ಭದ್ರಾವತಿಯಲ್ಲಿ ಭಾರತ್ ಅಕ್ಕಿ ವಿತರಣೆಗೆ ಸಂಸದ ಬಿ.ವೈ.ರಾಘವೇಂದ್ರ ಚಾಲನೆ

ಭದ್ರಾವತಿ:ಕೇವಲ 29 ರೂಪಾಯಿಗೆ ಒಂದು ಕೆ ಜಿ
ಉತ್ಕೃಷ್ಟ ಅಕ್ಕಿಯನ್ನು ನರೇಂದ್ರ ಮೋದಿಜಿ ಯವರ ಭಾರತ ಸರ್ಕಾರ ಎಲ್ಲಾ ಜನತೆಗೂ ವಿತರಿಸುತ್ತಿದೆ. 290 ರೂ. ಗಳಿಗೆ 10 ಕೆಜಿಯ ಅಕ್ಕಿಯನ್ನು ಪಡೆಯಬಹುದು ಎಂದು ಸಂಸದ ಬಿ.ವೈ.ರಾಘವೇಂದ್ರ ತಿಳಿಸಿದರು.
ಭದ್ರಾವತಿಯ ಕನಕ ಮಂಟಪದಲ್ಲಿ ಅಕ್ಕಿ ವಿತರಣೆಗೆ ಚಾಲನೆ ನೀಡಿ ಮಾತನಾಡಿ ಒಂದು ಮೊಬೈಲ್ ಸಂಖ್ಯೆಗೆ 10 ಕೆಜಿ ನೀಡಲಾಗುತ್ತದೆ.ಇದೊಂದು ಕೆಂದ್ರ ಸರ್ಕಾರದ ಮಹತ್ವಾಕಾಂಕ್ಷಿ ಯೋಜನೆಯಾಗಿದ್ದು,ಸಾರ್ವಜನಿಕರು ಸದುಪಯೋಗ ಪಡಿಸಿಕೊಳ್ಳಬೇಕೆಂದು ಮನವಿ ಮಾಡಿದರು.
ಸುಧಾಮೂರ್ತಿ ಅವರನ್ನು ರಾಜ್ಯಸಭೆಗೆ ನಾಮಕರಣ ಮಾಡಿದ್ದಾರೆ.ಸುಧಾಮೂರ್ತಿ ಅವರಿಗೆ ಅಭಿನಂದನೆ ಸಲ್ಲಿಸುತ್ತೇನೆ.ಚುನಾವಣೆ ಸಂದರ್ಭದಲ್ಲಿ ನಮ್ಮ ಶಕ್ತಿ ಅಂದ್ರೆ ನಮ್ಮ ಕಾರ್ಯಕರ್ತರು.ನಮ್ಮ ಶಕ್ತಿ ನರೇಂದ್ರಮೋದಿ.ಯುವಕರಿಗೆ,ರೈತರಿಗೆ,ಮಹಿಳೆಯರಿಗೆ ಅಭಿವೃದ್ಧಿ ವಿಚಾರಗಳನ್ನು ತಿಳಿಸುವ ಮೂಲಕ ಮತ ಕೇಳುತ್ತೇವೆ ಎಂದರು.
ಭದ್ರಾವತಿ ಮಂಡಲ ಬಿಜೆಪಿ ಅಧ್ಯಕ್ಷ ಜಿ.ಧರ್ಮ ಪ್ರಸಾದ್ ನೇತ್ರತ್ವದಲ್ಲಿ ನಡೆದ ಸಮಾರಂಭದಲ್ಲಿ ಜೆಡಿಎಸ್ ಮುಖಂಡರಾದ ಶಾರದಾ ಅಪ್ಪಾಜಿ, ತಾಲ್ಲೂಕು ಜೆಡಿಎಸ್ ಆಧ್ಯಕ್ಷ ಆರ್.ಕರುಣಾಮೂರ್ತಿ, ಬಿಜೆಪಿ ನಗರಸಭಾ ಸದಸ್ಯೆ ಅನುಪಮಾ ಚನ್ನೇಷ್, ಮುಖಂಡರುಗಳಾದ ಮಂಗೋಟೆ ರುದ್ರೇಶ್,
ಕೂಡ್ಲಿಗೆರೆ ಹಾಲೇಶ್,ಮಂಜುನಾಥ್ ಕದಿರೇಶ್,ಬಿ.ಜಿ ರಾಮಲಿಂಗಯ್ಯ,ನಾರಾಯಣಪ್ಪ,ತೀರ್ಥಯ್ಯ,ಬಾರಂದೂರು ಪ್ರಸನ್ನ,ಪಿ.ಸತೀಶ್ ಕುಮಾರ್,ಎಂಪಿಎಂ ರಂಗೋಜಿ,ಉಪ್ಪಾರ ರಾಜಶೇಖರ್ ಮುಂತಾದವರು ಭಾಗವಹಿಸಿದ್ದರು.

ವರದಿ:ಕೆ ಆರ್ ಶಂಕರ್ ಭದ್ರಾವತಿ