ಗಣತಂತ್ರದ ಶುಭದಿನ
ಸುವ್ಯವಸ್ಥೆಯ ಬಾಗೀನ
ಆಡಳಿತಕೆ ಮುನ್ನುಡಿ.
ಒಂದೆಂದು ಸಾರಿ ಸಾರಿ ಹೇಳಿ
ಬಂಧುತ್ವ ಬೆಸೆದ ಸುರುಳಿ
ಜಾತಿ ಬೇಧ ಮರೆಸಿ
ಭೀತಿಯ ಸರಿಸಿ.
ಸಂಭ್ರಮದ ಘಳಿಗೆ
ನಾಗರೀಕರ ಬಾಳಿಗೆ
ಸಂವಿಧಾನ ಜಾರಿಗೆ
ಜಾತ್ಯಾತೀತ ನಡಿಗೆ.
ಶಾಂತಿ ಸೌಹಾರ್ದತೆ
ನಮಗೆ ನಾವೇ ಬದ್ಧತೆ
ಸ್ವಾಭಿಮಾನದಿ ಜೀವಿತ
ಹಕ್ಕು ಕರ್ತವ್ಯದಿ ಸಂಜಾತ.
ಅಂಬೇಡ್ಕರ್ ರ ಪರಿಶ್ರಮ
ರಾಜೇಂದ್ರ ಪ್ರಸಾದರ ವಿಕ್ರಮ
ಹಲವರೆನ್ನದ ಹಿರಿಮೆ
ಸಮನ್ವತೆಯ ಗರಿಮೆ.
ಪ್ರಜಾಸತ್ತಾತ್ಮಕ ಸಂವಿಧಾನ
ವಿಶ್ವ ಪಥದ ಔತಣ
ಗರ್ವದಿ ಹೇಳುವೆ
ಸಮಾನತೆಯ ಸಾರುವೆ.
ಭರವಸೆಯ ಸಾಕಾರ
ಮಾನವೀಯತೆಯ ಸಂಸ್ಕಾರ
ಬಾನೆತ್ತರಕೆ ಹರಡಿದೆ
ಸ್ವಾತಂತ್ರ್ಯದ ಗರಿ ಬಿಚ್ಚಿದೆ.
ಎಲ್ಲೆಲ್ಲೂ ಸಂಭ್ರಮ
ಮನೆಮನೆಯಲ್ಲೂ ಸಂಗಮ
ಕೂಡಿ ಬಾಳುವ ಸಂಕಲ್ಪದಿ
ಹರ್ಷ ತುಂಬುವ ಸರದಿಷ
-ರೇಷ್ಮಾ ಕಂದಕೂರ
ಶಿಕ್ಷಕಿ
ಸಿಂಧನೂರು
