ಭಾರತದಲ್ಲಿ ಏರಿಕೆಯಾದ ನಿರುದ್ಯೋಗ ದರ

ಭಾರತ ಆರ್ಥಿಕತೆಯಲ್ಲಿ 5ನೇ ಅತಿ ದೊಡ್ಡ ರಾಷ್ಟ್ರ,ವಿಶ್ವದ ಬಲಿಷ್ಠ ರಾಷ್ಟ್ರಗಳೇ ಇಂದು ಭಾರತದೊಂದಿಗೆ ಸ್ನೇಹದ ಹಸ್ತವನ್ನು ಚಾಚಲು ಪೈಪೋಟಿಗಿಳಿದಿವೆ ಆದರೆ ಇಂತಹ ಭವ್ಯ ಭಾರತಕ್ಕೆ ನಿರುದ್ಯೋಗ ಎನ್ನುವುದು ಒಂದು ಕಪ್ಪು ಚುಕ್ಕೆಯಾಗಿದೆ.ಭಾರತದಲ್ಲಿ ನಿರುದ್ಯೋಗ ದರವು ನವಂಬರ್ ನಲ್ಲಿ ಶೇ. 8 ಕ್ಕೆ ಏರಿಕೆಯಾಗಿದೆ ಎಂದು ಸೆಂಟರ್ ಫಾರ್ ಮಾನಿಟರಿಂಗ್ ಇಂಡಿಯನ್ ಎಕಾನಮಿ ವರದಿ ಮಾಡಿದೆ ಇದು ಭಾರತದಲ್ಲಿ ಕೇವಲ ಮೂರು ತಿಂಗಳ ಅವಧಿಯಲ್ಲಿ ಏರಿಕೆಯಾದ ನಿರುದ್ಯೋಗದ ದರ.ಹಿಂದಿನ ಅಕ್ಟೋಬರ್ ನಲ್ಲಿ ದೇಶದ ನಿರುದ್ಯೋಗ ದರ ಶೇಕಡ 7.77ರಷ್ಟಿತ್ತು. ನಗರದ ನಿರುದ್ಯೋಗ ಪ್ರಮಾಣವು ನವಂಬರ್ ನಲ್ಲಿ ಶೇಕಡ 8.96ಕ್ಕೆ ಒಂದೇ ಸಮನೆ ದೊಡ್ಡ ಪ್ರಮಾಣದಲ್ಲಿ ಏರಿಕೆಯಾಗಿರುವುದು ದೇಶದಲ್ಲಿ ತೀವ್ರ ಆತಂಕ ಮೂಡಿಸಿದೆ.ಸರಕಾರವು ತನ್ನದೆಯಾದ ಮಾಸಿಕ ನಿರುದ್ಯೋಗ ಅಂಕಿ ಅಂಶಗಳನ್ನು ಬಿಡುಗಡೆ ಮಾಡುತ್ತಿಲ್ಲ.ಹೀಗಾಗಿ ಮುಂಬೈ ಮೂಲದ ಸೆಂಟರ್ ಫಾರ್ ಮಾನಿಟರಿಂಗ್ ಇಂಡಿಯನ್ ಎಕಾನಮಿ ಒದಗಿಸುವ ಏಕೆ ಅಂಶಗಳನ್ನೇ ಭಾರತದ ಅರ್ಥಶಾಸ್ತ್ರಜ್ಞರು ವಿಶ್ಲೇಷಣೆಗೆ ಒಳಪಡಿಸಿದ್ದಾರೆ.ಆ ಸಂಸ್ಥೆಯ ವರದಿಯ ಅಂಕಿ ಅಂಶಗಳನ್ನೇ ಈ ಲೇಖನಕ್ಕೂ ಉಪಯೋಗಿಸಿಕೊಳ್ಳಲಾಗಿದೆ. ಯಾವುದೇ ದೇಶದ ಅಭಿವೃದ್ಧಿಯಲ್ಲಿ ನಿರುದ್ಯೋಗವು ಒಂದು ಪ್ರಮುಖ ಅಡಚಣೆಯಾಗಿದೆ ಭಾರತದಲ್ಲಿ ನಿರುದ್ಯೋಗ ಒಂದು ಗಂಭೀರ ಸಮಸ್ಯೆಯಾಗಿದೆ. ಶಿಕ್ಷಣದ ಕೊರತೆ,ಉದ್ಯಮ ಅವಕಾಶಗಳ ಕೊರತೆ ಮತ್ತು ಕಾರ್ಯಕ್ಷಮತೆಯ ಸಮಸ್ಯೆಗಳು ನಿರುದ್ಯೋಗಕ್ಕೆ ಕಾರಣವಾಗುವ ಕೆಲವು ಅಂಶಗಳಾಗಿವೆ.ಈ ಸಮಸ್ಯೆಯನ್ನು ಕೊನೆಗೊಳಿಸಲು ಭಾರತ ಸರ್ಕಾರ ಪರಿಣಾಮಕಾರಿ ಕ್ರಮಗಳನ್ನು ತೆಗೆದುಕೊಳ್ಳಬೇಕಾಗಿದೆ.ಅಭಿವೃದ್ಧಿಶೀಲ ರಾಷ್ಟ್ರಗಳು ಎದುರಿಸುತ್ತಿರುವ ಪ್ರಮುಖ ಸಮಸ್ಯೆಗಳಲ್ಲಿ ಒಂದು ನಿರುದ್ಯೋಗ ಇದು ದೇಶದ ಆರ್ಥಿಕ ಅಭಿವೃದ್ಧಿಯಲ್ಲಿನ ಪ್ರಮುಖ ಅಡಚಣೆಗಳಲ್ಲಿ ಒಂದಲ್ಲ,ಆದರೆ
ಇದು ವ್ಯಕ್ತಿ ಮತ್ತು ಒಟ್ಟಾರೆಯಾಗಿ ಸಮಾಜದ ಮೇಲೆ ಅನೇಕ ನಕಾರಾತ್ಮಕ ಪರಿಣಾಮಗಳನ್ನು ಬೀರುತ್ತದೆ. ಇಂತಹ ಸಮಸ್ಯೆಗೆ ಕಾರಣಗಳೇನು,ಇದರಿಂದ ಆಗುವ ಪರಿಣಾಮಗಳು ಯಾವುವು,ಈ ಸಮಸ್ಯೆಯನ್ನು ದೇಶದಿಂದ ಬೇರು ಸಮೇತ ಕಿತ್ತೆಸೆಯಲು ಸರ್ಕಾರಗಳು ಮಾಡಬೇಕಾಗಿರುವ ಪರಿಹಾರ ಕ್ರಮಗಳು ಯಾವುವು ಎನ್ನುವುದನ್ನು ತಿಳಿಸುವ ಸಣ್ಣ ಪ್ರಯತ್ನವನ್ನು ಲೇಖನ ಮಾಡುತ್ತಿದೆ.

ನಿರುದ್ಯೋಗ ಸಮಸ್ಯೆಗೆ ಕಾರಣಗಳು:
1) ಜನಸಂಖ್ಯೆಯಲ್ಲಿ ಹೆಚ್ಚಳ ದೇಶದ ಜನಸಂಖ್ಯೆಯಲ್ಲಿನ ತ್ವರಿತ ಹೆಚ್ಚಳವು ನಿರುದ್ಯೋಗ ಸಮಸ್ಯೆಗೆ ಮುಖ್ಯ ಕಾರಣಗಳಲ್ಲಿ ಒಂದಾಗಿದೆ ಪ್ರಸ್ತುತ ಭಾರತ ಜನಸಂಖ್ಯೆಯಲ್ಲಿ ಚೀನಾ ದೇಶವನ್ನು ಹಿಂದಿಕ್ಕಿ ಜನಸಂಖ್ಯಾ ಪಟ್ಟಿಯಲ್ಲಿ ಪ್ರಥಮ ಸ್ಥಾನದಲ್ಲಿದ್ದೇವೆ.

2) ನಿಧಾನಗತಿಯ ಆರ್ಥಿಕ ಬೆಳವಣಿಗೆ:
ದೇಶದ ನಿಧಾನಗತಿಯ ಆರ್ಥಿಕ ಅಭಿವೃದ್ಧಿಯ ಪರಿಣಾಮವಾಗಿ,ಜನರು ಕಡಿಮೆ ಉದ್ಯೋಗವಕಾಶಗಳನ್ನು ಪಡೆಯುತ್ತಾರೆ,ಇದು ನಿರುದ್ಯೋಗವನ್ನು ಹೆಚ್ಚಿಸುತ್ತದೆ.

3) ಕಾಲೋಚಿತ ವ್ಯಾಪಾರ:
ದೇಶದ ಜನಸಂಖ್ಯೆಯ ಬಹುಪಾಲು ಜನರು ಕೃಷಿಯಲ್ಲಿ ತೊಡಗಿಸಿಕೊಂಡಿದ್ದಾರೆ ಕಾಲೋಚಿತ
ವ್ಯಾಪಾರವಾಗಿರುವುದರಿಂದ,ಇದು ವರ್ಷದ ನಿರ್ದಿಷ್ಟ ಸಮಯಕ್ಕೆ ಮಾತ್ರ ಕೆಲಸದ ಅವಕಾಶವನ್ನು ಒದಗಿಸುತ್ತದೆ.
4) ಕೈಗಾರಿಕಾ ವಲಯದ ನಿಧಾನಗತಿಯ ಬೆಳವಣಿಗೆ:
ದೇಶದಲ್ಲಿ ಕೈಗಾರಿಕಾ ಕ್ಷೇತ್ರದ ಬೆಳವಣಿಗೆ ತುಂಬಾ ನಿಧಾನವಾಗಿದೆ.ಹೀಗಾಗಿ ಈ ವಲಯದಲ್ಲಿ ಉದ್ಯೋಗವಕಾಶಗಳು ಸೀಮಿತವಾಗಿವೆ.
5) ಗುಡಿ ಕೈಗಾರಿಕೆಯಲ್ಲಿ ಕುಸಿತ:
ಗುಡಿ ಕೈಗಾರಿಕೆಯಲ್ಲಿ ಉತ್ಪಾದನೆಯು ತೀವ್ರವಾಗಿ ಕುಸಿದಿದೆ ಮತ್ತು ಇದರಿಂದಾಗಿ ಅನಕ ಕುಶಲಕರ್ಮಿಗಳು ನಿರುದ್ಯೋಗಿಗಳಾಗಿದ್ದಾರೆ.

ನಿರುದ್ಯೋಗ ಸಮಸ್ಯೆಗೆ ಪರಿಹಾರಗಳು:

1) ಜನಸಂಖ್ಯೆ ನಿಯಂತ್ರಣ:
ದೇಶದ ಜನಸಂಖ್ಯೆಯನ್ನು ನಿಯಂತ್ರಿಸಲು ಭಾರತ ಸರ್ಕಾರವು ಕಠಿಣ ಕ್ರಮಗಳನ್ನು ತೆಗೆದುಕೊಳ್ಳಬೇಕಾದ ಸರಿಯಾದ ಸಮಯ ಇದು.
2) ಶಿಕ್ಷಣ ವ್ಯವಸ್ಥೆ:ಭಾರತದಲ್ಲಿನ ಶಿಕ್ಷಣ ವ್ಯವಸ್ಥೆಯು ಕೌಶಲ್ಯ ಅಭಿವೃದ್ಧಿಗಿಂತ ಸೈದ್ಧಾಂತಿಕ ಅಂಶಗಳ ಮೇಲೆ ಕೇಂದ್ರೀಕರಿಸುತ್ತದೆ.ನುರಿತ ಮಾನವ ಸಂಪನ್ಮೂಲವನ್ನು ಉತ್ಪಾದಿಸಲು ವ್ಯವಸ್ಥೆಯನ್ನು ಸುಧಾರಿಸಬೇಕು.

3) ಕೈಗಾರಿಕೀಕರಣ:
ಜನರಿಗೆ ಹೆಚ್ಚಿನ ಉದ್ಯೋಗವಕಾಶಗಳನ್ನು ಸೃಷ್ಟಿಸಲು ಕೈಗಾರಿಕಾ ಕ್ಷೇತ್ರವನ್ನು ಉತ್ತೇಜಿಸಲು ಸರ್ಕಾರ
ಕ್ರಮಕೈಗೊಳ್ಳಬೇಕು.

4) ಉದ್ಯೋಗವಕಾಶಗಳು:
ನಿಗದಿತ ಸಮಯದಲ್ಲಿ ಕೆಲಸ ಮಾಡುವ ಮೂಲಕ ಉಳಿದ ಸಮಯದಲ್ಲಿ ನಿರುದ್ಯೋಗಿಗಳಾಗಿರುವ ಜನರಿಗೆ ಗ್ರಾಮೀಣ ಪ್ರದೇಶದಲ್ಲಿ ಉದ್ಯೋಗವಕಾಶಗಳನ್ನು ಸೃಷ್ಟಿಸಬೇಕು.
ಭಾರತದಲ್ಲಿ ನಿರುದ್ಯೋಗವನ್ನು ಮಾರುವೇಷದ ನಿರುದ್ಯೋಗ,ಮುಕ್ತ ನಿರುದ್ಯೋಗ,ವಿದ್ಯಾವಂತ ನಿರುದ್ಯೋಗ,ಆವರ್ತ ನಿರುದ್ಯೋಗ,ಕಾಲೋಚಿತ ನಿರುದ್ಯೋಗ,ತಾಂತ್ರಿಕ ನಿರುದ್ಯೋಗ,ರಚನಾತ್ಮಕ ನಿರುದ್ಯೋಗ,ದೀರ್ಘಾವಧಿಯ ನಿರುದ್ಯೋಗ,ಘರ್ಷಣೆಯ ನಿರುದ್ಯೋಗ ಮತ್ತು ಸಾಂದರ್ಭಿಕ ನಿರುದ್ಯೋಗ ಸೇರಿದಂತೆ ಹಲವಾರು ವರ್ಗಗಳಾಗಿ
ವಿಂಗಡಿಸಬಹುದು.

ನಿರುದ್ಯೋಗವನ್ನು ಕಡಿಮೆ ಮಾಡಲು ಸರ್ಕಾರದ ಕ್ರಮಗಳು:

1) ಸ್ವಯಂ ಉದ್ಯೋಗ ತರಬೇತಿ:
1979 ರಲ್ಲಿ ಪ್ರಾರಂಭವಾದ ಈ ಕಾರ್ಯಕ್ರಮದ ಹೆಸರು ರಾಷ್ಟ್ರೀಯ ಸ್ವಯಂ ಉದ್ಯೋಗಕ್ಕಾಗಿ ಗ್ರಾಮೀಣ ಯುವಕರ
ತರಬೇತಿಯ ಯೋಜನೆ (TRYSEM).ಗ್ರಾಮೀಣ ಪ್ರದೇಶದ ಯುವಕರಲ್ಲಿ ನಿರುದ್ಯೋಗವನ್ನು ಕಡಿಮೆ ಮಾಡುವುದು ಇದರ ಉದ್ದೇಶವಾಗಿದೆ.
2) ಸಮಗ್ರ ಗ್ರಾಮೀಣ ಅಭಿವೃದ್ಧಿ ಕಾರ್ಯಕ್ರಮ:
1978-79 ರಲ್ಲಿ,ಭಾರತ ಸರ್ಕಾರವು ಗ್ರಾಮೀಣ ಪ್ರದೇಶಗಳಲ್ಲಿ ಸಂಪೂರ್ಣ ಉದ್ಯೋಗವಕಾಶಗಳನ್ನು
ಖಚಿತಪಡಿಸಿಕೊಳ್ಳಲು ಸಮಗ್ರ ಗ್ರಾಮೀಣ ಅಭಿವೃದ್ಧಿ ಕಾರ್ಯಕ್ರಮವನ್ನು ಪ್ರಾರಂಭಿಸಿತು.ಈ ಕಾರ್ಯಕ್ರಮಕ್ಕೆ ರೂ 312 ಕೋಟಿ ಖರ್ಚು ಮಾಡಲಾಗಿದ್ದು,182 ಲಕ್ಷ ಕುಟುಂಬಗಳು ಪ್ರಯೋಜನ ಪಡೆದಿವೆ.

3)ವಿದೇಶಗಳಲ್ಲಿ ಉದ್ಯೋಗ:
ವಿದೇಶಿ ಕಂಪನಿಗಳಲ್ಲಿ ಉದ್ಯೋಗ ಪಡೆಯಲು ಸರ್ಕಾರ ಸಹಾಯ ಮಾಡುತ್ತದೆ. ಬೇರೆ ದೇಶಗಳಲ್ಲಿ ಜನರನ್ನು ನೇಮಿಸಿಕೊಳ್ಳಲು ವಿಶೇಷ ಏಜೆನ್ಸಿಗಳನ್ನು ಸ್ಥಾಪಿಸಲಾಗಿದೆ.

4) ಸಣ್ಣಮತ್ತು ಗುಡಿ ಕೈಗಾರಿಕೆಗಳು:
ನಿರುದ್ಯೋಗ ಸಮಸ್ಯೆಯನ್ನು ಕಡಿಮೆ ಮಾಡುವ ಪ್ರಯತ್ನದಲ್ಲಿ ಸರ್ಕಾರವು ಸಣ್ಣಮತ್ತು ಗುಡಿ ಕೈಗಾರಿಕೆಗಳನ್ನು ಅಭಿವೃದ್ಧಿಪಡಿಸಿದೆ.ಈ ಉಪಕ್ರಮದಿಂದ ಅನೇಕ ಜನರು ತಮ್ಮ ಜೀವನವನ್ನು ಸಂಪಾದಿಸುತ್ತಿದ್ದಾರೆ.

ನಿರುದ್ಯೋಗದ ಪರಿಣಾಮಗಳು:

1)ಬಡತನದಲ್ಲಿ ಹೆಚ್ಚಳ.
ನಿರುದ್ಯೋಗ ದರ ಹೆಚ್ಚಳವು ದೇಶದಲ್ಲಿ ಬಡತನದ ಪ್ರಮಾಣ ಹೆಚ್ಚಳಕ್ಕೆ ಕಾರಣವಾಗಿರುವುದು ಸಂಪೂರ್ಣ ಸತ್ಯ.ನಿರುದ್ಯೋಗ ದೇಶದ ಆರ್ಥಿಕ ಅಭಿವೃದ್ಧಿಗೆ ಅಡ್ಡಿಯಾಗಲು ಪ್ರಮುಖ ಕಾರಣವಾಗಿದೆ.

2) ಅಪರಾಧ ದರದಲ್ಲಿ ಹೆಚ್ಚಳ:
ನಿರುದ್ಯೋಗಿಗಳಿಗೆ ಸೂಕ್ತವಾದ ಉದ್ಯೋಗವಕಾಶವನ್ನು ಹುಡುಕಲು ಸಾಧ್ಯವಾಗದಿರುವುದು ಸಾಮಾನ್ಯವಾಗಿ ಅಪರಾಧದ
ಹಾದಿಯನ್ನು ತುಳಿಯಲು ಸಹಾಯಕವಾಗುತ್ತದೆ. ಯಾಕಂದರೆ ಇದು ಹಣವನ್ನು ಗಳಿಸುವ ಸುಲಭ ಮಾರ್ಗವಾಗಿದೆ.ನಿರುದ್ಯೋಗವು ಕಳ್ಳತನ,ಡಕಾಯಿತಿ ಮತ್ತು ಇತರ ಘೋರ ಅಪರಾಧಗಳ ವೇಗವಾಗಿ ಹೆಚ್ಚುತ್ತಿರುವ ಪ್ರಕರಣಗಳಿಗೆ ಪ್ರಮುಖ ಕಾರಣಗಳಲ್ಲಿ ಒಂದಾಗಿದೆ.

3) ಕಾರ್ಮಿಕರ ಶೋಷಣೆ:ಉದ್ಯೋಗಿಗಳು ಸಾಮಾನ್ಯವಾಗಿ ಅವರಿಗೆ ಕಡಿಮೆ ವೇತನವನ್ನು ನೀಡುವ ಮೂಲಕ ಮಾರುಕಟ್ಟೆಯಲ್ಲಿ ಉದ್ಯೋಗಗಳ
ಕೊರತೆಯ ಲಾಭವನ್ನು ಪಡೆದುಕೊಳ್ಳುತ್ತಾರೆ.ತಮ್ಮ ಕೌಶಲ್ಯಗಳಿಗೆ ಸಂಬಂಧಿಸಿದ ಉದ್ಯೋಗಗಳನ್ನು ಹುಡುಕಲು ಸಾಧ್ಯವಾಗದ ಜನರು ಸಾಮಾನ್ಯವಾಗಿ ಕಡಿಮೆ ಸಂಬಳದ ಉದ್ಯೋಗಗಳಿಗೆ ದಾಸರಾಗುತ್ತಾರೆ. ನೌಕರರು ಪ್ರತಿ ದಿನ ನಿರ್ದಿಷ್ಟ ಸಂಖ್ಯೆಯ ಗಂಟೆಗಳವರೆಗೆ ಕೆಲಸ ಮಾಡುವಂತೆ ಒತ್ತಾಯಿಸಲಾಗುತ್ತದೆ.

4) ರಾಜಕೀಯ ಅಸ್ಥಿರತೆ:
ಉದ್ಯೋಗವಕಾಶಗಳ ಕೊರತೆಯು ಸರ್ಕಾ ರದ ಮೇಲೆ ವಿಶ್ವಾಸದ ಕೊರತೆಯನ್ನು ಉಂಟುಮಾಡುತ್ತದೆ ಮತ್ತು ಈ ಪರಿಸ್ಥಿತಿಯು ಆಗಾಗ್ಗೆ ರಾಜಕೀಯ ಅಸ್ಥಿರತೆಗೆ ಕಾರಣವಾಗುತ್ತದೆ.

5) ಮಾನಸಿಕ ಆರೋಗ್ಯ:
ನಿರುದ್ಯೋಗಿಗಳಿಗೆ ಅತೃಪ್ತಿಯ ಮಟ್ಟವು ಹೆಚ್ಚಾಗುತ್ತದೆ,ಇದರಿಂದಾಗಿ ಅದು ಕ್ರಮೇಣ ಆತಂಕ, ಖಿನ್ನತೆ ಮತ್ತು ಇತರ
ಮಾನಸಿಕ ಆರೋಗ್ಯ ಸಮಸ್ಯೆಗಳಾಗಿ ಬದಲಾಗಲು ಪ್ರಾರಂಭಿಸುತ್ತದೆ.

ಪ್ರಸ್ತುತ ದೇಶದಲ್ಲಿ ಉದ್ಯೋಗ ಮೀಸಲಾತಿ ವ್ಯವಸ್ಥೆ ಜಾರಿಯಲ್ಲಿದೆ.ಅದನ್ನು ಹೋಗಲಾಡಿಸುವ ಮೂಲಕ ಅರ್ಹತೆಗೆ ಆದ್ಯತೆ ನೀಡಿ ಕೃಷಿ ಕಾಮಗಾರಿಗಳ ಸಮರ್ಪಕ ಪ್ರಸಾರಕ್ಕೆ ಒತ್ತು ನೀಡಬೇಕು ಶಿಕ್ಷಣ ವ್ಯವಸ್ಥೆಯಲ್ಲಿ ಕ್ರಾಂತಿಕಾರಕ ಬದಲಾವಣೆ ತರುವ ಮೂಲಕ ಯುವಕರನ್ನು ಸ್ವಾವಲಂಬಿಗಳನ್ನಾಗಿ ಮಾಡಬೇಕು.
ಆಡಳಿತ ವ್ಯವಸ್ಥೆಯಲ್ಲಿನ ಭ್ರಷ್ಟಾಚಾರ,ಸ್ವಾರ್ಥ,ಭ್ರಷ್ಟ ರಾಜಕಾರಣಕ್ಕೆ ಕಡಿವಾಣ ಹಾಕಬೇಕು.
ಪಂಚವಾರ್ಷಿಕ ಯೋಜನೆಗಳ ರಚನೆ ಮತ್ತು ಅನುಷ್ಠಾನದಲ್ಲಿ,ಈ ಬಗ್ಗೆ ಸಂಪೂರ್ಣ ಗಮನವನ್ನು ನೀ ಡಬೇಕು ಮತ್ತು ಅಂತಹ ಆರ್ಥಿಕ ಕ್ರಮಗಳನ್ನು ತೆಗೆದುಕೊಳ್ಳಬೇಕು ಇದರಿಂದ ಉದ್ಯೋಗದ ಅವಕಾಶವನ್ನು ಹೆಚ್ಚಿಸಬಹುದು.

ಆತ್ಮೀಯ ಓದುಗರೇ ಒಂದೆಡೆ ಜಗತ್ತಿನಲ್ಲೆಡೆ ಆರ್ಥಿಕ ಹಿಂಜರಿತದ ಭಯ ಆವರಿಸಿಕೊಂಡಿದೆ.ಹತ್ತಾರು ಬೃಹತ್ ಕಂಪನಿಗಳು ಸಾವಿರಾರು ಸಂಖ್ಯೆಯಲ್ಲಿ ಉದ್ಯೋಗಿಗಳನ್ನು ವಜಗೊಳಿಸಲು ಆರಂಭಿಸಿವೆ. ಇದರಿಂದ ಮುಂದಿನ ದಿನಮಾನಗಳಲ್ಲಿ ನಿರುದ್ಯೋಗ ಸಮಸ್ಯೆ ಮತ್ತಷ್ಟು ಹೆಚ್ಚಳವಾಗುವ ಮುನ್ಸೂಚನೆಯನ್ನು ನೀಡುತ್ತಲೇ ಬರುತ್ತಿದೆ. ನಿರುದ್ಯೋಗವವೇ ಸಮಾಜದ ನಾನಾ ಸಮಸ್ಯೆಗಳಿಗೆ ಮೂಲ ಕಾರಣ.ಸಮಸ್ಯೆಗಳ ನಿವಾರಣೆಗೆ ಸರಕಾರ ಮುಂದಾಗಿದ್ದರೂ ಸರಕಾರ
ಕೈಗೊಂಡ ಕ್ರಮಗಳು ಪರಿಣಾಮಕಾರಿಯಾಗಿಲ್ಲ. ಪರಿಣಾಮಕಾರಿ ಮತ್ತು ಸಮಗ್ರ ಪರಿಹಾರವನ್ನು ನೋ ಡಲು ಈ ಸಮಸ್ಯೆಯನ್ನು ಉಂಟುಮಾಡುವ ವಿವಿಧ ಅಂಶಗಳನ್ನು ಕೂಲಂಕಷವಾಗಿ ಅಧ್ಯಯನ ಮಾಡಬೇ ಕಾಗುತ್ತದೆ.ಸರ್ಕಾರವು ಈ ವಿಷಯದ ಸೂಕ್ಷ್ಮತೆಯನ್ನು ಗುರುತಿಸಿ ಅದನ್ನು ಕಡಿಮೆ ಮಾಡಲು ಕೆಲವು ಗಂಭೀರ ಕ್ರಮಗಳನ್ನು ತೆಗೆದುಕೊಳ್ಳಬೇಕಾದ ಸಮಯ ಬಂದಿದೆ. ಆದರೆ ಯುವಕರಿಗೆ ಉದ್ಯೋಗವನ್ನು ಒದಗಿಸಬೇಕಾದ ಸರಕರವೇ ಯುವಕರನ್ನು ಕೇವಲ ಓಟ್ ಬ್ಯಾಂಕಾಗಿ ಮಾಡಿಕೊಂಡು ಯುವಕರ ಆಸೆಯನ್ನು ನುಚ್ಚುನೂರು ಮಾಡುವ ಕೆಲಸವನ್ನು ಮಾಡುತ್ತಿವೆ ಇಂದಿನ ಆಧುನಿಕ ಸರಕಾರಗಳು ಯುವಕರನ್ನು ಒಂದು ದೇಶದ ಸಂಪನ್ಮೂಲವನ್ನಾಗಿ ಬಳಸಿಕೊಳ್ಳದೆ ಅವರನ್ನು ಸಮಸ್ಯೆಗೆ ಸಿಲುಕಿಸುತ್ತಿರುವುದರಿಂದಲೇ ಭಯೋತ್ಪಾದನೆ, ಕೋಮುವಾದದಂತಹ ಸಮಸ್ಯೆಗಳು ಹೆಚ್ಚಾಗುತ್ತಿವೆ.

-ಹನುಮೇಶ ಅಗಳಕೇರ,ಉಪನ್ಯಾಸಕರು,ಕೊಪ್ಪಳ
7760787986