ಬೀದರ:03 ನೇ ಅಗಸ್ಟ್ 2024 ಮಾನವೀಯತೆಯ ಹರಿಕಾರರು, ಸಮಾನತೆಯ ಪ್ರತಿಪಾದಕರು, ಸತ್ಯ ತತ್ವಕ್ಕಾಗಿ ತಮ್ಮ ಇಡೀ ಬದುಕು ಸಮಾಜದ ಉನ್ನತಿಗಾಗಿ ಮುಡಿಪಾಗಿಟ್ಟು ದುಡಿದ ಸಮಾಜ ಸುಧಾರಕ ಅಣ್ಣ ಬಸವಣ್ಣನವರ ಹೆಸರನ್ನು ಬೆಂಗಳೂರು ಮೆಟ್ರೋಗೆ ನಾಮಕರಣ ಮಾಡಲು ಸಾಹಿತಿ ಪತ್ರಕರ್ತರು, ಜಿಲ್ಲಾ ಶರಣ ಸಾಹಿತ್ಯ ಪರಿಷತ್ತಿನ ಗೌರವ ಕಾರ್ಯದರ್ಶಿಯಾದ ಸಂಗಮೇಶ ಎನ್ ಜವಾದಿ ಪಾಟೀಲ ಸರ್ಕಾರಕ್ಕೆ ಒತ್ತಾಯಿಸಿದ್ದಾರೆ.
ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ವಿಶ್ವಕ್ಕೆ ಭಾವೈಕ್ಯತೆಯ ಸಂದೇಶ ಸಾರಿದ, ಮನುಕುಲದ ಮೇಧಾವಿ ವೈಚಾರಿಕ ಪ್ರಜ್ಞೆಯ ಸಂತರಾದ 12 ನೇ ಶತಮಾನದ ಮಹಾ ಮಾನವತಾವಾದಿ ಜಗಜ್ಯೋತಿ ಬಸವೇಶ್ವರರ ಹೆಸರನ್ನು ಬೆಂಗಳೂರಿನ ಮೆಟ್ರೋಗೆ “ಬಸವೇಶ್ವರ ಮೆಟ್ರೋ” ಎಂದು ನಾಮಕರಣ ಮಾಡಿ ಘೋಷಿಸಲು ರಾಜ್ಯ ಹಾಗೂ ಕೇಂದ್ರ ಸರ್ಕಾರಕ್ಕೆ ಒತ್ತಾಯಿಸಿದ್ದಾರೆ.
ಈ ಕೂಡಲೇ ರಾಜ್ಯ ಸರ್ಕಾರವು ಬೆಂಗಳೂರು ಮೆಟ್ರೋಗೆ ಬಸವೇಶ್ವರ ಮೆಟ್ರೋ ಎಂದು ನಾಮಕರಣ ಮಾಡಲು ಕೇಂದ್ರ ಸರಕಾರಕ್ಕೆ ಪ್ರಸ್ತಾವನೆಯನ್ನು ಕಳಿಸಲು ಸಂಗಮೇಶ ಎನ್ ಜವಾದಿ ಆಗ್ರಹಿಸಿದ್ದಾರೆ.
