ಪುಲ್ವಾಮಾ ದಾಳಿಯಲ್ಲಿ ಹುತಾತ್ಮರಾದ ವೀರರ ನೆನಪಲ್ಲಿ ಮೌನಾಚರಣೆ

ಶಹಾಪುರ ತಾಲೂಕಿನ ಗೋಗಿ ಕೆ:ಇಲ್ಲಿಗೆ ಸರಿಯಾಗಿ ನಾಲ್ಕು ವರ್ಷಗಳ ಹಿಂದೆ, ಜಮ್ಮು ಕಾಶ್ಮೀರದ ಫುಲ್ವಾಮಾದಲ್ಲಿ ರಕ್ತದ ಕೋಡಿ ಹರಿದಿತ್ತು. ಆ ದಿನ, ಜಮ್ಮು- ಶ್ರೀನಗರ ನಡುವಿನ 44ನೇ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಸಾಗುತ್ತಿದ್ದ ಕೇಂದ್ರೀಯ ಮೀಸಲು ಪಡೆಯ ಯೋಧರು ತೆರಳುತ್ತಿದ್ದ ಬಸ್ ಗಳ ಮೇಲೆ ಉಗ್ರರು ಆತ್ಮಹತ್ಯಾ ಬಾಂಬ್ ದಾಳಿ ನಡೆಸಿದ್ದರು. ಈ ದಾಳಿಯಲ್ಲಿ ಸುಮಾರು 40 ಸಿಆರ್ ಪಿಎಫ್ ಯೋಧರು ಮೃತಪಟ್ಟಿದ್ದರು,ಆ ಯೋಧರ ಆತ್ಮಕ್ಕೆ ಶಾಂತಿ ಸಿಗಲಿ ಎಂದು ಗೋಗಿ ಕೆ ಗ್ರಾಮ ಪಂಚಾಯಿತಿ ಅಧ್ಯಕ್ಷರಾದ ರವಿ ಯಾದವ್ ಸ್ಮರಿಸಿದರು ಹಾಗೂ ಯುವಕರು ಆ ದಾಳಿಯಲ್ಲಿ ಮೃತಪಟ್ಟ ಯೋಧರನ್ನು ಸ್ಮರಿಸುತ್ತಾ ಅವರಿಗೆ ದೀಪಗಳನ್ನು ಬೆಳಗಿಸುವ ಮೂಲಕ 15 ಸೆಕೆಂಡ್ ಗಳ ಕಾಲ ಮೌನಾಚರಣೆ ಮೂಲಕ ವಂದನೆ ಸಲ್ಲಿಸಿದರು.
ಈ ಸಂದರ್ಭದಲ್ಲಿ, ಕರುನಾಡ ಕಂದ ಪತ್ರಿಕೆ ವರದಿಗಾರರಾದ ತಾರೇಶ ಯಾದವ್, ರಾಚಯ್ಯ ಪರಿವಾರ,ಅಂಬರೇಶ ಮಂಠೋಳಿ, ಶರಣು ಹೀರೆಮಂಠ, ಸುನೀಲ್ ಜಂಗಳಿ, ಭೀಮರೆಡ್ಡಿ ಯಾದವ್, ಇನ್ನು ಅನೇಕ ಯುವಕರು ಭಾಗವಯಿಹಿಸಿದರು.
-ತಾರೇಶ ಯಾದವ್