ಬೆಳಗಾವಿ:ಪ್ರದೀಪ್ ಅರವಿಂದ ದೊಡಮನಿ ಇವರು ಬೆಳಗಾವಿ ಜಿಲ್ಲೆ ರಾಮದುರ್ಗ ತಾಲೂಕಿನ ಗಾಂಧಿನಗರ ನಿವಾಸಿಯಾಗಿದ್ದು ಇವರೊಬ್ಬ ಚಿತ್ರಗಾರನಾಗಿದ್ದು ತಮ್ಮ ಮಾಮನ ಹತ್ತಿರ ಚಿತ್ರಕಲೆಯ ಅಭ್ಯಾಸವನ್ನು ಕಲಿಯಲು ಹೋದಾಗ ಅವರು ಕೈಯಿಂದ ಮಾತ್ರ ಚಿತ್ರವನ್ನು ತೆಗೆಯುವುದನ್ನು ಹೇಳಿಕೊಟ್ಟಿದ್ದರು.
ಆದರೆ ಬಾಯಿಂದ ಕೂಡಾ ಚಿತ್ರ ತೆಗೆಯಬಹುದು ಅಂದುಕೊಂಡು ಅದನ್ನು ಪ್ರಯತ್ನಿಸಿದಾಗ ಅದು ಯಶಸ್ವಿಯಾಯಿತು ಆಗ ನನಗೆ ತುಂಬಾ ಸಂತಸವಾಯಿತು ಈ ಕಾರಣದಿಂದ ನಾನು ಬಾಯಿಂದ ಚಿತ್ರವನ್ನು ಬಿಡಿಸಿದ್ದೇನೆ ಎನ್ನುತ್ತಾರೆ ಅಪರೂಪದ ಕಲಾವಿದ ಪ್ರದೀಪ್ ಅರವಿಂದ ದೊಡಮನಿ.
ಶಾಸಕರಾದ ಅಶೋಕ್ ಪಟ್ಟನ್ ರವರ್,ಸಂವಿಧಾನ ಶಿಲ್ಪಿ ಡಾ: ಬಿ ಆರ್ ಅಂಬೇಡ್ಕರ್, ಆದಿಯೋಗಿ ಶಿವ, ಗುರು ರಾಘವೇಂದ್ರರವರ ಚಿತ್ರಗಳನ್ನು ಬಿಡಿಸಿದ್ದಾರೆ.ಹಾಗೆಯೇ ಎಲೆಯಲ್ಲಿ ಕೂಡಾ ಹನುಮಾನ್ ಚಿತ್ರದ ಜೊತೆಗೆ ಹಲವಾರು ಚಿತ್ರಗಳನ್ನು ರಚಿಸಿದ್ದಾರೆ.ಬಾಯಿ ಮೂಲಕ ಮಾತ್ರವಲ್ಲದೆ ,ಎಲೆ,ರಕ್ತ,ಪೆನ್ಸಿಲ್,ಪೇಂಟ್ ಮೂಲಕವೂ ಚಿತ್ರ ರಚಿಸುವುದು ಇವರಿಗೆ ಕರಗತವಾಗಿದೆ.
ಲೇಖನ-ಕರಿಯಪ್ಪ ಮಾ.ಮಾದರ
