ಶಿವಮೊಗ್ಗ/ಭದ್ರಾವತಿ: 2020 ರಲ್ಲಿ ನಡೆದಿದ್ದ ಗ್ರಾಮ ಪಂಚಾಯಿತಿಯ ಮೊದಲನೇ ಅವಧಿಯ ಅಧ್ಯಕ್ಷರ ಮತ್ತು ಉಪಾಧ್ಯಕ್ಷರ ಮೀಸಲಾತಿ ಮುಗಿಯುತ್ತಿದ್ದು, ಇದರಿಂದ ಎರಡನೇ ಅವಧಿಗೆ ಮೀಸಲಾತಿ ನಿಗದಿ ಪಡಿಸಲು ಎಲ್ಲಾ ಗ್ರಾಪಂ ಸದಸ್ಯರ ಸಭೆ ಕರೆಯಲಾಗಿದೆ.
ಜೂನ್ 19 ರಂದು ಶಿವಮೊಗ್ಗ ತಾಲ್ಲೂಕಿನ 42 ಗ್ರಾಪಂ ಗಳ ಸದಸ್ಯರ ಸಭೆಯನ್ನ ಕುವೆಂಪು ರಂಗಮಂದಿರದಲ್ಲಿ,
ಜೂ.20 ರಂದು ಬೆಳಿಗ್ಗೆ 10-30ಕ್ಕೆ ತೀರ್ಥಹಳ್ಳಿಯ ಗೋಪಾಲಗೌಡ ರಂಗಮಂದಿರದಲ್ಲಿ 38 ಗ್ರಾಪಂ ಸದಸ್ಯರ ಸಭೆ,
ಮಧ್ಯಾಹ್ನ 3 ಗಂಟೆಗೆ ಹೊಸನಗರದಲ್ಲಿ ವಿದ್ಯಾ ಸಂಘ ರಂಗ ಮಂದಿರದಲ್ಲಿ 30 ಗ್ರಾಪಂ ಸದಸ್ಯರುಗಳ ಸಭೆ ನಡೆಯಲಿದೆ.
ಜೂ.21 ರಂದು ಭದ್ರಾವತಿಯ ಶ್ರೀ ವೆಂಕಟೇಶ್ವರ ಚಲನ ಚಿತ್ರ ಮಂದಿರದಲ್ಲಿ 39 ಗ್ರಾಪಂ ಸದಸ್ಯರ ಸಭೆ, ಜೂ.22 ರಂದು ಶಿಕಾರಿಪುರದ ಸುವರ್ಣಸಾಂಸ್ಕೃತಿಕ ಭವನದಲ್ಲಿ 43 ಗ್ರಾಪಂ ಸದಸ್ಯರ ಸಭೆ, ಜೂ.23ರಂದು ಸೊರಬದ ಶ್ರೀರಂಗ ಕನ್ವೆಂಷನಲ್ ಹಾಲ್ ನಲ್ಲಿ 35 ಗ್ರಾಪಂ ಸದಸ್ಯರ ಸಭೆ ಬೆಳಿಗ್ಗೆ 10-30 ಕ್ಕೆ, ಹಾಗೂ ಮಧ್ಯಹ್ನ 3 ಗಂಟೆಗೆ ಸಾಗರದ 35 ಗ್ರಾಪಂ ಸದಸ್ಯರ ಸಭೆ ಕರೆಯಲಾಗಿದೆ.
