ಇಂಡಿ: ಕ್ಷೇತ್ರದಲ್ಲಿ ಮೂರು ಬಾರಿ ಶಾಸಕರಾಗಿ ಆಯ್ಕೆಯಾಗಿ ಹ್ಯಾಟ್ರಿಕ್ ಗೆಲುವು ಸಾಧಿಸಿದ ಶಾಸಕ ಯಶವಂತರಾಯಗೌಡ ಪಾಟೀಲ್ ಅವರಿಗೆ ಸಚಿವ ಸ್ಥಾನ ನೀಡಬೇಕು ಎಂದು ಕಾಂಗ್ರೆಸ್ ಮುಖಂಡರು ಸುದ್ದಿಗೋಷ್ಠಿಯಲ್ಲಿ ಆಗ್ರಹಿಸಿದ್ದಾರೆ.
ಈ ಸಂದರ್ಭದಲ್ಲಿ ಮುಖಂಡ ರಮೇಶ್ ಕಲ್ಯಾಣ ಮಾತನಾಡಿ ಇಂಡಿ ಕ್ಷೇತ್ರವನ್ನು ಕಳೆದ ಹತ್ತು ವರ್ಷದಲ್ಲಿ ಶಾಸಕರು ಸಾಕಷ್ಟು ಅಭಿವೃದ್ಧಿ ಮಾಡಿದ್ದಾರೆ. ಸ್ವಾತಂತ್ರ‍್ಯ ನಂತರ ಇದುವರೆಗೂ ಇಂಡಿ ಕ್ಷೇತ್ರಕ್ಕೆ ಸಚಿವ ಸ್ಥಾನ ದೊರೆತಿಲ್ಲ. ಹೀಗಾಗಿ ಸಚಿವ ಸ್ಥಾನ ವಂಚಿತ ಇಂಡಿ ಮತಕ್ಷೇತ್ರಕ್ಕೆ ಈ ಬಾರಿ ಕಡ್ಡಾಯವಾಗಿ ಸಚಿವ ಸ್ಥಾನ ನೀಡಬೇಕು ಎಂದು ಹೈಕಮಾಂಡ್ ಹಾಗೂ ರಾಜ್ಯ ಕಾಂಗ್ರೆಸ್ ನಾಯಕರಲ್ಲಿ ವಿನಂತಿ ಪೂರ್ವಕವಾಗಿ ಆಗ್ರಹಿಸುತ್ತೇವೆ ಎಂದರು.
ಹಲವು ದಶಕಗಳಿಂದ ಇಂಡಿ ಕ್ಷೇತ್ರಕ್ಕೆ ಸಚಿವ ಸ್ಥಾನವೇ ಸಿಕ್ಕಿಲ್ಲ. ಸಚಿವ ಸ್ಥಾನವಂಚಿತ ಎಂಬ ಹಣೆಪಟ್ಟಿ ಹೊಂದಿದ ತಾಲೂಕಿಗೆ ಸಚಿವ ಸ್ಥಾನ ನೀಡಿ ಹಣೆಪಟ್ಟಿ ಅಳಿಸಬೇಕು. ಇಂಡಿ ಕ್ಷೇತ್ರದ ಸರ್ವಾಂಗೀಣ ಅಭಿವೃಧ್ಧಿಗಾಗಿ ಯಶವಂತ್ರಾಯಗೌಡರಿಗೆ ಸಚಿವ ಸ್ಥಾನ ನೀಡಬೇಕೆಂದು ಆಗ್ರಹಿಸಿದರು.
ಯಶವಂತ್ರಾಯಗೌಡ ಪಾಟೀಲರು ಸಾಕಷ್ಟು ರಾಜಕೀಯ ಜ್ಞಾನ ಹೊಂದಿದ್ದು ಅವರಿಗೆ ಯಾವುದೇ ಖಾತೆ ನೀಡಿದರೂ ಸಮರ್ಪಕವಾಗಿ ನಿಭಾಯಿಸುತ್ತಾರೆ ಅವರಿಗೆ ಉತ್ತಮ ಖಾತೆ ನೀಡಿ ಸಚಿವರನ್ನಾಗಿ ಮಾಡಬೇಕೆಂದರು.
ಅರ್ಜುನ ಚಾಂದಕವಟೆ, ಶಿವಾನಂದ ಹೊಸೂರ, ಪ್ರಭು ಹ್ಯಾಳದ, ಶಾಂತಯ್ಯ ಹಿರೇಪಟ್ಟ, ಅಪ್ಪಾಶ್ಯಾ ಪಡಶೆಟ್ಟಿ, ಬಸವರಾಜ ಕರೂರ, ವಿಠ್ಠಲ ಕಡಬಗಾಂವ, ನಾಗರಾಜ ಹಸನಾಪೂರ, ಶಿವಾನಂದ ಬಗಲಿ, ಗಂಗಾಧರ ಗುಳೇದ, ಹಣಮಂತ ಉಪ್ಪಾರ ಸೇರಿದಂತೆ ನೂರಾರು ಕಾರ್ಯಕರ್ತರು ಉಪಸ್ಥಿತರಿದ್ದರು.
ವರದಿ.ಅರವಿಂದ್ ಕಾಂಬಳೆ ಇಂಡಿ
