ತುಮಕೂರು ಜಿಲ್ಲೆ ಚಿಕ್ಕನಾಯಕನಹಳ್ಳಿ ತಾಲೂಕು
ಹಂದನಕೆರೆಯ ಕೃಷಿ ಪತ್ತಿನ ಸಹಕಾರಿ ಬ್ಯಾಂಕ್ ನ 2025 – 26 ನೇ ಸಾಲಿನ ಸರ್ವ ಸದಸ್ಯರ ವಾರ್ಷಿಕ ಮಹಾಸಭೆಯನ್ನು ಇಂದು ಹಮ್ಮಿಕೊಳ್ಳಲಾಗಿತ್ತು.
ಈ ಕಾರ್ಯಕ್ರಮದಲ್ಲಿ ಚೋಳಕಟ್ಟೆ ಗ್ರಾಮ ಪಂಚಾಯಿತಿಯ ರೈತರು ಮತ್ತು ಷೇರುದಾರರು ನಮ್ಮ ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಹೊಸದಾಗಿ ಕೃಷಿಪತ್ತಿನ ಸಹಕಾರಿ ಬ್ಯಾಂಕನ್ನು ನಿರ್ಮಿಸಲು ನಮ್ಮ ವ್ಯಾಪ್ತಿಯ ಗ್ರಾಮಗಳನ್ನು ಬಿಡುಗಡೆ ಮಾಡಿಕೊಡಬೇಕೆಂದು ಒಂದು ಗುಂಪು ಅರ್ಜಿ ನೀಡಿದರೆ ಬೇಡವೆಂದು ಇನ್ನೊಂದು ಗುಂಪು ಅರ್ಜಿ ನೀಡಿತ್ತು. ಅಧ್ಯಕ್ಷರು ಮತ್ತು ಕಮಿಟಿಯವರು ಈ ಅರ್ಜಿಗಳನ್ನು ಸಭೆಯಲ್ಲಿ ಚರ್ಚೆಗೆ ಇಟ್ಟಾಗ ವೈಯಕ್ತಿಕ ಸಾಲವಾಗಿ ಒಂದು ಕೋಟಿ ರೂ. ಗಳನ್ನು ಆ ಪಂಚಾಯತ್ ವ್ಯಾಪ್ತಿಯ ರೈತರಿಗೆ ನೀಡಿದ್ದೇವೆ. ಆದ್ದರಿಂದ ನಾವು ಬಿಡುಗಡೆ ಮಾಡಿಕೊಡಲು ಯಾವುದೇ ರೀತಿ ತೊಂದರೆ ಇಲ್ಲ ಆದರೆ ಆ ಸಾಲವನ್ನು ವಸೂಲಾತಿ ಮಾಡಬೇಕಾಗಿದ್ದು ಇದನ್ನು ನಮ್ಮ ಸಂಘದ ಸಹಾಯ ನಿಬಂಧಕರಿಗೆ ಮಾಡುತ್ತೇವೆ ಅವರ ಆದೇಶದಂತೆ ಮುಂದಿನ ಕ್ರಮವನ್ನು ಕೈಗೊಳ್ಳುತ್ತೇವೆ ಎಂದು ತಿಳಿಸಿದರು.
ವರದಿ ಸಿದ್ದೇಶ್ ಕೆ.
