ಹಾವೇರಿ/ಶಿಗ್ಗಾಂವ್:ಗ್ಯಾರಂಟಿ ಆಮಿಷ ತೋರಿಸಿ ರಾಜ್ಯದಲ್ಲಿ ಅಧಿಕಾರಕ್ಕೆ ಬಂದ ಕಾಂಗ್ರೇಸ್ ಸರ್ಕಾರ ಪಾಕಿಸ್ತಾನ ಜಿಂದಾಬಾದ ಎನ್ನುವರಿಗೆ ಮಣೆಹಾಕಿ, ಹನುಮಾನ ಚಾಲಿಸಾ ಎಂಬುವ ಹಿಂದುಗಳನ್ನು ಒಳಗೆ ಹಾಕುವ ಕೆಲಸ ಮಾಡುತ್ತಿದ್ದಾರೆ ಅಂತಹ ಸರ್ಕಾರ ನಿಮಗೆ ಬೇಕಾ ಎಂದು ಬಸನಗೌಡ ಪಾಟೀಲ ಯತ್ನಾಳ ಸಹಸ್ರ ಸಂಖ್ಯೆಯಲ್ಲಿ ಸೇರಿದ ಜನಸ್ತೋಮವನ್ನು ಪ್ರಶ್ನಿಸಿದರು.
ಪಟ್ಟಣದಲ್ಲಿ ಸಂತೆ ಮೈದಾನದಲ್ಲಿ,ಲೋಕಸಭಾ ಚುನಾವಣೆಯ ಬಹಿರಂಗ ಸಭೆಯನ್ನುದ್ದೇಶಿಸಿ ಮಾತನಾಡಿದ ಅವರು,ಸನಾತನ ಹಿಂದು ಧರ್ಮ ಉಳಿಯಬೇಕಾದರೆ,ನಿಮ್ಮ ಮನೆಯ ಹೆಣ್ಣು ಮಕ್ಕಳು ಸುರಕ್ಷಿತವಾಗಿರಬೇಕಾದರೆ ಬಿಜೆಪಿಗೆ ಮತ ಹಾಕುವಂತೆ ಮತದಾರ ಪ್ರಭುಗಳಲ್ಲಿ ಮನವಿ ಮಾಡಿದರು. ವಿರೋದ ಪಕ್ಷದ ನಾಯಕ ಆರ್.ಅಶೋಕ ಮಾತನಾಡಿ,ಹಾಲು ಆಲ್ಕೋಹಾಲ್ ಬೆಲೆ ಗಗನಕ್ಕೇರಿದೆ,ಗಂಡಸರಿಂದ ಮೂರುಪಟ್ಟು ಜಾಸ್ತಿ ವಸೂಲಿ ಮಾಡಿ ಎರಡು ಪಟ್ಟು ಮಹಿಳೆಯರಿಗೆ ನೀಡುವ ಮೂಲಕ ಜನ ಸಾಮಾನ್ಯರಿಂದ ಲೂಟಿ ಹೊಡೆಯುತ್ತಿದೆ.ಇದು ಗುಂಡಾಗಿರಿ ಸರ್ಕಾರವಾಗಿದ್ದು, ರಾಜ್ಯ ಸರ್ಕಾರ ಅಧಿಕಾರಕ್ಕೆ ಬಂದ ಮೇಲೆ ಹಿಂದು ಮಹಿಳೆಯರನ್ನು ರಕ್ಷಣೆ ಮಾಡುವುದು ಕಷ್ಟಕರವಾಗಿದೆ.ಹುಬ್ಬಳ್ಳಿ ನೇಹಾ ಹಿರೇಮಠರ ಹತ್ಯೆ ಸರ್ಕಾರ ತಲೆ ತಗ್ಗಿಸುವಂತಾಗಿದ್ದು,ಸಿಎಂ ಸಿದ್ದರಾಮಯ್ಯನವರು ಬೇಜವಾಬ್ದಾರಿ ಹೇಳಿಕೆ ನೀಡುವ ಮೂಲಕ ಜನರನ್ನು ದಾರಿ ತಪ್ಪಿಸುವ ಕೆಲಸ ಮಾಡುತ್ತಿದ್ದಾರೆ,ಅಪರಾಧಿ ಫಯಾಜ್‌ಗೆ ಉಗ್ರ ಶಿಕ್ಷೆ ನೀಡುವಂತೆ ಒತ್ತಾಯಿಸಿದರಲ್ಲದೇ,ಅಂತಹ ಸರ್ಕಾರವನ್ನು ಕಿತ್ತೊಗೆಯಲು ಬಿಜೆಪಿ ಅಭ್ಯರ್ಥಿಗಳಿಗೆ ಮತ ಹಾಕುವಂತೆ ಮತದಾರರಲ್ಲಿ ಮನವಿ ಮಾಡಿದರು.
ಧಾರವಾಡ ಲೋಕಸಭಾ ಬಿಜೆಪಿ ಅಭ್ಯರ್ಥಿ ಪ್ರಲಾದ ಜೋಶಿ ಮಾತನಾಡಿ,75 ವರ್ಷಗಳಿಂದ ದೇಶದಲ್ಲಿ ಎರಡು ಧ್ವಜ,ಎರಡು ಸಂವಿಧಾನಗಳನ್ನು ಭಾರತದಲ್ಲಿ ಪೋಷಿಸಿ ಕೊಂಡು ಬಂದ ಕಾಂಗ್ರೇಸ್ ಸರ್ಕಾರವನ್ನು ಕಿತ್ತೊಗೆಯಲು ಹಿಂದುಗಳೆಲ್ಲರೂ ಒಗ್ಗಟ್ಟಾಗ ಬೇಕಾದ ಅವಶ್ಯಕತೆಯಿದೆ.ಮೋದಿಯವರು 370ನೇ ವಿಧಿ ರದ್ದು ಮಾಡುವ ಮೂಲಕ
ಅಖಂಡ ದೇಶಕ್ಕೆ ಒಂದು ಧ್ವಜ ಒಂದು ಸಂವಿಧಾನ ಇರುವಂತೆ ಮಾಡಿದರು ವಿಶ್ವ ಮೆಚ್ಚಿದ ನಾಯಕ ನರೇಂದ್ರ ಮೋದಿಜಿಯವರು.ಭಾರತವನ್ನು 3ನೇ ಅತಿ ದೊಡ್ಡ ಆರ್ಥಿಕ ದೇಶವನ್ನಾಗಿಸುವ ಮೂಲಕ ಬಡತನವನ್ನು ಸಂಪೂರ್ಣವಾಗಿ ನಿರ್ಮೂಲನೆ ಮಾಡುವ ಗುರಿಯನ್ನು ಹೊಂದಿದ ಬಿಜೆಪಿ ಸರ್ಕಾರವನ್ನು ಬೆಂಬಲಿಸುವಂತೆ ಮತದಾರರಲ್ಲಿ ಮನವಿ ಮಾಡಿದರು.
ಈ ಸಂದರ್ಭದಲ್ಲಿ ಚಿತ್ರನಟಿ ಮಾಳವಿಕಾ ಅವಿನಾಶ್, ರಾಜಣ್ಣ ಕೊರವಿ ಮಾತನಾಡಿದರು.
ಮುಖಂಡರಾದ ಶ್ರೀಕಾಂತ ದುಂಡಿಗೌಡ್ರ,ಶಿವಾನಂದ ಮ್ಯಾಗೇರಿ,ನರಹರಿ ಕಟ್ಟಿ,ಗಂಗಾಧರ ಬಾಣದ,ನರೇಂದ್ರಸ್ವಾಮಿ ಬಾಬು,ಶಶಿಧರ ಯಲಿಗಾರ,
ತಿಪ್ಪಣ್ಣ ಸಾತಣ್ಣವರ,ಬಿಜೆಪಿ ಪದಾಧಿಕಾರಿಗಳು, ಕಾರ್ಯಕರ್ತರು,ಮುಖಂಡರು ಉಪಸ್ಥಿತರಿದ್ದರು.
ವರದಿಗಾರ:ಮಂಜುನಾಥ ಪಾಟೀಲ
