ಉತ್ತರ ಕನ್ನಡ ಜಿಲ್ಲೆಯ ಮುಂಡಗೋಡ ತಹಶೀಲ್ದಾರ್ ಕಚೇರಿಯ ಆವರಣದಲ್ಲಿರುವ ಸಬ್ ರಿಜಿಸ್ಟ್ರಾರ್ ಕಚೇರಿ ತನ್ನ ಕರ್ತವ್ಯ ಲೋಪಗಳಿಂದ ಮುಂಡಗೋಡ ದಲ್ಲಿ ತೀವ್ರ ಜನಾಕ್ರೋಶಕ್ಕೆ ಒಳಗಾಗಿದೆ.ಅಲ್ಲಿನ ಸಿಬ್ಬಂದಿಗಳು ವ್ಯಾಪಕ ಭ್ರಷ್ಟಾಚಾರದಲ್ಲಿ ತೊಡಗಿದ್ದಾರೆ?ಮತ್ತು ಲವ್ ಜಿಹಾದ್ ಗೆ ಪರೋಕ್ಷ ಬೆಂಬಲ? ನೀಡುತ್ತಿದ್ದಾರೆ ಎಂದು ಜನ ಸಾಕಷ್ಟು ದಿನಗಳಿಂದ ಬೇಸತ್ತಿದ್ದು ಈ ಹಿನ್ನೆಲೆಯಲ್ಲಿ ಅಲ್ಲಿನ ಅಕ್ರಮ ಹಾಗೂ ಸಿಬ್ಬಂದಿಗಳ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳುವಂತೆ ಮುಂಡಗೋಡ ಹಿಂದೂ ಪರ ಸಂಘಟನೆಗಳ ಕಾರ್ಯಕರ್ತರು ಈ ಬಗ್ಗೆ ತುರ್ತು ಕ್ರಮ ಕೈಗೊಳ್ಳಬೇಕು ಎಂದು ಮುಂಡಗೋಡದಲ್ಲಿ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರಲ್ಲಿ ಮನವಿ ಸಲ್ಲಿಸಿದರು. ಈ ವೇಳೆ ಶಂಕರ್ ಲಮಾಣಿ, ಮಂಜುನಾಥ ಎಚ್. ಪಿ.ಮಂಡಲ ಬಿಜೆಪಿ ಅಧ್ಯಕ್ಷರಾದ ಮಂಜುನಾಥ್ ಪಾಟೀಲ್,ಮಂಜುನಾಥ್ ಹರ್ಮಲ್ಕರ್,ಪ್ರಕಾಶ್ ಬಡಿಗೇರ್, ವಿಶ್ವನಾಥ್ ನಾಯರ್,ಕಿರಣ್ ಚವ್ಹಾಣ್ ಇದ್ದರು.
