ಬೆಂಗಳೂರು : ಐಪಿಎಲ್ನ ನೂತನ ಚಾಂಪಿಯನ್ ಎನಿಸಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB- Royal Challengers Bangalore) ತಂಡವನ್ನು ಮಾರುವ ಸಾಧ್ಯತೆ ಇದೆ. ಬ್ರಿಟನ್ ಮೂಲದ ಡಿಯಾಜಿಯೋ ಕಂಪನಿ ಸದ್ಯ ಆರ್ಸಿಬಿಯ ಮಾಲಿಕತ್ವ ಹೊಂದಿದೆ. ಇದೀಗ ಫ್ರಾಂಚೈಸಿಯನ್ನು ಮಾರುವ ಬಗ್ಗೆ ಡಿಯಾಜಿಯೋ (Diageo) ಆಲೋಚಿಸುತತಿದೆ ಎಂದು ತಿಳಿದು ಬಂದಿದೆ. ಸಂಪೂರ್ಣವಾಗಿ ಮಾರುವುದೋ ಅಥವಾ ಭಾಗಶಃ ಮಾರುವುದೋ ಎಂಬುದನ್ನು ಯೋಚಿಸಲಾಗುತ್ತಿದೆ. ಈ ಬಗ್ಗೆ ಸಲಹೆಗಾರರ ಜೊತೆ ಡಿಯಾಜಿಯೋ ಸಮಾಲೋಚನೆ ನಡೆಸುತ್ತಿರುವುದು ಈ ವರದಿಯಲ್ಲಿ ತಿಳಿಸಲಾಗಿದೆ.
ಆರ್ಸಿಬಿ ಫ್ರಾಂಚೈಸಿ ಎರಡು ಬಿಲಿಯನ್ ಡಾಲರ್ ವ್ಯಾಲ್ಯುಯೇಶನ್ ಇರಬಹುದೆಂದು ನಿರೀಕ್ಷಿಸಲಾಗುತ್ತಿದೆ. ಅಂದರೆ ಬರೋಬ್ಬರಿ 17,000 ಕೋಟಿ ರೂ. ಮೊತ್ತಕ್ಕೆ ಯಾರಾದರೂ ಖರೀದಿಸಲು ಮುಂದಾದರೆ ಆರ್ಸಿಬಿಯನ್ನು ಸೇಲ್ ಮಾಡುವ ಸಾಧ್ಯತೆ ಇದೆ.
ಸದ್ಯ ಯಾವ ವಿಚಾರವೂ ಅಂತಿಮವಾಗಿಲ್ಲ. ಆರ್ಸಿಬಿಯನ್ನು ಮಾರಾಟ ಮಾಡಬಹುದು, ಅಥವಾ ಮಾಡದೇ ಹೋಗಬಹುದು. ಈಗಲೇ ಏನೂ ಹೇಳಲು ಆಗದು ಎಂದು ಈ ವರದಿಯಲ್ಲಿ ಮೂಲಗಳು ಹೇಳಿವೆ ಎನ್ನಲಾಗಿದೆ. ಬೆಂಗಳೂರು ರಾಯಲ್ ಚಾಲೆಂಜರ್ಸ್ ತಂಡಕ್ಕೆ ಯುನೈಟೆಡ್ ಸ್ಪಿರಿಟ್ಸ್ ಮಾಲಕ ಕಂಪನಿ. ಆದರೆ, ವಿಜಯ್ ಮಲ್ಯ ಅವರ ಬಳಿ ಇದ್ದ ಯುನೈಟೆಡ್ ಸ್ಪಿರಿಟ್ಸ್ ಅನ್ನು ಡಿಯಾಜಿಯೋ ಕಂಪನಿ ಖರೀದಿ ಮಾಡಿತ್ತು. ಈ ಮೂಲಕ ಆರ್ಸಿಬಿ ಮಾಲಕತ್ವ ಡಿಯಾಜಿಯೋದ್ದಾಗಿದೆ. ಈ ತಂಡದ ಮಾರಾಟ ಸಂಬಂಧ ಡಿಯಾಜಿಯೋ ಆಗಲೀ, ಯುನೈಟೆಡ್ ಸ್ಪಿರಿಟ್ಸ್ ಆಗಲೀ ತಮಗೆ ಹೇಳಿಕೆ ನೀಡಿಲ್ಲವೆಂದು ವರದಿಯಲ್ಲಿ ಹೇಳಲಾಗಿದೆ. ಈ ಕುರಿತು ಬ್ಲೂಮ್ಬರ್ಗ್ ವರದಿ ಮಾಡಿದೆ.
ವರದಿ : ಜಿಲಾನಸಾಬ್ ಬಡಿಗೇರ್
