ವಿಜಯಪುರ ಜಿಲ್ಲೆಯ ತಾಳಿಕೋಟೆ ತಾಲೂಕಿನ ತಾಳಿಕೋಟೆ, ಮೈಲೇಶ್ವರ, ಮಸ್ಕನಾಳ ಮತ್ತು ಬಿಳೆಬಾವಿ ಗ್ರಾಮಗಳನ್ನು ಒಳಗೊಂಡ ವಿವಿದೋದ್ದೇಶ ಪ್ರಾಥಮಿಕ ಗ್ರಾಮೀಣ ಕೃಷಿ ಸಹಕಾರಿ ಸಂಘ ನಿಯಮಿತ ತಾಳಿಕೋಟೆ 84ನೇ ವರ್ಷದ ವಾರ್ಷಿಕ ವರದಿ ಓದಿ ಹೇಳುವ ಮಹಾಸಭೆಯನ್ನು ದಿನಾಂಕ 23 -9 -2026 ಬುಧವಾರ ಬೆಳಿಗ್ಗೆ 11 ಗಂಟೆಗೆ ಈ ಸಂಘದ ಅಧ್ಯಕ್ಷರಾದ ಶ್ರೀ ಗುರುಸಂಗಪ್ಪ ತ. ಕಸೆಟ್ಟಿ ಇವರ ಅಧ್ಯಕ್ಷತೆಯಲ್ಲಿ ತಾಳಿಕೋಟೆಯ ಶ್ರೀ ವಾಸವಿ ಕಲ್ಯಾಣ ಮಂಟಪದಲ್ಲಿ ಆಯೋಜಿಸಲಾಗಿತ್ತು.
ಈ ಸಭೆಯ ದಿವ್ಯ ಸಾನಿಧ್ಯವನ್ನು ತಾಲೂಕಿನ ಸುಕ್ಷೇತ್ರ ಗುಂಡುಕನಾಳ ಬೃಹನ್ಮಠ ಪಟ್ಟಾಧ್ಯಕ್ಷರಾದ ಶ್ರೀ ಗುರುಲಿಂಗ ಶಿವಾಚಾರ್ಯ ಸ್ವಾಮೀಜಿಯವರು, ಅಧ್ಯಕ್ಷತೆಯನ್ನು ಶ್ರೀ ಜಿ. ಟಿ. ಕಸೆಟ್ಟಿ ವಹಿಸಿದ್ದರು.
ಈ ಸಂಘದ ಅಧ್ಯಕ್ಷರು ಅವರೊಂದಿಗೆ ಉಪಾಧ್ಯಕ್ಷರಾದ ಶ್ರೀ ವೈ. ಡಿ. ಬರ್ದೇನಾಳ ಮತ್ತು ಸಂಘದ ಸರ್ವ ನಿರ್ದೇಶಕ, ನಿರ್ದೇಶಕಿಯರ ಮಂಡಳಿಯವರು, ಕ್ಷೇತ್ರ ಸಿಬ್ಬಂದಿ , ಬಿ ಡಿಸಿ ಸಿ ಬ್ಯಾಂಕ್ ತಾಳಿಕೋಟೆ ಶಾಖೆಯ ಶ್ರೀ ಆರ್. ಎಂ. ಗುರಿಕಾರ್ ಅವರು ವೇದಿಕೆಯನ್ನು ಹಂಚಿಕೊಂಡಿದ್ದರು.
ಈ ಮಹಾಸಭೆಯ ಸ್ವಾಗತವನ್ನು ಜಿ. ವಿ. ಮೂಲಿ ಮನೆಯವರು ಕೋರಿದರು.
ವರದಿ ವಾಚನವನ್ನು ಸಂಘದ ಲೆಕ್ಕಿಗರಾದ ಶ್ರೀ ಪ್ರವೀಣ ಬಾ. ಪಾಟೀಲ್ ಅವರು
ಈ ನಮ್ಮ ಸಂಘವು ಪ್ರತಿ ವರ್ಷದಂತೆ ಎಲ್ಲಾ ಖರ್ಚು ವೆಚ್ಚಗಳನ್ನು ತೆಗೆದು 54.22 ಲಕ್ಷ ನಿವ್ವಳ ಲಾಭವನ್ನು ಗಳಿಸಿದೆ ಎಂದು ತಮ್ಮೆಲ್ಲರ ಮುಂದೆ ಬಹಿರಂಗಪಡಿಸಲು ಅತೀವ ಸಂತೋಷವಾಗುತ್ತದೆ ಶೇರ್ ಮೆಂಬರುಗಳಿಗೆ ಡಿವಿಡೆಂಟ್ ವರ್ಷಕ್ಕೆ 10% ಕೊಡಲು ಶಿಫಾರಸ್ಸು ಮಾಡಿದ್ದೇವೆ ಎಂದು ಹೇಳಿ ವರದಿ ವಾಚನ ಮುಗಿಸಿದರು.
ನಂತರ ಗುರುಲಿಂಗ ಶಿವಾಚಾರ್ಯರು ಆಶೀರ್ವಚನ ನೀಡಿದರು.
ಈ ಸಂದರ್ಭದಲ್ಲಿ ಸಿಬ್ಬಂದಿ ವರ್ಗದವರು ಸೇರಿದಂತೆ ಸರ್ವರೂ ಹಾಜರಿದ್ದರು.
ಈ ಸಭೆಗೆ ಸರ್ವರೂ ಹಾಜರಾಗಿ ಶೋಭೆ ತಂದುಕೊಟ್ಟದ್ದಕ್ಕಾಗಿ ಈ ಸಂಘದ ಮುಖ್ಯ ವ್ಯವಸ್ಥಾಪಕರಾದ ಶ್ರೀ ಎಸ್.ಎಂ. ಪಾಟೀಲ ಅವರು ಸರ್ವರನ್ನೂ ಅಭಿನಂದಿಸಿದರು.
ವರದಿಗಾರರು ಸಂಗಮೇಶ ಸಿ. ಚೌದ್ರಿ
