ಶಹಾಪುರ: ಶನಿವಾರ ಸಂಜೆ ಕುರಿ ಕಾಯುವ ಕಾರಿಗಾಹಿಗಳು ಮನೆ ಹಿಂದಿರುಗುವಾಗ ಗುಡುಗು ಸಿಡಿಲಿನ ಆರ್ಭಟಕ್ಕೆ ಅಪ್ಪಳಿಸಿ 120 ಕ್ಕೂ ಹೆಚ್ಚು ಕುರಿ ಹಿಂಡಿನಲ್ಲಿ 19 ಕುರಿಗಳು ಮೃತಪಟ್ಟಿದ್ದು, ಕುರಿ ಕಾಯುವ ಕಾರಿಗಾಹಿಗಳು ಬದುಕಿಗೆ ಕಷ್ಟವಾಗಿದೆ ಈ ಘಟನೆ ಹಳಪೇಟೆಯ ಬೆಟ್ಟದ ಹಿಂಬಾಗದಲ್ಲಿ ನಡೆದಿದೆ.
4 ಲಕ್ಷ ರೂಪಾಯಿ ಮೌಲ್ಯದ ಕುರಿಗಳು ಮಳೆಯ ನಡುವೆ ಸಿಡಿಲಿನ ಆರ್ಭಟಕ್ಕೆ ಬಲಿಯಾಗಿವೆ. ಸಂಗಪ್ಪ ತಂದೆ ಮಲ್ಲಪ್ಪ ಜಂಗಳಿ, ದೇವಪ್ಪ ತಂದೆ ನಾಗಪ್ಪ ವಗ್ಗನರ್ ಅವರಿಗೆ ಸೇರಿದಂತೆ, ಸಂಜೆ ವೇಳೆಗೆ ಸಿಡಿಲಿನ ಆರ್ಭಟ ಬೆಚ್ಚಿ ಬೀಳುವಂತೆ ಮಾಡಿತು. ಅದೃಷ್ಟವಶಾತ್ ಕುರಿ ಕಾಯುವವರು ಕಲ್ಲು ಬಂಡೆಗಳಲ್ಲಿ ನಿಂತು ತಮ್ಮ ಪ್ರಾಣವನ್ನು ಕಾಪಾಡಿಕೊಂಡರು.
ಬದುಕಿಗೆ ಬರೆ ಎಳೆದಂತಾಗಿದೆ:ಕುರಿಗಳನ್ನೇ ನಂಬಿ ಜೀವನ ಮಾಡುತ್ತಿರುವವರು ಮಳೆ ಇಲ್ಲದೆ ಮೇವಿಗಾಗಿ ಕುರಿಗಳ ಜೊತೆಗೆ ದೂರದ ಊರಿಗೆ ಹೋಗುವುದು ಮತ್ತು ಬೆಟ್ಟ ಗುಡ್ಡ ತಿರುಗಾಡುವ ಇವರಿಗೆ ಪ್ರಕೃತಿ ಇಂತದೊಂದು ಸಂಕಷ್ಟ ತಂದಿದ್ದಕ್ಕೆ ಕುಟುಂಬಸ್ಥರು ಆತಂಕದಲ್ಲಿದ್ದಾರೆ ತಕ್ಷಣವೇ ತಾಲೂಕ ದಂಡಾಧಿಕಾರಿಗಳು,ಸಂಬಂಧಪಟ್ಟ ಪಶು ವೈದ್ಯರು ಕೂಡಲೇ ಅಧಿಕಾರಿಗಳು ಸ್ಪಂದಿಸಿ ಸೂಕ್ತ ಪರಿಹಾರ ಕೊಡುವ ಕೆಲಸ ಮಾಡಬೇಕಾಗಿದೆ.
ವರದಿ ರಾಜಶೇಖರ ಮಾಲಿ ಪಾಟೀಲ್ ಶಹಾಪುರ
