ಎಲೆಮರೆಕಾಯಿಗಳಂತೆ ಸಮಾಜದಲ್ಲಿ ಸೇವೆ ಸಲ್ಲಿಸುತ್ತಿರುವ ಅವಿನಾಶ ದೇಶಪಾಂಡೆ ಕಾರ್ಯ ಶ್ಲಾಘನೀಯ:ಅಮರೇಗೌಡ ಮಲ್ಲಾಪುರ

ಸಿಂಧನೂರು ನಗರದ ಪಿಡಬ್ಲ್ಯೂಡಿ ಕ್ಯಾಂಪಿನಲ್ಲಿರುವ ವನಸಿರಿ ಫೌಂಡೇಶನ್ ಸಂಸ್ಥೆಯ ಅಮರಶ್ರೀ ಆಲದ ಮರದ ಆವರಣದಲ್ಲಿ ಜೀವ ಸ್ಪಂದನ ಚಾರಿಟಬಲ್ ಟ್ರಸ್ಟ್ ಕಾರ್ಯದರ್ಶಿ ಅವಿನಾಶ್ ದೇಶಪಾಂಡೆ ತಮ್ಮ ಹುಟ್ಟು ಹಬ್ಬದಂದು ನಾಗಲಿಂಗ ಪುಷ್ಪ ಗಿಡವನ್ನು ನೆಟ್ಟು ಅಭಿನಂದನ್ ಸ್ಪೂರ್ತಿ ಧಾಮದ‌ ಮಕ್ಕಳೊಂದಿಗೆ ಆಚರಿಸಿಕೊಂಡರು.

ವನಸಿರಿ ಫೌಂಡೇಶನ್ ಸಂಸ್ಥಾಪಕ ಅಮರೇಗೌಡ ಮಲ್ಲಾಪೂರ ಮಾತನಾಡಿ,ನಮ್ಮ ಸಿಂಧನೂರಿನ ಎಲೆಮರೆ ಕಾಯಿಯಂತೆ ಸೇವೆಯಲ್ಲಿ ಹಲವಾರು ಸಮಯದಲ್ಲಿ ಸ್ಪೂರ್ತಿಯಾಗಿರುವ ಅವಿನಾಶ ದೇಶಪಾಂಡೆರಂತಯತಹ ಯುವಕರು ಸಮಾಜಮುಖಿ ಕಾರ್ಯಗಳಲ್ಲಿ ಹೆಚ್ಚು ಹೆಚ್ಚು ತೊಡಗಿಕೊಂಡಿದ್ದಾರೆ ಎನ್ನುವುದು ಹೆಮ್ಮೆಯ ಸಂಗತಿಯಾಗಿದ್ದು,ಇಂತಹ ಸಮಾಜಮುಖಿ ಕಾರ್ಯಗಳಲ್ಲಿ ಗುರುತಿಸಿರುವ ಯುವ ಮುಖಂಡರಿಗೆ ಸದಾ ಪ್ರೋತ್ಸಾಹ ನೀಡುವುದು ಕೂಡ ನಮ್ಮ ವನಸಿರಿ ಫೌಂಡೇಶನ್ ಕರ್ತವ್ಯವಾಗಿದೆ ಎಂದರು.

ಈ ಸಂದರ್ಭದಲ್ಲಿ ಪರಿಸರ ಪ್ರೇಮಿ ನೆಕ್ಕಂಟಿ ಸುರೇಶ್, ಶಿಕ್ಷಕ ಅಮರಯ್ಯಸ್ವಾಮಿ ಪತ್ರಿಮಠ, ವನಸಿರಿ ಫೌಂಡೇಶನ್ ಸದಸ್ಯ ಮುದಿಯಪ್ಪ, ಅಭಿನಂದನ್ ಶಿಕ್ಷಣ ಸಂಸ್ಥೆಯ ಸಂಸ್ಥಾಪಕ ಅಧ್ಯಕ್ಷರಾದ ರಾಮಣ್ಣ ಹಂಪರಗುಂದಿ ಹಾಗೂ ಶೃತಿ ಹಂಪರಗುಂದಿ ಸೇರಿದಂತೆ ಹಲವರಿದ್ದರು.