ಶ್ರೀ ಚನ್ನವೀರ ಶಿವಾಚಾರ್ಯ 73ನೇ ಜಾತ್ರಾ ಮಹೋತ್ಸವ

ಕಲಬುರಗಿ ಜಿಲ್ಲೆಯ ಚಿಂಚೋಳಿ ಪಟ್ಟಣದ ಚನ್ನಬಸವ ಶಿವಯೋಗಿಗಳ 73 ನೇ ಜಾತ್ರಾ ಮಹೋತ್ಸವ ಭಕ್ತರ ಜಯ ಘೋಷದ ಮಧ್ಯೆ ಅದ್ದೂರಿಯಾಗಿ ಜರಗಿತು.
ಮುಲ್ಲಾಮಾರಿ ನದಿಯ ತೇರ್ ಮೈದಾನದಲ್ಲಿ ಪರಮಪೂಜ್ಯ ಸದ್ಗುರು ಹಾರಕೂಡ ಚನ್ನಬಸವ ಶಿವಯೋಗಿಗಳ ಜಾತ್ರಾ ಮಹೋತ್ಸವವು ಮಠದ ಪೀಠಾಧಿಪತಿ ಶ್ರೀ.ಡಾ.ಚೆನ್ನವೀರ ಶಿವಾಚಾರ್ಯರ ನೇತೃತ್ವದಲ್ಲಿ ಅತಿ ವಿಜೃಂಭಣೆಯಿಂದ ರಥೋತ್ಸವ ನಡೆಯಿತು.
ರಥೋತ್ಸವದಲ್ಲಿ ಪಟ್ಟಣ ಸೇರಿದಂತೆ ಐನೊಳ್ಳಿ, ಪೋಲಕಪಳ್ಳಿ,ಗಾರಂಪಳ್ಳಿ,ಉತ್ತಂಗಿ,ಕೊಳ್ಳೂರ, ಸುಲೆಪೇಟೆ ಅನೇಕ ಗ್ರಾಮಗಳಿಂದ ಭಕ್ತರು ಆಗಮಿಸಿ ತೆಂಗು,ನಾಣ್ಯ,ಬಾಳೆಹಣ್ಣು,ಹೂವನ್ನು ರಥೋತ್ಸವಕ್ಕೆ ಎಸೆದು ಭಕ್ತಿ ಮೆರೆದರು.ಈ ಸಂದರ್ಭದಲ್ಲಿ ಕೇಂದ್ರ ಸಚಿವ ಭಗವಂತ ಖೂಬಾ,ಶಾಸಕ ಡಾ.ಅವಿನಾಶ್ ಜಾಧವ್,ಸುಭಾಷ್ ರಾಥೋಡ್,ಸಂಜೀವನ್ ಯಾಕಪುರ್,ಗೌತಮ್ ಪಾಟೀಲ್,ಸುಭಾಷ್ ಶಿಳಿನ್, ಮಲ್ಲಿಕಾರ್ಜುನ್ ಪಾಲಮೋರ,ಸಂತೋಷ ಗಡಂತಿ,ವಿಜಯಕುಮಾರ್ ಚೇಂಗಟೆ,ಲಕ್ಷ್ಮೀನರಸಿಂಹ ರೆಡ್ಡಿ,ರಾಮರೆಡ್ಡಿ ಪಾಟೀಲ್ ಹಾಗೂ ಇನ್ನೂ ಇತರರು ಉಪಸ್ಥಿತರಿದ್ದರು.

ವರದಿ:ರೋಹನ್ ವಾಘಮಾರೆ