ಕಲಬುರಗಿ:ಬಂಧಿಸಲು ಬಂದಿದ್ದ ಪಿಎಸ್ಐನ ರಿವಾಲ್ವರ್ ಕದ್ದು ಕಳ್ಳ ಮರವೇರಿ ಕುಳಿತ ಘಟನೆ ಅಫಜಲಪುರದಲ್ಲಿ ನಡೆದಿದೆ.
ಅಂತರ ರಾಜ್ಯ ಕುಖ್ಯಾತ ಕಳ್ಳ ಖಾಜಪ್ಪ ಗಾಯಕವಾಡನನ್ನು ಪಿಎಸ್ಐ ಭೀಮರಾಯ್ ಬಂಕಲಿ ಬಂಧಿಸಲು ಬಂದಿದ್ದರು ಆದರೆ ಈ ವೇಳೆ ಕಳ್ಳ ಅವರ ಸರ್ವಿಸ್ ರಿವಾಲ್ವರ್ ಕಸಿದು ಪರಾರಿಯಾಗಿದ್ದ ಕಳ್ಳ ಮರವೇರಿ ಕುಳಿತಿದ್ದನು.
ಖಾಜಪ್ಪ ಗಾಯಕವಾಡ ಬಳೂರ್ಗಿ ಮೂಲದವನಾಗಿದ್ದು,ಈತನ ಮೇಲೆ ಬೆಂಗಳೂರು, ಕಲಬುರಗಿ ಸೇರಿದಂತೆ ವಿವಿಧ ಕಡೆ 20ಕ್ಕೂ ಹೆಚ್ಚು ಪ್ರಕರಣಗಳು ದಾಖಲಾಗಿತ್ತು ನಿನ್ನೆ ಬೆಳಗ್ಗೆ ಬಂಧಿಸಲು ಬಂದ ಪಿಎಸ್ಐನ ರಿವಾಲ್ವರನ್ನೇ ಕಸಿದು ಕಾಲ್ಕಿತ್ತಿದ್ದನು ಬಳಿಕ ಬಳೂರ್ಗಿ ಗ್ರಾಮದ ಮರವೊಂದನ್ನು ಏರಿ ಕುಳಿತ್ತಿದ್ದನು.ಖಾಜಪ್ಪ ಅಫಜಲಪುರದಿಂದ ಸುಮಾರು 6 ಕಿ.ಮೀಟರ್ ದೂರದಲ್ಲಿ ಇರುವ ಮರ ಏರಿ ಕುಳಿತಿದ್ದನು ಈತನನನ್ನು ಮರದಿಂದ ಕೆಳಗಿಳಿಸಲು ಎಸ್ ಪಿ ಇಶಾ ಪಂತ್ ಸೇರಿ ಹಲವು ಪೊಲೀಸರು ಹರ ಸಾಹಸ ಪಟ್ಟರು ಕೊನೆಗೂ ಸರ್ಕಸ್ ಮಾಡಿ ಕಳ್ಳನನ್ನು ಮರದಿಂದ ಕೆಳಗಿಳಿಸಿ ಬಂಧಿಸಲಾಗಿದೆ.
ವರದಿ-ಅಪ್ಪಾರಾಯ ಬಡಿಗೇರ
