ಶಿವಮೊಗ್ಗ/ಸೊರಬ:ಕೊನೆಗೂ ವಿಧಾನಸಭೆ ಚುನಾವಣಾ ಅಖಾಡಕ್ಕೆ ಬಿಜೆಪಿ ಪಕ್ಷ ತನ್ನ ಹುರಿಯಾಳುಗಳ ಮೊದಲ ಹಂತದ ಪಟ್ಟಿ ಪ್ರಕಟಿಸಿದೆ.
ಕೆಲ ಸ್ವಪಕ್ಷೀಯ ನಾಯಕರ ತೀವ್ರ ಆಕ್ಷೇಪ– ಭಿನ್ನಮತದ ನಡುವೆಯೂ, ಶಾಸಕ ಕುಮಾರ್ ಬಂಗಾರಪ್ಪ ಅವರು ಮತ್ತೆ ಬಿಜೆಪಿ ಅಭ್ಯರ್ಥಿಯಾಗಿ ಅಖಾಡಕ್ಕಿಳಿಯುವಲ್ಲಿ ಯಶಸ್ವಿಯಾಗಿದ್ದು ಸೊರಬದಲ್ಲಿ ಹಾಲಿ ಶಾಸಕ ಕುಮಾರ್ ಬಂಗಾರಪ್ಪ ಇದೇ ಅವರಿಗೆ ಟಿಕೆಟ್ ತಪ್ಪುತ್ತದೆ ಎಂಬ ನಿರೀಕ್ಷೆ ಹುಸಿಯಾಗಿದ್ದು,ಪಕ್ಷ ಅವರಿಗೆ ಮಣೆ ಹಾಕಿದೆ.ನಮೋ ವೇದಿಕೆ, ಮೂಲ ಬಿಜೆಪಿ ಕಾರ್ಯಕರ್ತರು ವಿರೋಧ ವ್ಯಕ್ತಪಡಿಸಿದ್ದರೂ ಪಕ್ಷ ಕುಮಾರ್ ಬಂಗಾರಪ್ಪನವರಿಗೆ ಟಿಕೆಟ್ ಪ್ರಕಟಿಸಿದ್ದು, ಇಲ್ಲಿ ಕಾಂಗ್ರೆಸ್ ಪಕ್ಷ ಮಧು ಬಂಗಾರಪ್ಪ ಅವರಿಗೆ ಟಿಕೆಟ್ ನೀಡಿದೆ. ಹೀಗಾಗಿ ಇಲ್ಲಿ ಸೋದರರ ಸವಾಲ್ ಮತ್ತೆ ಎದುರಾಗಲಿದೆ.
ಇನ್ನು ಕುಮಾರ್ ಬಂಗಾರಪ್ಪನ ವಿರೋಧಿ ಪಾಳೆಯದವರಿಗೆ ಹಾಗೂ ನಮೋ ವೇದಿಕೆ ಅವರಿಗೆ ಇದು ನುಂಗಲಾರದ ತುತ್ತಾಗಿ ಪರಿಣಮಿಸಿದೆ. ಸೊರಬದಲ್ಲಿ ಮತ್ತೆ ಕುಮಾರ್ ಬಂಗಾರಪ್ಪನಿಗೆ ಟಿಕೆಟ್ ಕೊಟ್ಟರೆ ನಮೋ ವೇದಿಕೆಯಿಂದ ಅಭ್ಯರ್ಥಿಯನ್ನು ಕಣಕ್ಕಿಳಿಸಲಾಗುವುದು ಎಂದು ನಮೋ ವೇದಿಕೆಯವರು ಘೋಷಣೆ ಮಾಡಿದ್ದು, ಈ ಮಾತಿಗೆ ಬದ್ಧವಾಗಲಿದ್ದಾರೆಯೇ ಅಥವಾ ಸಂಧಾನಕ್ಕೆ ಬದ್ಧರಾಗುತ್ತಾರೆ ಎಂಬುದನ್ನು ಕಾದು ನೋಡಬೇಕಿದೆ.
-ಕರುನಾಡ ಕಂದ
