ಯಾದಗಿರಿ: ಯಾದಗಿರಿ ನಗರ ಪೊಲೀಸ್ ಠಾಣೆಯಲ್ಲಿ ದಿನಾಂಕ: 03.08.2024 ರಂದು ಮೃತ ಪರಶುರಾಮ ಪಿ.ಎಸ್.ಐ ಇವರ ಧರ್ಮ ಪತ್ನಿ ಶ್ರೀಮತಿ ಶ್ವೇತಾ ಎನ್.ವಿ ಇವರು ನೀಡಿದ ದೂರಿನ ಆಧಾರದ ಮೇಲೆ ಯಾದಗಿರಿ ನಗರ ಪೊಲೀಸ್ ಠಾಣೆಯಲ್ಲಿ ಯಾದಗಿರಿ ಮತಕ್ಷೇತ್ರದ ಶಾಸಕರಾದ ಶ್ರೀ ಚನ್ನಾರೆಡ್ಡಿ ಪಾಟೀಲ್ ತುನ್ನೂರ ಮತ್ತು ಅವರ ಪುತ್ರ ಪಂಪನಗೌಡ (ಸನ್ನಿಗೌಡ) ಇವರ ವಿರುದ್ದ ಪೊಲೀಸ್ ಠಾಣೆ ಗುನ್ನೆ ನಂ. 105/2024 ಕಲಂ: ಕಲಂ: 352, 108 ಸಂಗಡ 3(5) ಬಿ.ಎನ್.ಎಸ್-2023 ಮತ್ತು ಕಲಂ: 3 (1) (ಆರ್) (ಎಸ್), 3 (2) (v) ಎಸ್.ಸಿ/ಎಸ್.ಟಿ ಪಿ.ಎ ಎಕ್ಟ್-1989 ಕಾಯ್ದೆಯಡಿಯಲ್ಲಿ ಪ್ರಕರಣ ದಾಖಲಾಗಿದ್ದು ಇರುತ್ತದೆ ಎಂದು ಯಾದಗಿರಿ ಪೊಲೀಸ್ ಅಧೀಕ್ಷಕರು ಅವರು ತಿಳಿಸಿದ್ದಾರೆ.
ಮಾನ್ಯ ಡಿ.ಜಿ ಮತ್ತು ಐ.ಜಿ.ಪಿ ಕರ್ನಾಟಕ ರಾಜ್ಯ ಬೆಂಗಳೂರು ರವರು ಸದರಿ ಪ್ರಕರಣದ ಕಡತವನ್ನು ಮುಂದಿನ ತನಿಖೆ ಕುರಿತು ಸಿ.ಐ.ಡಿ ಘಟಕ ಬೆಂಗಳೂರು ರವರಿಗೆ ವಹಿಸುವಂತೆ ಆದೇಶ ಮಾಡಿದ್ದು ಇರುತ್ತದೆ. ಮಾನ್ಯ ಡಿ.ಜಿ ಮತ್ತು ಐ.ಜಿ.ಪಿ ರವರ ಆದೇಶದ ಪ್ರಕಾರ ಪ್ರಕರಣದ ಕಡತವನ್ನು ಮುಂದಿನ ತನಿಖೆ ಕುರಿತು ಸಿ.ಐ.ಡಿ ಘಟಕ ಬೆಂಗಳೂರು ರವರಿಗೆ ನಾಳೆ ದಿನಾಂಕ: 05.08.2024 ರಂದು ವರ್ಗಾಯಿಸಲಾಗುವುದು ಎಂದು ಅವರು ತಿಳಿಸಿದ್ದಾರೆ.
