“ಅಗರಖೇಡ ಆದ್ಯ ಶ್ರೀ ಕೃಷ್ಣ ದ್ವೈಪನಾಚಾರ್ಯ ಜೈ ಭವಾನಿ ಯುವಕ ಮಂಡಳಿಯಿಂದ ನವರಾತ್ರಿ ಉತ್ಸವ”

ವಿಜಯಪುರ ಜಿಲ್ಲೆಯ ಇಂಡಿ ತಾಲೂಕಿನ ಸುಕ್ಷೇತ್ರ ಅಗರಖೇಡ ಗ್ರಾಮದಲ್ಲಿ ಆದ್ಯ ಶ್ರೀ ಕೃಷ್ಣ ದ್ವೈಪನಾಚಾರ್ಯ ಜೈ ಭವಾನಿ ಯುವಕ ಮಂಡಳಿಯಿಂದ ನವರಾತ್ರಿ ಉತ್ಸವದ ಅಂಗವಾಗಿ ದಿನಾಂಕ: 3-10-2024 ರಂದು ಜೈ ಭವಾನಿಗೆ ಅಭಿಷೇಕ ಹಾಗೂ 10:00 ಗಂಟೆಗೆ ಸುಕ್ಷೇತ್ರ ತುಳಜಾಪುರದಿಂದ ದಿವ್ಯಜ್ಯೋತಿ ಆಗಮನ, ಸಾಯಂಕಾಲ 6:00 ಗೆ ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಸೊಲ್ಲಾಪುರದ ಶ್ರೀ ಸಿದ್ದೇಶ್ವರ ಡಿಜೆ ಸೌಂಡ್ ಹಾಗೂ ಶ್ರೀ ಬೀರಲಿಂಗೇಶ್ವರ ಡೊಳ್ಳಿನ ಸಂಘ ಹಾಗೂ ಸಕಲ ವಾದ್ಯ ವೈಭವಗಳೊಂದಿಗೆ ರಂಗುರಂಗಿನ ಮದ್ದು ಸುಡುತ್ತಾ ಆದಿಶಕ್ತಿಯ ಭವ್ಯ ಮೆರವಣಿಗೆಯು ಜರುಗುವುದು, ಆದಿಶಕ್ತಿಯ ಭವ್ಯ ಮೆರವಣಿಗೆಯ ಉದ್ಘಾಟನೆ ಕಾರ್ಯಕ್ರಮವು ಶ್ರೀ ಗುರುನಾಥ್ ಕೇಶವ್ ಅಂದೇವಾಡಿ ಜಿಲ್ಲಾ ಗಾಣಿಗ ಸಮಾಜದ ಯುವ ಘಟಕದ ಅಧ್ಯಕ್ಷರು ಇವರಿಂದ ನೆರವೇರುವುದು.

ಮೆರವಣಿಗೆಯು ಮುಗಿದ ನಂತರ ಆದಿಶಕ್ತಿಯನ್ನು ಪ್ರತಿಷ್ಠಾಪಿಸಲಾಗುತ್ತದೆ. ದಿನಾಂಕ 04-10-2024 ರಿಂದ 11-10-2024 ರ ವರೆಗೆ ಪ್ರತಿದಿನ ಸಾಯಂಕಾಲ 07:00 ಕ್ಕೆ ವೇ. ಶ್ರೀ ಗುರುಮೂರ್ತಿ ಮಹಾಸ್ವಾಮಿಗಳ ಇವರ ಸಾನಿಧ್ಯದಲ್ಲಿ ಪೂಜ್ಯ ಶ್ರೀ ಮಡಿವಾಳಯ್ಯ ಶಾಸ್ತ್ರಿಗಳು ಅಂಬಾ ಮಠ ಸಾ.ಅರ್ಜುನಗಿ ಇವರ ಅಮೃತವಾಣಿಯಿಂದ ಶ್ರೀ ಸಿದ್ದಲಿಂಗ ಮಹಾರಾಜರ ಪುರಾಣ ಗದಗದ ಸಂಗೀತ ಬಳಗದಿಂದ ಸಂಗೀತ ಸೇವೆಯೊಂದಿಗೆ ಪುರಾಣ ಕಾರ್ಯಕ್ರಮ ಜರಗುವುದು.
ಸಕಲ ಕಾರ್ಯಕ್ರಮಗಳಲ್ಲಿ ಭಕ್ತಾದಿಗಳು ತನು, ಮನ, ಧನದಿಂದ ಸೇವೆ ಸಲ್ಲಿಸಿ ಆದಿಶಕ್ತಿಯ ಕೃಪೆಗೆ ಪಾತ್ರರಾಗಲು ಶ್ರೀ ಆದ್ಯ ದ್ವೈಪಾನಚಾರ್ಯ ಜೈ ಭವಾನಿ ಯುವಕ ಮಂಡಳಿಯವರು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.