ಶಿರಸಿ : ದಿನಾಂಕ 10-09-2024ರಂದು ಶ್ರೀಮಠದಲ್ಲಿ ಚತುರ್ದ್ರವ್ಯ ಅಥರ್ವಶೀರ್ಷ ಹವನ ನಡೆಯಿತು. ಪ್ರತಿದ್ರವ್ಯದಿಂದ ಸಹಸ್ರಾಹುತಿ ಪೂರ್ವಕ ಹೋಮವನ್ನು ನೆರವೇರಿಸಲಾಯಿತು. ಉಭಯ ಶ್ರೀಗಳಾದ ಶ್ರೀಮದ್ ಗಂಗಾಧರೇಂದ್ರ ಸರಸ್ವತಿ ಸ್ವಾಮೀಜಿ ಹಾಗೂ ಶ್ರೀಮದ್ ಆನಂದ ಬೋದೆಂದ್ರ ಸರಸ್ವತಿ ಸ್ವಾಮೀಜಿ ಪೂರ್ಣಾಹುತಿಯ ಸಮಯದಲ್ಲಿ ಉಪಸ್ಥಿತರಿದ್ದರು.
ಸಾಯಂಕಾಲ ಗಣಪತಿ ವಿಸರ್ಜನೆ ಕಾರ್ಯಕ್ರಮ ನಡೆಯಿತು. ಅನೇಕ ಭಕ್ತರು ಕೊನೆಯದಾಗಿ ಈ ವರ್ಷದ ಮೃತ್ತಿಕಾ ಗಣಪತಿಯ ದರ್ಶನ ಮಾಡಿ ಧನ್ಯರಾದರು. ಎರಡೂ ಗಣಪತಿಯನ್ನು ಪ್ರತಿವರ್ಷದಂತೆ ಶಾಲ್ಮಲಾ ನದಿಯಲ್ಲಿ ವಿಸರ್ಜಿಸಲಾಯಿತು.
ವರದಿ :ಕೊಡಕ್ಕಲ್ ಶಿವಪ್ರಸಾದ್, ಶಿವಮೊಗ್ಗ
