ಪು ಸುಲ್ತಾನ್ ಯುವಕರ ಬಳಗ ಹಮ್ಮಿಕೊಂಡಿದ್ದ ಪರಮಪೂಜ್ಯ
ಶ್ರೀ ಸಿದ್ಧೇಶ್ವರ ಮಹಾಸ್ವಾಮೀಜಿ ಗಳ ಶ್ರದ್ದಾಂಜಲಿ ಕಾರ್ಯಕ್ರಮದಲ್ಲಿ ಹಿರಿಯ ಮುಖಂಡರಾದ ಶ್ರೀ ಬಾಷುಮಿಯಾ ವಡಗೇರಾ ಮಾತನಾಡಿದರು.
“ಕೈಲಾಸ ದೊಡ್ಡದಲ್ಲ ಕಾಯಕ ದೊಡ್ಡದು”
“ಧರ್ಮ ದೊಡ್ಡದಲ್ಲ ಧ್ಯೇಯ ದೊಡ್ಡದು”
ಎಂದು ತಮ್ಮ ಪ್ರವಚನಗಳ ಮೂಲಕ ಸಮಾಜಕ್ಕೆ ಉತ್ತಮ ಸಂದೇಶಗಳನ್ನು ನೀಡಿ ನಡೆದಾಡುವ ದೇವರು ಎಂದೇ ಬಿರುದು ಪಡೆದುಕೊಂಡು ಮಾದರಿಯ ಜೀವನ ನಡೆಸಿದ ಶ್ರೀ ಸಿದ್ದೇಶ್ವರ ಮಹಾ ಸ್ವಾಮಿಜಿಗಳು ಇಂದು ನಮ್ಮ ಮದ್ಯೆ ಇಲ್ಲ ಆದರೆ ಅವರ ವಿಚಾರಗಳು ಸದಾ ನಮ್ಮೊಂದಿಗೆ ಇರುತ್ತವೆ ಎಂದು ಸ್ವಾಮೀಜಿ ಅಗಲಿಕೆಗೆ ತೀವ್ರ ಸಂತಾಪ ವ್ಯಕ್ತಪಡಿಸಿ ಶ್ರದ್ಧಾಂಜಲಿ ಸಲ್ಲಿಸಲಾಯಿತು.
ಟಿಪ್ಪು ಸುಲ್ತಾನ್ ಯುವ ಬಳಗದ ಸದ್ಯಸರು ಸ್ವಾಮೀಜಿಯವರ ಚಿತ್ರಕ್ಕೆ ಮೊಂಬತ್ತಿಗಳಿಂದ ಬೆಳಗಿ ನಮನ ಸಲ್ಲಿಸಿ, ಶ್ರದ್ಧಾಂಜಲಿ ಅರ್ಪಿಸಿದರು.
ಈ ಸಂದರ್ಭದಲ್ಲಿ ಅನೇಕ ಯುವಕರು ಹಾಗೂ ಸಾರ್ವಜನಿಕರು ಹಾಜರಿದ್ದರು.
ವರದಿ ರಾಜಶೇಖರ ಮಾಲಿ ಪಾಟೀಲ ಶಹಾಪುರ
