ಕಚೇರಿಗೆ ರೈತರಿಂದ ಬೀಗ ಜಡಿದು ಪ್ರತಿಭಟನೆ

ಹುನಗುಂದ: ತಾಲೂಕಿನ ಮರೋಳ-ರಾಮಥಾಳ ಏತ
ನೀರಾವರಿ ಪಶ್ಚಿಮ ಕಾಲುವೆಯ ಗಂಗೂರ ಚಿತ್ತರಗಿ ಗ್ರಾಮಗಳ ರೈತರ ಜಮೀನಗಳಿಗೆ ನೀರು ಬರುತ್ತಿಲ್ಲ  ಕಾಲುವೆಗೆ ನೀರು ಹರಿಸುವಂತೆ ಶನಿವಾರ ಕೃಷ್ಣಾ ಭಾಗ್ಯ ಜಲ ನಿಗಮ ನಿಯಮಿತ (ಕೆಬಿಜೆಎನ್ ಎಲ್) ಕಚೇರಿಗೆ ರೈತರು ಬೀಗ ಜಡಿದು ಪ್ರತಿಭಟನೆ ನಡೆಸಿದರು.

ರೈತರು ಕೆಬಿಜೆಎನ್‌ಎಲ್ ಕಾರ್ಯ ನಿರ್ವಾಹಕ ಅಭಿಯಂತರರು ಬರುವವರೆಗೂ ನಮ್ಮ ಪ್ರತಿಭಟನೆ ಮುಂದುವರೆಸುತ್ತೇವೆಂದು ಪಟ್ಟು ಹಿಡಿದು ಕಚೇರಿಗೆ  ಆಗಮಿಸುವವರೆಗೂ ಅಧಿಕಾರಿಗಳ ವಿರುದ್ಧ ಆಕ್ರೋಶವನ್ನು ವ್ಯಕ್ತಿ ಪಡಿಸಿದರು.

ಚಿತ್ತರಗಿ ಗ್ರಾಮದ ರೈತರಾದ ಮಲ್ಲಣ್ಣ ಬಿಸರಡ್ಡಿ, ಮುತ್ತಪ್ಪ ನಾಲತವಾಡ, ಮಹಾಂತೇಶ ನಾಲತವಾಡ, (ರೋಳ್ಳಿ  ) ಮಹಾಂತೇಶ ಬಾರಡ್ಡಿ, ಮಹಾಂತೇಶ ಚೌಡಾಪುರ, ಸುದೀರ ಪಾಟೀಲ, ಮಲ್ಲಪ್ಪ ದ್ಯಾವನಗೌಡರ, ಸಂಗಣ್ಣ ಮಿಟ್ಟಲಕೊಡ, ಅನೀಲ ಕಾಮಾ, ಲಕ್ಷ್ಮಣ ಖೈರವಾಡಗಿ, ಶಿವಾನಂದ ಹಾದಿಮನಿ ,ಹನಮಂತ ಪೂಜಾರ, ಕಚೇರಿಗೆ
ಹಿರೇಮಠ, ಸಂಗಪ್ಪ ಬೇವೂರ ಇತರರು ಇದ್ದರು.

ಚಿತ್ತರಗಿ ಹಾಗೂ ಗಂಗೂರ ಗ್ರಾಮಗಳ ಕಾಲುವೆಯಲ್ಲಿ ಹೂಳು ತುಂಬಿಕೊಂಡು ಮತ್ತು ಮುಳ್ಳು ಕಂಟಿಗಳಿಂದ ಸಂಪೂರ್ಣ ಮುಚ್ಚಿಕೊಂಡಿದ್ದರಿಂದ ಕೊನೆಗೆ ಹಳ್ಳಿಗಳ ಕಾಲುವೆಗೆ ನೀರು ತಲುಪತ್ತಿಲ್ಲ ಆದ್ದರಿಂದ ಹೂಳು ತೆಗೆಸಲು ಸಲುವಾಗಿ ಸೆ.8 ವರೆಗೆ ಎಲ್ಲಾ ಕಾಲುವೆಗೆ ನೀರು ಹರಿಸುವದನ್ನು ಸ್ಥಗಿತಗೊಳಿಸಲಾಗಿದೆ. ನಂತರ ಎಲ್ಲಾ ಕಾಲುವೆಗಳಿಗೆ ನೀರು ಹರಿಸಲಾಗುವುದು.

• ಮಂಜುನಾಥ ಗುತ್ತೇದಾರ, ಕಾರ್ಯ ನಿರ್ವಾಹಕ ಅಭಿಯಂತರರು, ಕೆಬಿಜೆಎನ್ ಎಲ್ ಹುನಗುಂದ.
• ಕರುನಾಡ ಕಂದ ಸುದ್ದಿ