ಇಂದು ತುರವಿಹಾಳ ಪಟ್ಟಣದಲ್ಲಿ ಮೌನೇಶ ಬಡಿಗೇರ ಅವರ ಮನೆಯ ಗೃಹ ಪ್ರವೇಶ ಕಾರ್ಯಕ್ರಮದಲ್ಲಿ ವನಸಿರಿ ಫೌಂಡೇಶನ್ ಸದಸ್ಯರು ಭಾಗವಹಿಸಿ ಉಡುಗೊರೆಯಾಗಿ ಸಸಿ ನೀಡಿ ಶುಭಕೋರಿದರು.
ಈ ಸಂದರ್ಭದಲ್ಲಿ ಶಂಕರಗೌಡ ದೇವರಮನಿ ಮಾತನಾಡಿ ಸಿಂಧನೂರು ತಾಲೂಕಿನಾದ್ಯಾಂತ ಇಂದು ಹಸಿರಿನ ವಾತಾವರಣ ನಿರ್ಮಾಣ ಹಾಗೂ ರಸ್ತೆ ಬದಿಯ ಅಕ್ಕಪಕ್ಕದ ಸಸಿಗಳನ್ನು ಉಳುಸಿ ಬೆಳಸಿದ ಕೀರ್ತಿ ವನಸಿರಿ ಫೌಂಡೇಶನ್ ಸಂಸ್ಥೆಗೆ ಹಾಗೂ ಇದರ ಅಧ್ಯಕ್ಷರಾದ ಅಮರೇಗೌಡ ಮಲ್ಲಾಪೂರ ಅವರಿಗೆ ಸಲ್ಲುತ್ತದೆ. ವನಸಿರಿ ಫೌಂಡೇಶನ್ ಕಲ್ಯಾಣ ಕರ್ನಾಟಕದಾದ್ಯಂತ ಹಸಿರುಕರಣಗೊಳಿಸು ಶ್ರಮಿಸುತ್ತಿದೆ. ಯಾವುದೇ ಶುಭ ಸಮಾರಂಭಗಳಲ್ಲಿ ಸಸಿಗಳನ್ನು ಉಡುಗೊರೆಯಾಗಿ ನೀಡುವ ಮೂಲಕ ಪರಿಸರ ಜಾಗೃತಿ ಮೂಡಿಸುತ್ತಿದ್ದಾರೆ.ನಾವುಗಳು ಕೂಡ ಶುಭ ಸಮಾರಂಭಗಳಲ್ಲಿ ಸಸಿಗಳನ್ನು ಉಡುಗೊರೆಯಾಗಿ ನೀಡುವ ಮೂಲಕ ಪರಿಸರ ಜಾಗೃತಿ ಮಾಡಿಸಬೇಕು.ವನಸಿರಿ ಫೌಂಡೇಶನ್ ಜೊತೆಗೆ ಪರಿಸರ ಸಂರಕ್ಷಣೆಗೆ ಕೈಜೋಡಿಸಬೇಕು ಎಂದರು.
ಈ ಸಂದರ್ಭದಲ್ಲಿ ಫೌಂಡೇಶನ್ ಸದಸ್ಯರಾದ ಶಂಕರಗೌಡ ತುರವಿಹಾಳ,ಚನ್ನಪ್ಪ ಕೆ.ಹೊಸಹಳ್ಳಿ,ಮೌನೇಶ ಬಡಿಗೇರ, ಭಾಷಾವಲಿ, ಮಂಜುನಾಥ,ರವಿಕುಮಾರ, ಚಂದ್ರಶೇಖರ, ವಿರುಪಾಕ್ಷಿ, ಬಸವರಾಜ ಶ್ರೇಷ್ಠಿ,ಮುದುಕಪ್ಪ, ಸಂಪಣ್ಣ,ಧರ್ಮೇಶ,ಮಣಿಕಂಠ ಇನ್ನೂ ಹಲವಾರು ಪರಿಸರ ಪ್ರೇಮಿಗಳು ಭಾಗಿಯಾಗಿದ್ದರು.
