ಆರದಿರಲಿ ಕನ್ನಡದ ದೀಪ
ಎಂದೋ ಹಚ್ಚಿದ ಈ ದೀಪ
ಎರೆಯಬೇಕು ಭಾವ ತೈಲ
ಬೆಳಗಬೇಕು ಕನ್ನಡದ ದೀಪ/
ಊದಬೇಕು ಕನ್ನಡದ ಕಹಳೆ
ಬಾರಿಸಬೇಕು ಜಾಗೃತ ಘಂಟೆ
ಸುರಿಯಬೇಕು ಅಕ್ಷರದ ಮಳೆ
ಸುಲಿಯಬೇಕು ಹೆಡ್ಡರ ತೊಗಟೆ//
ಬೆಳೆಯದಿರಲಿ ಆಂಗ್ಲರ ಜಾಲಿ
ಬೆಳೆಯಬೇಕು ಕನ್ನಡ ಫಸಲು
ಕೀಳಬೇಕು ವ್ಯಾಮೋಹ ಬೇಲಿ
ನುಡಿಸಬೇಕು ಕನ್ನಡ ಕೊಳಲು
ಪಸರಿಸಲಿ ಕನ್ನಡದ ಜ್ವಾಲೆ
ಜಗದ ತುಂಬಾ ಮುಗಿಲಗಲ
ಆರದಿರಲಿ ಹೊತ್ತಿದ ಜ್ಯೋತಿ
ಮಿನುಗಲಿ ಕರುನಾಡ ದೇಗುಲ
ಭಾರತಾಂಬೆಯತನುಜಳಿವಳು
ನನ್ನ ತಾಯಿ ಕರುನಾಡ ಮಾತೆ
ಬಾಳಲಿ ನೂರು ವರ್ಷ ಇವಳು
ಸವಿಜೇನಾಗಲಿ ಕನ್ನಡs ಮತ್ತೆ/
ಕವಿ: ಹನುಮಂತರಾವ್ ನಾಗಪ್ಪಗೋಳ ಸಾಹಿತಿಗಳು, ಗೋಕಾಕ ಬೆಳಗಾವಿ- ಜಿಲ್ಲೆ
