ಶಿವಮೊಗ್ಗ : ಶ್ರೀ ಶಂಕರನಾರಾಯಣ ಕಾಶಿ ಟ್ರಸ್ಟ್(ರಿ.) ಆಶ್ರಯದಲ್ಲಿ ದಿನಾಂಕ: 24-11-2024, ಭಾನುವಾರ ಸಂಜೆ 6:00 ರಿಂದ ಶ್ರೀ ಪ್ರಸನ್ನ ಗಣಪತಿ(ಬಲಮುರಿ) ದೇವಸ್ಥಾನ, ರವೀಂದ್ರನಗರ, ಶಿವಮೊಗ್ಗ ಇಲ್ಲಿ ಸಂಜೆ 6:00ಕ್ಕೆ ಮಥುರಾ ಪ್ಯಾರಡೈಸ್, ಶಿವಮೊಗ್ಗ ರಜತೋತ್ಸವ, ಕನ್ನಡ ರಾಜ್ಯೋತ್ಸವ ಹಾಗೂ ಕನಕ ಜಯಂತಿ ಆಚರಣೆ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿದೆ.
ಸಮಾರಂಭದ ಅಧ್ಯಕ್ಷತೆಯನ್ನು ಶ್ರೀಮತಿ ನಿರ್ಮಲಾ ಕಾಶಿ, ಅಧ್ಯಕ್ಷರು, ಎಸ್.ಎನ್.ಕೆ ಟ್ರಸ್ಟ್(ರಿ.), ಶಿವಮೊಗ್ಗ ಇವರು ವಹಿಸುವರು. ಮುಖ್ಯ ಅತಿಥಿಗಳಾಗಿ ಶ್ರೀಯುತ ಉಮಾಶಂಕರ ಉಪಾಧ್ಯಾಯ, ಅಧ್ಯಕ್ಷರು ಶ್ರೀ ಪ್ರಸನ್ನ ಗಣಪತಿ (ಬಲಮುರಿ) ದೇವಸ್ಥಾನ, ರವೀಂದ್ರನಗರ, ಶಿವಮೊಗ್ಗ ಶ್ರೀಯುತ ಎನ್. ಗೋಪಿನಾಥ್ ಮಾಲೀಕರು-ಮಥುರಾ ಪ್ಯಾರಡೈಸ್, ಸಮಾಜ ಸೇವಕರು, ಶಿವಮೊಗ್ಗ ಶ್ರೀಯುತ ಎನ್. ಮಂಜುನಾಥ್ ಅಧ್ಯಕ್ಷರು, ಶಿವಮೊಗ್ಗ ಪ್ರೆಸ್ ಟ್ರಸ್ಟ್, ಶಿವಮೊಗ್ಗ, ಶ್ರೀಯುತ ರವಿಕುಮಾರ್ ಎಸ್., ಅಧ್ಯಕ್ಷರು, ಭೋವಿ ಸಮಾಜ ಅಭಿವೃದ್ಧಿ ನಿಗಮ, ಕರ್ನಾಟಕ ಸರ್ಕಾರ, ವಿದ್ವಾನ್ ಶ್ರೀ ಶೃಂಗೇರಿ ಹೆಚ್. ಎಸ್. ನಾಗರಾಜ್ ಪ್ರಾಂಶುಪಾಲರು, ಶ್ರೀ ಗುರುಗುಹ ಸಂಗೀತ ಮಹಾವಿದ್ಯಾಲಯ, ಶಿವಮೊಗ್ಗ ಇವರು ಆಗಮಿಸುವರು.
ಸಂಜೆ 6:45 ರಿಂದ ಜಿಲ್ಲಾ ಮಟ್ಟದ ಸವಾಲಾತ್ಮಕ ಭಾವಗೀತೆ ಸ್ಪರ್ಧೆಯ ಬಹುಮಾನ ವಿತರಣೆ ಹಾಗೂ ಸಂಜೆ 7:00 ರಿಂದ ಬಹುಮಾನಿತರಿಂದ ಕನ್ನಡ ಭಾವಗೀತೆ ಗಾಯನವಿದ್ದು ಸಂಜೆ 7:15 ರಿಂದ ಶ್ರೀ ಕನಕದಾಸರ ಪದಗಳ ಗಾಯನವನ್ನು ಶ್ರೀ ಗುರುಗುಹ ಸಂಗೀತ ಮಹಾವಿದ್ಯಾಲಯ, ಶಿವಮೊಗ್ಗ ಇವರು ನಡೆಸಿಕೊಡುವರು ಎಂದು ಪ್ರಕಟಣೆ ತಿಳಿಸಿದೆ.
ವರದಿ : ಕೊಡಕ್ಕಲ್ ಶಿವಪ್ರಸಾದ್, ಶಿವಮೊಗ್ಗ.
