ನಾವರಿತುಕೊಳ್ಳಬೇಕಿದೆ ಬಾಬಾ ಸಾಹೇಬರ ಸಂವಿಧಾನ

ಅಸಮಾನತೆಯನು ತೊಲಗಿಸಲು ಬರೆದರು ಸಂವಿಧಾನ
ಮಾನವೀಯತೆಯಲಿ ಬದುಕಲು ಬರೆದರು ಸಂವಿಧಾನ
ಬುದ್ಧ ಬಸವಾದಿ ತತ್ವಗಳಾಶೆಯದಂತೆ ಬರೆದರು ಸಂವಿಧಾನ
ನಮ್ಮರಿಗೆ ಅರಿವಿಲ್ಲ ಅದನ್ನುಳಿಕೊಳ್ಳುವ ಸರಿಯಾದ ವಿಧಾನ….!!

ಶೋಷಿತರ ಬದುಕಿಗಾಗಿ ಬರೆದರು ಸಂವಿಧಾನ
ತುಳಿತಕ್ಕೊಳಗಾದವರ ಬದುಕಿಗಾಗಿ ಬರೆದರು ಸಂವಿಧಾನ
ಮೇಲು ಕೀಳೆ0ಬ ದುರ್ನಡತೆಯ ನಿರ್ಮೂಲನೆಗೆ ಬರೆದರು ಸಂವಿಧಾನ
ಆದರೂ ನಮ್ಮವರಿಗರಿವಿಲ್ಲ ಅದನ್ನುಳಿಸಿಕೊಳ್ಳುವ ವಿಧಾನ…!!

ಬಡವ ಶ್ರೀಮಂತನೆಂಬ ವ್ಯತ್ಯಾಸವಳಿಸಲು ಬರೆದರು ಸಂವಿಧಾನ
ಪ್ರತಿಯೊಬ್ಬರೂ ಸಮಾನರೆಂಬ ಅರಿವು ಮೂಡಿಸಲು ಬರೆದರು ಸಂವಿಧಾನ
ಜಾತಿ ಧರ್ಮಕ್ಕಿಂತ ಮಾನವಧರ್ಮವೇ ಮುಖ್ಯವೆಂದು ಬರೆದರು ಸಂವಿಧಾನ
ಆದರೂ ನಮ್ಮವರಿಗರಿವಿಲ್ಲ ಅದನ್ನರಿತುಕೊಳ್ಳುವ ವಿಧಾನ….!!

ನ್ಯಾಯ ಅನ್ಯಾಯಕ್ಕಾಗಿ ಬರೆದರು ಸಂವಿಧಾನ
ಕೋರ್ಟು ಕಾನೂನಿಗಾಗಿ ಬರೆದರು ಸಂವಿಧಾನ
ಮಹಿಳಾ ಮಕ್ಕಳ ರೈತ ಕಾರ್ಮಿಕರ ಹಕ್ಕಿಗಾಗಿ ಬರೆದರು ಸಂವಿಧಾನ
ಆದರೂ ನಮ್ಮವರಿಗರಿವಿಲ್ಲ ಸರಿಯಾಗಿ ಬಳಸಿಕೊಳ್ಳುವ ವಿಧಾನ….!!

• ಹನುಮಂತ ದಾಸರ ಹೊಗರನಾಳ.
  ಮೊ : 9945246234