ಹುನಗುಂದ: ಆಕಸ್ಮಿಕವಾಗಿ ಸರ್ಕಾರಿ ಸೇವೆಗೆ ಬಂದು ನೀವು ಜನರ ಪ್ರೀತಿ ವಿಶ್ವಾಸಕ್ಕೆ ಪಾತ್ರರಾದಿರಿ. ನಿಮ್ಮ ತಂದೆಯ ಸಮಾಜ ಸೇವಾ ಗುಣವನ್ನು ನೀವೂ ಅಳವಡಿಸಿಕೊಂಡು ನಿವೃತ್ತಿ ಬದುಕನ್ನು ಸಾರ್ಥಕ ಮಾಡಿಕೊಳ್ಳಿ ಎಂದು ಹುನಗುಂದ ತಾಲ್ಲೂಕು ನಿವೃತ್ತ ನೌಕರರ ಸಂಘದ ಅಧ್ಯಕ್ಷ ಎ.ಕೆ.ಉಪನಾಳ ಹೇಳಿದರು.
ಅವರು ಈಚೆಗೆ ನಿವೃತ್ತರಾದ ಉಪ ತಹಶೀಲ್ದಾರ ಈಶ್ವರ ಸಂಗಪ್ಪ ಗಡ್ಡಿ ಅವರ ಇಳಕಲ್ ಮನೆಯಲ್ಲಿ ಶನಿವಾರ ನಡೆದ ಸರಳ ಸಮಾರಂಭದಲ್ಲಿ ತಾಲೂಕು ನಿವೃತ್ತ ನೌಕರರ ಹಿತವರ್ಧಕ ಸಂಘದಿಂದ ಸತ್ಕರಿಸಿ ಮಾತನಾಡಿದರು. ಇದೇ ವೇಳೆಗೆ ಗಡ್ಡಿ ಪರಿವಾರದಿಂದ ಎ.ಕೆ.ಉಪನಾಳ ಅವರನ್ನು ಗೌರವಿಸಲಾಯಿತು.
ಸಮಾಜ ಕಲ್ಯಾಣ ಅಧಿಕಾರಿ ಮಲ್ಲಿಕಾರ್ಜುನ ಕಟ್ಟಿಮನಿ, ನಿರ್ದೇಶಕ ಎಸ್.ಕೆ.ಕೊನೆಸಾಗರ, ಪದವಿ ಪೂರ್ವ ಕಾಲೇಜು ಸಂಘದ ತಾಲೂಕು ಅಧ್ಯಕ್ಷ ಐ.ಎಚ್.ನಾಯಿಕ ಮತ್ತು ಹಿರಿಯ ಲೇಖಕ ಸಿದ್ದಲಿಂಗಪ್ಪ ಬೀಳಗಿ ಉಪಸ್ಥಿತರಿದ್ದರು.
- ಕರುನಾಡ ಕಂದ ಸುದ್ದಿ
