ಕನ್ನಡಿಗರ ರಾಜರತ್ನ
ಯುವಕರ ಯುವರತ್ನ
ಅಭಿಮಾನಿಗಳ ಕರ್ನಾಟಕ ರತ್ನ….!
ಮುತ್ತುರಾಜರ ಪ್ರೀತಿಯ ಮುತ್ತು
ಪಾರ್ವತಮ್ಮನ ಕೈತುತ್ತು ರಾಜಮನೆತನದ ನೀಯತ್ತು
ಜಗದೆಲ್ಲರ ಆಶೀರ್ವಾದ ನಿನಗಿತ್ತು….!
ನಗುವಿನ ಒಡೆಯ ನಗು ನಗುತಾ ಬಾಡಿದೆಯಾ
ನಗುವೇ ಹಲ ಮನಗಳಿಗೆ ಪ್ರೇಮ ಪ್ರಿಯ
ಪ್ರತೀ ನಗುವಲ್ಲೇ ಉಳಿದಿರುವೆ ನೀ ಶಾಶ್ವತಮಯ….!
ಮಾನವೀಯೆತೆಗೆಂದು ನೀಡಿದೆ ನೇತ್ರದಾನ
ನೀನಿಲ್ಲದೇ ಕರುನಾಡು ಖಾಲಿ ಮೈದಾನ
ಹೇಳು ಬಾ ಮರಳಿ ನಗು ಮಗುವೇ ನಿನ್ನವರಿಗೆ ಸಮಾಧಾನ….!
ನಮ್ಮನಗಲಿದೆ ನೀ ಬೆಟ್ಟದ ಹೂವಾಗಿ
ಬರಬಾರದೇ ಮರಳಿ ಮತ್ತೊಮ್ಮೆ ವರವಾಗಿ
ನಿನ್ನ ಹೆಸರೇ ಬೆಳೆದಿದೆ ಜಗದಲಿ ಹೆಮ್ಮರವಾಗಿ….!
ಚಿರ ನಿದ್ರೆಯಲಿ ಜಾರಿದೆ ನಿನ್ನ ಮನ
ತಲ್ಲಣಗೊಂಡಿದೆ ಕನ್ನಡಿಗರ ಜೀವನ
ಮತ್ತೊಮ್ಮೆ ಹುಟ್ಟಿ ಕಟ್ಟಬಾರದೇ ಈ ನಾಡಿಗೆ ಕನ್ನಡದ ತೋರಣ….!
ಕರುನಾಡಲ್ಲಿ ಸದಾ ನಿನ್ನದೇ ಗುಣಗಾನ
ಮನೆ ಮನದಲ್ಲೂ ನಿನ್ನದೇ ನಗುವಿನ ಚಿತ್ರಣ
ಅಭಿಮಾನಿಗಳ ಅಂಧ ಅನಾಥರ ಬಾಳಿಗೆ ನಿನ್ನ ಹೆಸರೇ ಪೋಷಣ….!!
- ನಾಗರಾಜ ಮುಗಳಿ ಹರ್ಲಾಪುರ
