ಐತಿಹಾಸಿಕ ದೇವಾಲಯ ಸ್ವಚ್ಛಗೊಳಿಸುವುದು ನಮ್ಮ ಹೊಣೆ:ರಾಜಕುಮಾರ ರಕ್ಷಾಳ

ಜೇವರ್ಗಿ:ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ವತಿಯಿಂದ ನಮ್ಮ ಊರು ನಮ್ಮ ಶ್ರದ್ಧಾಕೇ೦ದ್ರ ಅಡಿಯಲ್ಲಿ ಜೇವರ್ಗಿ ತಾಲೂಕಿನ ಹರವಾಳ ಗ್ರಾಮದ ಐಹೊಳ ಸಿದ್ದೇಶ್ವರ ದೇವಸ್ಥಾನ ಸ್ವಚ್ಛತೆ ಮಾಡಲಾಯಿತು ಯೋಜನೆ ಸ್ವ ಸಹಾಯ ಮತ್ತು ಪ್ರಗತಿ ಬಂಧು ಸಂಘಗಳ ಸದಸ್ಯರು ದೇವಾಲಯದ ಆವರಣವನ್ನು ನೀರಿನಿ೦ದ ತೊಳೆದು ಸ್ವಚ್ಛ ಗೊಳಿಸಿ ಸುತ್ತ ಮುತ್ತಲಿನ ಮುಳ್ಳಿನ ಗಿಡಗಳನ್ನು ಕಿತ್ತಿ ಸ್ವಚ್ಛತೆ ಮಾಡಿದರು.
ಈ ಸ್ವಚ್ಚತಾ ಸೇವಾ ಕಾರ್ಯದಲ್ಲಿ ತೊಡಗಿದ ಕೃಷಿ ಮೇಲ್ವಿಚಾರಕರಾದ ರಾಜಕುಮಾರ ರಕ್ಷಾಳ ಮಾತನಾಡುತ್ತಾ ಯೋಜನೆ ವತಿಯಿಂದ ಈಗಾಗಲೇ ರಾಜ್ಯಾದ್ಯಂತ ಹತ್ತು ಸಾವಿರ ಶ್ರದ್ಧಾ ಕೇಂದ್ರಗಳಿಗೆ ಸ್ವಚ್ಛತೆ ಮಾಡಲಾಗತ್ತಿದೆ ದೇವಸ್ಥಾನ,ಮಸೀದಿ,ಚರ್ಚ್ ಆಯ್ಕೆ ಮಾಡಿಕೊಂಡು ಸ್ವಚ್ಛತೆ ಮಾಡುವ ಮೂಲಕ ಈ ಬಗ್ಗೆ ಸದಸ್ಯರಲ್ಲಿ ಅರಿವು ಮೂಡಿಸಲಾಗುತ್ತಿದೆ ಎಂದರು ಸೇವಾಪ್ರತಿನಿಧಿ ಮಲ್ಲಮ್ಮ,ಕವಿತಾ ಸಂಘದ ಸದಸ್ಯರು ಗ್ರಾಮಸ್ಥರು ಉಪಸ್ಥಿತರಿದ್ದರು.

ವರದಿ ಚಂದ್ರಶೇಖರ ಎಸ್ ಪಾಟೀಲ್