ಕಾರವಾರ:ಕಡವಾಡ-ಸುಂಕೇರಿ
ಬಳಿ ಪ್ಲಾಸ್ಟಿಕ್ ತ್ಯಾಜ್ಯ ಹಾಕುವವರ ಚಾಳಿ ಮತ್ತೆ ಮುಂದುವರೆದಿದ್ದು ಕೆಲ ತಿಂಗಳಿಂದ ಪ್ರತಿ ರವಿವಾರ ಪರಿಸರ ಕಾಳಜಿಯುಳ್ಳ,ಯುವ ಮೀನುಗಾರರ ತಂಡ ನಮ್ಮ ನಡೆ ಸ್ವಚ್ಛತೆಯ ಕಡೆ ಎಂಬ ಅಭಿಯಾನ ಹಮ್ಮಿಕೊಳ್ಳುವುದರ ಮೂಲಕ ಸ್ವಚ್ಛತಾ ಕಾರ್ಯಕ್ರಮವನ್ನು ಮಾಡುತ್ತಾ ಪ್ರವಾಸೋದ್ಯಮಕ್ಕೆ ಯೋಗ್ಯವಾದ ಈ ಸ್ಥಳವನ್ನು ಸ್ವಚ್ಛಂದಗೊಳಿಸುತ್ತಾ ಬಂದಿದ್ದರು ಮತ್ತೆ ಉದ್ದೇಶಪೂರ್ವಕವಾಗಿ ಕೆಲವರು ವಿನಾಕಾರಣ ಕಸ ಹಾಕುವ ಮೂಲಕ ತಮ್ಮ ಚಾಳಿಯನ್ನು ಮುಂದುವರಿಸಿಕೊಂಡು ಬಂದಿದ್ದಾರೆ. ಅನೇಕ ಬಾರಿ ಈ ವಿಷಯದ ಬಗ್ಗೆ ಪತ್ರಿಕೆಯಲ್ಲಿ ಪ್ರಕಟವಾದರೂ ಕಡವಾಡ ಗ್ರಾಮ ಪಂಚಾಯತ್ ಹಾಗೂ ನಗರಸಭೆ ಇನ್ನೂವರೆಗೂ ತಮಗೆ ಸಂಬಂಧಿಸಿದಲ್ಲ ಎಂಬುದಾಗಿ ಕಣ್ಮುಚ್ಚಿ ಕುಳಿತುಕೊಂಡಿರುವುದು ಬೇಸರದ ಸಂಗತಿಯಾಗಿದೆ.ಈ ರೀತಿ ಪ್ಲಾಸ್ಟಿಕ್ ತ್ಯಾಜ್ಯಗಳಿಂದ ಪ್ರಾಣಿಗಳಿಗೆ ಜೀವ ಹಾನಿಯಾಗುತ್ತಿದೆ ಇನ್ನಾದರೂ ಇಂಥ ಕೃತ್ಯವನ್ನು ನಡೆಸದೆ ಈ ಪ್ರದೇಶವನ್ನು ಸ್ವಚ್ಛವಾಗಿ ನೋಡಿಕೊಳ್ಳಬೇಕು ಎಂಬುದು ಸಾರ್ವಜನಿಕರ ಆಶೆಯಾಗಿದೆ.ಈ ಸ್ವಚ್ಛತಾ ಕಾರ್ಯಕ್ರಮದಲ್ಲಿ ಮೀನುಗಾರರ ಯುವ ಮುಖಂಡರಾದ ಪ್ರಸಾದ್ ಭೋವಿ,ಪ್ರಕಾಶ್ ಭೋವಿ, ಸುಮಂತ್ ಭೋವಿ,ಚಂದ್ರಹಾಸ್ ಭೋವಿ,ಶ್ರೀ ಗಜಾನನ ಯುವಕ ಮಂಡಳದ ಅಧ್ಯಕ್ಷರಾದ ಸುಶಾಂತ ಭೋವಿ,ಭೋವಿ ಸಮಾಜದ ಹಿರಿಯರಾದ ಕೋಮಾರ್ ಭೋವಿ,ಸತೀಶ್ ಭೋವಿ ಮತ್ತಿತರರು ಉಪಸ್ಥಿತರಿದ್ದರು.
