ಗುರುಮಠಕಲ್ ಪತ್ರಿಕಾ ಭವನದಲ್ಲಿ ಸಮಿತಿ ಅಧ್ಯಕ್ಷ ವಿಜಯಕುಮಾರ್ ನೀರೇಟಿ ಪತ್ರಿಕಾಗೋಷ್ಠಿ
ಯಾದಗಿರಿ/ ಗುರುಮಠಕಲ್: ಜನವರಿ 21ರಂದು ಕೂಲಿ ಸಮಾಜದ ವತಿಯಿಂದ ನಿಜಶರಣ ಅಂಬಿಗರ ಚೌಡಯ್ಯನವರ ಜಯಂತಿ ಕಾರ್ಯಕ್ರಮವನ್ನು ಅದ್ದೂರಿಯಾಗಿ ನಡೆಸುವ ನಿಟ್ಟಿನಲ್ಲಿ ಸಕಲ ಸಿದ್ಧತೆಗಳನ್ನು ನಡೆಸಲಾಗುತ್ತಿದೆ ಎಂದು ಜಯಂತೋತ್ಸವ ಸಮಿತಿಯ ಅಧ್ಯಕ್ಷ ವಿಜಯಕುಮಾರ್ ನೀರೇಟಿ ಹೇಳಿದರು.
ಪಟ್ಟಣದ ಪತ್ರಿಕೆ ಭವನದಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದರು ಜನವರಿ 21ರಂದು ಪಟ್ಟಣದ ಬಸ್ ನಿಲ್ದಾಣ ಹತ್ತಿರ ನಿಜಶರಣ ಅಂಬಿಗರ ಚೌಡಯ್ಯ ವೃತ್ತದಿಂದ ಮಲ್ಲಯ್ಯಕಟ್ಟ, ಗಡಿ ಮೊಹಲ್ಲಾ, ವೀರಭದ್ರೇಶ್ವರ ದೇವಸ್ಥಾನ, ನಣಪುರ್ ಚೌಡಿಕಟ್ಟ, ಬಿಡಿಕೆ ಕಟ್ಟ, ಪೊಲೀಸ್ ಠಾಣೆಯ ಮಾರ್ಗವಾಗಿ ಗಾಂಧಿ ಮೈದಾನದವರೆಗೆ ವಿವಿಧ ಮಂಗಲ ವಾದ್ಯಗಳೊಂದಿಗೆ ಭಾವಚಿತ್ರದ ಮೆರವಣಿಗೆ ನಡೆಸಲಾಗುತ್ತದೆ ಎಂದು ಹೇಳಿದರು.
ಗಾಂಧಿ ಮೈದಾನದಲ್ಲಿ ಸಂಜೆ 6 ಗಂಟೆಗೆ ಜಯಂತಿ ಕಾರ್ಯಕ್ರಮ ಜರಗಲಿದೆ.
ಕಾರ್ಯಕ್ರಮದ ಹಿನ್ನೆಲೆ ವಿದ್ಯಾರ್ಥಿಗಳಿಗೆ ವಿವಿಧ ಪ್ರೌಢಶಾಲೆ ಮತ್ತು ಪಿಯು ವಿದ್ಯಾರ್ಥಿಗಳಿಗೆ ನೃತ್ಯ ಸ್ಪರ್ಧೆಗಳು ಏರ್ಪಡಿಸಿದ್ದು, ಪ್ರಥಮ ಬಹುಮಾನ 10 ಹತ್ತು ಸಾವಿರ ಮತ್ತು ದ್ವಿತೀಯ ಬಹುಮಾನ 5 ಸಾವಿರ ರೂಪಾಯಿಗಳು ನಗದು ವಿತರಿಸಲಾಗುವುದು.
ಸುತ್ತಲಿನ ಗ್ರಾಮಗಳಿಂದ ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಲು ಅವರು ಕೋರಿದರು.
ಈ ವೇಳೆ ಭೀಮಶಂಕರ್ ಪಾಡಿಗೆ, ಭೀಮಪ್ಪ ಕೊರೆಬಾನ್, ಶೇಷಪ್ಪ ಬುರ್ಜು, ಸಂಜಪ್ಪ ಬುರಗಪಲ್ಲಿ, ಲಾಲಪ್ಪ ಲಡ್ಡಿ ಸೇರಿದಂತೆ ಇನ್ನೂ ಹಲವಾರು ಸಮಿತಿಯ ಸದಸ್ಯರು ಇದ್ದರು.
ವರದಿ: ಮಹಾದೇವಪ್ಪ ಗುರುಮಠಕಲ್
