ಕರುನಾಡ ಕಂದ ಪತ್ರಿಕೆಯ ಕಲಬುರಗಿ ಹಾಗೂ ಯಾದಗಿರಿ ಜಿಲ್ಲೆಗಳ ವರದಿಗಾರರ ಪ್ರಥಮ ವಾರ್ಷಿಕ ಸಭೆ

ನಿನ್ನೆ ದಿ 5-2-2023 ರಂದು ಭಾನುವಾರ ಯಾದಗಿರಿ ಜಿಲ್ಲೆಯ ಶಹಾಪುರ ನಗರದ ಪ್ರವಾಸಿ ಮಂದಿರದಲ್ಲಿ

ಕರುನಾಡ ಕಂದ ಪತ್ರಿಕೆಯ ಕಲಬುರಗಿ ಹಾಗೂ ಯಾದಗಿರಿ ಜಿಲ್ಲೆಗಳ ವರದಿಗಾರರ ಪ್ರಥಮ ವಾರ್ಷಿಕ ಸಭೆ ಯಶಸ್ವಿಯಾಗಿ ನೆರವೇರಿತು.

ಈ ಕಾರ್ಯಕ್ರಮದಲ್ಲಿ ಯಾದಗಿರಿ ಹಾಗೂ ಕಲಬುರಗಿ ಜಿಲ್ಲೆಗಳ ಕರುನಾಡ ಕಂದ ವರದಿಗಾರರು ಅತಿಥಿಗಳಾಗಿ

ಸುದೀಪ್ ಶಾಲೆಯ ಮುಖ್ಯಸ್ಥರಾದ ಶ್ರೀಯುತ ಸಾಯಬಣ್ಣ ಪುರ್ಲೆ,ಮಾತೃಭೂಮಿ ಗ್ರಾಮೀಣಾಭಿವೃದ್ಧಿ ಸೇವಾಸಂಸ್ಥೆಯ ಸಂಸ್ಥಾಪಕರಾದ ರಾಜೇಂದ್ರ.ಎನ್.ಕೊಲ್ಲೂರ,ಮೂಲನಿವಾಸಿ ಅಂಬೇಡ್ಕರ್ ಸೇನೆಯ ಯಾದಗಿರಿ ಜಿಲ್ಲಾಧ್ಯಕ್ಷರಾದ ಶ್ರೀಯುತ ರಂಗನಾಥ ಬಾಗಲಿಯವರು ಆಗಮಿಸಿದ್ದರು.ಕರುನಾಡ ಕಂದ ಪತ್ರಿಕೆಯ ಸಂಪಾದಕರಾದ ಬಸವರಾಜ ಬಳಿಗಾರ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು.ಈ ಸಭೆಯ ಪೂರ್ವಸಿದ್ಧತೆಯಿಂದ ಹಿಡಿದು ಕಾರ್ಯಕ್ರಮ ಮುಗಿಯುವವರೆಗೂ ಎಲ್ಲಾ ರೀತಿಯಲ್ಲೂ ಅತ್ಯಂತ ಕಾಳಜಿಯಿಂದ ಜವಾಬ್ದಾರಿಯುತವಾಗಿ ನಿರ್ವಹಿಸುತ್ತಾ ಕಾರ್ಯಕ್ರಮದ ಯಶಸ್ಸಿಗೆ ಕಾರಣರಾದ ಕರುನಾಡ ಕಂದ ಪತ್ರಿಕೆಯ ಶಹಾಪುರ ತಾಲೂಕಿನ ಮುಖ್ಯ ವರದಿಗಾರರಾದ ಶ್ರೀಯುತ ರಾಜಶೇಖರ ಮಾಲಿಪಾಟೀಲ್ ರವರು ಅತಿಥಿಗಳ ಪರಿಚಯದೊಂದಿಗೆ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು.ಈ ಕಾರ್ಯಕ್ರಮದ ಅತಿಥಿಗಳು ಇಂದಿನ ದಿನಗಳಲ್ಲಿ ಪತ್ರಿಕೆಗಳ ಬಗ್ಗೆ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸುವುದರೊಂದಿಗೆ ಕರುನಾಡ ಕಂದ ಪತ್ರಿಕೆಯ ಬಗ್ಗೆ ಮೆಚ್ಚುಗೆ ಮಾತುಗಳನ್ನಾಡಿ ಶುಭ ಕೋರಿದರು.ಈ ಕಾರ್ಯಕ್ರಮದ ನಿರೂಪಣೆ ನೆರವೇರಿಸಿದ ಯಾದಗಿರಿ ತಾಲೂಕಿನ ವರದಿಗಾರರಾದ ಶ್ರೀಮತಿ ಶರಣಮ್ಮ ದೊಡ್ದಮನಿ,ಜೇವರ್ಗಿ ತಾಲೂಕಿನ ವರದಿಗಾರರಾದ ಶ್ರೀಚಂದ್ರ ಶೇಖರ್ ಗೌಡ ಪಾಟೀಲ್,ಶಹಾಪುರ ತಾಲೂಕಾ ವರದಿಗಾರರಾದ ಶ್ರೀಯುತ ರಾಜಶೇಖರ ಮಾಲಿ ಪಾಟೀಲ್, ಯಡ್ರಾಮಿ ತಾಲೂಕಿನ ವರದಿಗಾರರಾದ ಶ್ರೀಯುತ ನಬಿ ಪಟೇಲರು ತಮ್ಮ ಪತ್ರಿಕೆಯ ಕುರಿತು ಅನಿಸಿಕೆ,ಅನುಭವ ಹಂಚಿಕೊಂಡರು.ಈ ಕಾರ್ಯಕ್ರಮದಲ್ಲಿ ಯಡ್ರಾಮಿ ವರದಿಗಾರರಾದ ಶ್ರೀಯುತ ರಾಚಯ್ಯ ಹಿರೇಮಠ,ಶ್ರೀಯುತ ವಿಶ್ವಾರಾಧ್ಯ ದಳವಾಯಿ,ಶಹಾಪುರ ತಾಲೂಕಿನ ವರದಿಗಾರರಾದ ಶ್ರೀಯುತ ಶಿವಕಾಂತ್,ಶ್ರೀಯುತ ತಾರೇಶ್ ಯಾದವ್,ಬೆಳಗಾವಿ ಜಿಲ್ಲೆಯ ಅಥಣಿ ತಾಲೂಕಿನ ಶ್ರೀಯುತ ಸಿದ್ದಪ್ಪ ಮದ್ದಣ್ಣನವರ,ಮಾಧ್ಯಮ ಮಿತ್ರರಾದ ಶ್ರೀಯುತ ಜಿ.ಘಂಟೆಪ್ಪ ಶಹಾಪುರ,ಶ್ರೀಯುತ ಚಾಂದ್ ಗೌಂಡಿ ಹಾಗೂ ಸ್ನೇಹಿತರು ಈ ಕಾರ್ಯಕ್ರಮದಲ್ಲಿ ಭಾಗವಹಿದ್ದರು.