ಹೇಳಿಬಿಡಲೇ

ಅವಳ ಕಂಡ ಮೊದಲ ನೋಟದಿ
ನಾನಾದೆ ಪ್ರೇಮ ಕೈದಿ
ಕಾಯುತಿರುವೆ ಅವಳು ಬರುವ ಹಾದಿ
ಅವಳಿಗಾಗಿ ಹುಚ್ಚನಂತೆ ಸುತ್ತುತಿರುವೆ ಬೀದಿ ಬೀದಿ

ಇದನೆಲ್ಲ ಅವಳಿಗೆ ಹೇಗೆ ಹೇಳಲಿ ಈಗ
ತವಕಿಸುತಿದೆ ತಿಳಿಸೆನ್ನುತ ನನ್ನೊಳಗಿನ ಅನುರಾಗ
ಪ್ರಿಯೆ.. ಎನ್ನುವ ಸ್ವರವೇ ತಡವರಿಸುತ್ತಿದೆ
ಎಷ್ಟೊಂದು ಧೈರ್ಯ ಶಾಲಿಯಾದ ನನ್ನೆದೆ ನಡುಗುತಿದೆ

ಮರಳಿ ಮರಳಿ ಪ್ರಯತ್ನಿಸುತ್ತಿರುವೆ
ಗೆಳತಿ ನಾ ನಿನ್ನ ಪ್ರೀತಿಸುತ್ತಿರುವೆ
ನಾ ನಿನ್ನವನೆಂದು ಹೇಳು ಬೇಗ
ಕೊಟ್ಟರು ಕೊಡಬಹುದು ಅವಳ ಹೃದಯದಿ ಜಾಗ

ಅವಳು ತಿರಸ್ಕರಿಸಿದರೆ ಮನೋರೋಗ
ಸಮ್ಮತಿಸಿದರೆ ಪ್ರಾರಂಭವಾಗುವುದು ಪ್ರೇಮಾನುರಾಗ
ಅರಳುವುದು ಮಂದಹಾಸದಿ ನನ್ನ ಮೊಗ
ಮುಂದೆ ನಮ್ಮಿಬ್ಬರ ಬಾಳು ಬಲು ಸೊಗ

✍️ ಲೋಕರತ್ನ ಸುತೆ