ಕುಶಾಲನಗರ: ಗೋಪಾಲ್ ಸರ್ಕಲ್ ಬಳಿ ಮಧುಮೇಹ ಸ್ನೇಹಿ ಅಕ್ಕಿಯ ದಾಸ್ತಾನು ಮಳಿಗೆ ‘ಲಕ್ಷ್ಮೀದೇವಿ ಟ್ರೇಡರ್ಸ್’ ಅನ್ನು ವೈದ್ಯರಾದ ಡಾ. ಪ್ರಾಣೇಶ್ ಇತ್ತೀಚೆಗೆ ಉದ್ಘಾಟಿಸಿದರು.
ಸಾಂದರ್ಭಿಕವಾಗಿ ಮಾತನಾಡಿದ ಅವರು, ‘ಮಧುಮೇಹ ಸ್ನೇಹಿ ಅಕ್ಕಿ’ಯು ಅತಿ ಕಡಿಮೆ ಗ್ಲೈಸೆಮಿಕ್ ಇಂಡೆಕ್ಸ್ ಹೊಂದಿದ್ದು ಸೇವನೆಯ ನಂತರ ರಕ್ತದಲ್ಲಿ ಸಕ್ಕರೆಯ ಅಂಶವನ್ನು ಸಾಮಾನ್ಯ ಅಕ್ಕಿಯ ಹಾಗೆ ಹೆಚ್ಚು ಏರಿಸುವುದಿಲ್ಲ ಎಂದಲ್ಲದೆ ತೂಕ ನಿರ್ವಹಣೆ ಹಾಗೂ ಹೃದಯಕ್ಕೆ ಆರೋಗ್ಯಕರ ಎಂದು ಹೇಳಿದರು.
ನಂತರ ಮಾತನಾಡಿದ ಮಾಲೀಕರಾದ ವಿ. ಆರ್. ರಮ್ಯಾ ತಾವು ಕೇವಲ ವ್ಯಾಪಾರಿ ಮನೋಭಾವದಿಂದ ಮಾತ್ರ ಅಲ್ಲದೆ ಸಾಮಾಜಿಕ ಕಳಕಳಿಯಿಂದ ಹಾಗೂ ಇತ್ತೀಚೆಗೆ ಮಕ್ಕಳಿಂದ ಹಿಡಿದು ವಯೋವೃದ್ಧರ ತನಕ ಕಾಡುತ್ತಿರುವ ಮಧುಮೇಹ ಸಮಸ್ಯೆಗೆ ತುಸು ಮಟ್ಟಿಗೆ ಪರಿಹಾರ ನೀಡುವ ಸಲುವಾಗಿ ಮಳಿಗೆ ಆರಂಭಿಸಿರುವುದಾಗಿ ಹೇಳಿದರು.
ಈ ಸಂದರ್ಭ ಕ.ರ.ವೇ.ಸ್ವಾಭಿಮಾನಿ ಸೇನೆಯ ಕೊಡಗು ಜಿಲ್ಲಾಧ್ಯಕ್ಷ ಫ್ರಾನ್ಸಿಸ್ ಡಿಸೋಜಾ, ಉಪಾಧ್ಯಕ್ಷ ವಿ. ಎಸ್. ರಾಜಶೇಖರ ಗೌಡ, ಅಕ್ಕಿಯನ್ನು ಸೇವಿಸಿ ಅದರ ಗುಣದ ಬಗ್ಗೆ ಸ್ವಯಂ ಮಾಹಿತಿ ಪಡೆದ ರವಿಕಿರಣ್ ಸೇರಿದಂತೆ ಇನ್ನಿತರರು ಹಾಜರಿದ್ದರು.
ವರದಿ : ಪ್ರಿತುನ್ ಪೂವಣ್ಣ
