ಹೆತ್ತವಳೂ ನೀನಲ್ಲ ಹೊತ್ತವಳೂ ನೀನಲ್ಲ
ಹೆತ್ತು ಹೊತ್ತವಳಂತೆಯೂ ಬದುಕಿಗೆ ಸಮೀಪವಾದೆ ನೀ ಅಮ್ಮಾ
ಅಮ್ಮಾ ಎನ್ನುವ ಅಕ್ಷರವ ತಿದ್ದಿ ತೀಡಿ ಬರೆಯಲು ಕಾರಣಳಾದೆ ನೀ ಅಮ್ಮಾ
ನಾನಾಡುವ ಪ್ರತಿ ನುಡಿಗೆ ನಡೆಯನು ನಿತ್ತವಳು ನೀ ಅಮ್ಮಾ
ಅಕ್ಕರೆಯಲಿ ಅಕ್ಷರವ ಕಲಿಸಿ ಸಕ್ಕರೆಯಂತೆ ಸಿಹಿಯಾದವಳು ನೀ ಅಮ್ಮಾ
ಹೊಡೆದು ಬಡಿದು ಕಡೆಗೆ ಹಲ್ಲು ಕಡೆದು ಕಿವಿಯ ಹಿಂಡಿ ಕನ್ನಡ ಕಲಿಸಿದವಳು ನೀ ಅಮ್ಮಾ
ಪಾಟಿಯಲಿ ಅಕ್ಷರವ ತೀಡಿ ತಟ್ಟೆಯಲಿ ಅನ್ನವ ನೀಡಿ ಆಟಗಳಲ್ಲೇ ಪಾಠ ಹೇಳಿದ ಗುರುಮಾತೇ ನೀ ಅಮ್ಮಾ
ನೀವ್ ಕಲಿಸಿದ ಅಕ್ಷರ ಮೆರೆಯುತಿವೆ ಜಗದಲಿ ಮುಗಿಲೆತ್ತರಕೆ ಕಾರಣ ನೀ ಅಮ್ಮಾ
ಭೋಧನಾ ಸೇವೆಗೆ ಸಾಧನೆ ನಿಮ್ಮದಾಗಿದೆ ಸಹನೆಯ ಸಂಪತ್ತು ನೀ ಅಮ್ಮಾ
ಮುಗಿದಿಲ್ಲ ಸಮಾಜಸೇವೆ ಇನ್ನೂ ಸಾಗಲಿ ನಿಮ್ಮ ಅಕ್ಷರದಾವೆ
ಬದುಕಿಗೆ ಬೆಳಕಾಗಿ ಅಕ್ಷರದ ದೀಪ ಹಚ್ಚಿದ ಅಕ್ಷರದವ್ವ ನೀ ಅಮ್ಮಾ
ಅಕ್ಕರೆಯ ನೀ ಅಮ್ಮಾ ಸಕ್ಕರೆಯ ಸಿಹಿ ನೀ ಅಮ್ಮಾ…!!
- ಎಚ್.ಡಿ.ಹೊಗರನಾಳ
9945246234
