ಶ್ರೀ ಮಾರಿಕಾಂಬಾ ದೇವಿ ಜಾತ್ರೆಯ ಆಲ್ಬಂ ಗೀತೆ ಬಿಡುಗಡೆ

ಶಿವಮೊಗ್ಗದ ಇತಿಹಾಸ ಪ್ರಸಿದ್ಧ ಕೋಟೆ ಶ್ರೀ ಮಾರಿಕಾಂಬಾ ದೇವಿ ಜಾತ್ರೆ ದಕ್ಷಿಣ ಭಾರತದ ಅತಿದೊಡ್ಡ ಜಾತ್ರೆಗಳಲ್ಲಿ ಒಂದಾಗಿದ್ದು, ಬರುವ ಫೆಬ್ರವರಿ 24 ರಿಂದ 28 ರವರೆಗೆ 5 ದಿನಗಳ ಕಾಲ ಅತ್ಯಂತ ಅದ್ದೂರಿಯಾಗಿ ನಡೆಯಲಿರುವ ಜಾತ್ರೆಗೆ ’ವಿಶೇಷ ಹಾಡೊಂದನ್ನು’ ಬಿಡುಗಡೆ ಮಾಡಲು ಸ್ಟೈಲ್ ಡ್ಯಾನ್ಸ್ ಕ್ರಿವ್ ಶಿವಮೊಗ್ಗ ತಂಡ ಸಜ್ಜಾಗಿದೆ.
ಬರುವ ಫೆ.13 ಶುಕ್ರವಾರ ಸಂಜೆ 6ಕ್ಕೆ “ಸ್ಟೈಲ್ ಡಾನ್ಸ್ ಕ್ರಿವ್ ಶಿವಮೊಗ್ಗ ಯೂಟ್ಯೂಬ್ ನಲ್ಲಿ ಬಿಡುಗಡೆಗೊಳ್ಳಲಿದೆ.
ಈ ವಿಶೇಷ ಹಾಡು ” ಹೇ ಮಗ ಇದು ಶಿವಮೊಗ್ಗ ” ಎಂಬ ವೈರಲ್ ಹಾಡಿನ ತಂಡದಿಂದ ತಯಾರಾಗಿದ್ದು, ಈ ಹಾಡಿನ ನಿರ್ಮಾಣದ ಕೆಲಸವನ್ನು ಸ್ಟೈಲ್ ಡಾನ್ಸ್ ಕ್ರಿವ್ ತಂಡ ನಿರ್ವಹಿಸಿದೆ.

ಶಿವಮೊಗ್ಗ ಹಾಡೆಂದರೆ ನೆನಪಿಗೆ ಬರುವ “ಹೇ ಮಗ ಇದು ಶಿವಮೊಗ್ಗ’ ಹಾಡಿನ ಗಾಯನದ ಮೂಲಕ ಶಿವಮೊಗ್ಗ ಜನರರನ್ನು ಕುಣಿದು ಕುಪ್ಪಳಿಸುವಂತೆ ಮಾಡಿರುವ ಎನ್ ಶಶಿಕುಮಾರ್ ಸಾಹಿತ್ಯವನ್ನು ರಚಿಸುವ ಮೂಲಕ ಗಾಯಕರು ಸಹ ಆಗಿದ್ದಾರೆಂಬುವುದು ಇಲ್ಲಿ ವಿಶೇಷ. ಈ ಹಾಡಿಗೆ ಸಂಗೀತವನ್ನು ಪ್ರಿನ್ಸ್ ಜೋಸೆಫ್ ಅವರು ನೀಡಿದ್ದಾರೆ.

ವರದಿ: ಕೊಡಕ್ಕಲ್ ಶಿವಪ್ರಸಾದ್.