ಬೀದರ:ಔರಾದ ಮುಖಂಡರಾದ ಡಾ. ಬಿ.ವೈ ಪಾಟೀಲ್ ಮುಸ್ತಾಪೂರ, ನಾಗೇಂದ್ರ ಪಾಟೀಲ್, ಅಕ್ಷಯ ಪಾಟೀಲ್ ಸೇರಿ ಔರಾದನ ಹಲವು ಮುಖಂಡರು ವಿವಿಧ ಪಕ್ಷಗಳನ್ನು ತೊರೆದು ಸಚಿವ ಪ್ರಭು ಚವ್ಹಾಣ ಅವರ ಸಮ್ಮುಖದಲ್ಲಿ ಬಿಜೆಪಿಗೆ ಸೇರ್ಪಡೆಯಾದರು.
ಪಟ್ಟಣದಲ್ಲಿನ ಪಕ್ಷದ ಕಚೇರಿಯಲ್ಲಿ ಸಚಿವರು ಅವರನೆಲ್ಲಾ ಪಕ್ಷಕ್ಕೆ ಬರಮಾಡಿಕೊಂಡರು ಬಂದಂತ ಮುಖಂಡರನ್ನು ಪಕ್ಷದ ಶಾಲು ಹಾಗೂ ಧ್ವಜವನ್ನು ನೀಡಿ ಸ್ವಾಗತಿಸಿದರು. ಔರಾದ ಮೀಸಲು ವಿಧಾನಸಭಾ ಕ್ಷೇತ್ರದ ಅಭಿವೃದ್ಧಿಗೆ ಪ್ರಭು ಚವ್ಹಾಣ ಅವರು ಮಾಡಿರುವ ಕೆಲಸ ಸ್ಮರಣೀಯವಾಗಿದೆ ಅವರು ಬಡವರು, ಕೂಲಿಕಾರ್ಮಿಕರ, ದೀನ ದಲಿತರ ಬಗ್ಗೆ ಹೊಂದಿರುವ ಕಾಳಜಿ ಮೆಚ್ಚುವಂತದ್ದು, ಸಚಿವರಾದರೂ ಕೂಡ ಗ್ರಾಮ ಸಂಚಾರ ಕಾರ್ಯಕ್ರಮ ಕೈಗೊಂಡು ಬಡವರ ಮನೆ ಬಾಗಿಲೆಗೆ ಹೋಗಿ ಸಮಸ್ಯೆ ಪರಿಹಾರ ಕಲ್ಪಸಿದಾರೆ ಎಂದು ಹೆಳಿದರು
ಅವರು ಮೂರು ಭಾರಿ ಶಾಸಕ ಹಾಗೂ ಸಚಿವರಾದರು ತಪ್ಪದೆ ಪ್ರತಿ ಹಳ್ಳಿಗೂ ಭೇಟಿ ನೀಡಿ ಜನರ ಸಮಸ್ಯೆಯನ್ನು ಆಲಿಸುತ್ತಾರೆ ಯಾವುದೇ ಸಮಸ್ಯೆ ಇರಲಿ ಖುದ್ದಾಗಿ ಭೇಟಿ ನೀಡಿ ಅಗತ್ಯ ಪರಿಹಾರ ಸೂಚಿಸುತ್ತಾರೆ. ಇಂಥಹ ಜನನಾಯಕ ನಮಗೆ ಬೇಕು. ಅವರ ಕೆಲಸಗಳಿಂದ ಪ್ರೇರಿತರಾಗಿ ಭಾರತೀಯ ಜನತಾ ಪಕ್ಷಕ್ಕೆ ಸೇರಿದ್ದೇವೆ ಎಂದರು.
ಯಾವಾಗಲೂ ಜನರ ಜತೆಗೆ ಇರುವ ಪ್ರಭು ಚವ್ಹಾಣರನ್ನು ಹೆಚ್ಚು ಮತಗಳ ಅಂತರದಿಂದ ಗೆಲ್ಲಿಸಿ ಔರಾದ ಕ್ಷೇತ್ರದ ಸಮಗ್ರ ಅಭಿವೃದ್ಧಿಗೆ ಕೈಜೋಡಿಸುತ್ತೇವೆ ಎಂದು ಪಕ್ಷಕ್ಕೆ ಸೇರ್ಪಡೆಯಾದ ಪ್ರಮುಖರು ತಿಳಿಸಿದರು. ಈ ಸಂದರ್ಭದಲ್ಲಿ ಮುಖಂಡರಾದ ರಾಮಶೆಟ್ಟಿ ಪನ್ನಾಳೆ, ದೊಂಡಿಭಾ ನರೋಟೆ, ಸತೀಶ ಪಾಟೀಲ್, ಸಚಿನ್ ರಾಠೋಡ್, ಖಂಡೋಬಾ ಕಂಗಟೆ, ರಮೇಶ ಗೌಡಾ, ಆರೀಫ್ ಪಠಾನ, ವಿಜಯ್‌ ಜಾಧವ, ನಾಗೇಂದ್ರ ಪಾಟೀಲ್ ಸೇರಿ ಅನೇಕರಿದ್ದರು.
