ಶಿವಮೊಗ್ಗ : ತಮ್ಮ ಹನ್ನೆರಡನೇ ವರ್ಷದ ಗಣೇಶ ಉತ್ಸವವನ್ನು ಗುಂಡಪ್ಪಶೆಡ್ ಮಲ್ಲೇಶ್ವರ ನಗರ ಮತ್ತು ರಾಮರಾವ್ ಬಡಾವಣೆ ನಿವಾಸಿಗಳ ಸಂಘ ಜಂಟಿಯಾಗಿ ಬಹು ಅದ್ದೂರಿಯಾಗಿ ನಡೆಸಿಕೊಂಡು ಹೋಗುತ್ತಿರುವುದು ನಗರಕ್ಕೆ ಶೋಭೆ ತಂದಿದೆ.ನಿನ್ನೆಯ ಕಾರ್ಯಕ್ರಮದಲ್ಲಿ ಮಹಾನಗರ ಪಾಲಿಕೆ ಸದಸ್ಯ ಶ್ರೀ ಎಚ್ ಸಿ ಯೋಗೀಶ್ ಅವರು ಆಗಮಿಸಿ ಕಾರ್ಯಕ್ರಮದ ಕಲಾವಿದರನ್ನು ಸನ್ಮಾನಿಸಿದರು.
ದಿನಾಂಕ 07.09.2024 ರಿಂದ 11.09.2024ರ ತನಕ ಶಿವಮೊಗ್ಗದ ಗುಂಡಪ್ಪಶೆಡ್ ಮುಸ್ಸಂಜೆ ಉದ್ಯಾನವನದಲ್ಲಿ ಗಣೇಶೋತ್ಸವ ಜರುಗುತ್ತಿದ್ದು ಈ ವರ್ಷ ಪರೋಪಕಾರಂ ತಂಡದಿಂದ ಮನೋರಂಜನೆ, ರೇಣುಕಪ್ಪ ತಂಡದಿಂದ ಕೃಷ್ಣ ಸಂಧಾನ ನಾಟಕ ಕಾರ್ಯಕ್ರಮಗಳು ಭಕ್ತಾದಿಗಳ ಮನಸ್ಸಿಗೆ ಮುದ ನೀಡಿದವು.
ಶಿವಮೊಗ್ಗ ಮಹಾನಗರ ಪಾಲಿಕೆ ಸದಸ್ಯ ಶ್ರೀ ಎಚ್ ಸಿ ಯೋಗೇಶ್ ಅವರು ಶುಭಾಸಂಚನೆ ನಡೆಸಿದರು.
ಇಂಡಿಯನ್ ದಿವ್ಯಾoಗ ಎಂಪವರರ್ಮೆಂಟ್ ಅಸೋಸಿಯೇಷನ್ ಅಧ್ಯಕ್ಷ ಹಾಗೂ ಕರುನಾಡ ಕಂದ ಪತ್ರಿಕೆಯ ಶ್ರೀ ಕೊಡಕ್ಕಲ್ ಶಿವಪ್ರಸಾದ್ ಅವರು ಶ್ರೀ ಗಣೇಶಮೂರ್ತಿಗೆ ಪೂಜೆ ಸಲ್ಲಿಸಿದರು.
ದಿನಾಂಕ 10.09.2024ರ ಮಂಗಳವಾರ ಸಂಜೆ ಸಹಚೇತನ ನಾಟ್ಯಾಲಯದಿಂದ ಭರತನಾಟ್ಯ ಕಾರ್ಯಕ್ರಮವಿದ್ದು ದಿನಾಂಕ 11.09.2024ರ ಬುಧವಾರ ಸಂಜೆ 4ಗಂಟೆಗೆ ಮಹಾ ಮಂಗಳಾರತಿ ಹಾಗೂ ರಾಜಬೀದಿ ಉತ್ಸವದೊಂದಿಗೆ ಕಾರ್ಯಕ್ರಮ ಕೊನೆಗೊಳ್ಳುವುದು.
ನಿವಾಸಿಗಳ ಸಂಘದ ಗೌರವಧ್ಯಕ್ಷ ಶ್ರೀ ಅಚ್ಯುತ ರಾವ್, ಅಧ್ಯಕ್ಷ ಶ್ರೀ ಪ್ರಕಾಶ್ ಜೋಡಿಯಾಕ್, ಪ್ರಧಾನ ಕಾರ್ಯದರ್ಶಿ ಶ್ರೀ ಶಿವಾನಂದಪ್ಪ ಹಾಗೂ ಖಜಾಂಚಿ ಶ್ರೀ ಮೋಹನಕುಮಾರ್ ಇವರುಗಳು ಕಾರ್ಯಕ್ರಮವನ್ನು ಅಚ್ಚುಕಟ್ಟಾಗಿ ನೆರವೇರಿಸುತ್ತಿದ್ದಾರೆ.
ವರದಿ : ಕೊಡಕ್ಕಲ್ ಶಿವಪ್ರಸಾದ್,ಶಿವಮೊಗ್ಗ
