ಕೊಪ್ಪಳ:ಡಣಾಪೂರ ಗ್ರಾಮದಲ್ಲಿ ಅದ್ದೂರಿಯಾಗಿ ಜರುಗಿದ ಅಯೋಧ್ಯೆ ರಾಮಮಂದಿರ ಬಾಲರಾಮ ಪ್ರತಿಷ್ಠಾನದ ನಿಮಿತ್ಯ ಮಾರುತೇಶ್ವರ ದೇವಾಲಯದಲ್ಲಿ ವಿಶೇಷ ಅಭಿಷೇಕ,ಪೂಜೆ,ದೀಪೋತ್ಸವ ಹಾಗೂ ರಾಮನ ಭವ್ಯ ಭಾವಚಿತ್ರದ ಮೆರವಣಿಗೆ ಜರುಗಿತು.
ಈ ವೇಳೆ ದೇವಸ್ಥಾನಕ್ಕೆ ಆಗಮಿಸಿದ ಭಕ್ತಾದಿಗಳಿಗೆ ಅನ್ನಸಂತರ್ಪಣೆ ಜರುಗಿದ ಬಳಿಕ
ಸಂಜೆಯ ವೇಳೆ ಡಣಾಪೂರ ಮಜ್ಜಿ ಕ್ಯಾಂಪ್ ನ ಶ್ರೀರಾಮ ದೇವಲಾಯದಿಂದ ಡಣಾಪೂರ ಎದುರು ಮಾರುತೇಶ್ವರ ದೇವಸ್ಥಾನದವರೆಗೆ ಶ್ರೀರಾಮ ಭವ್ಯಭಾವಚಿತ್ರ ಡೊಳ್ಳುಕುಣಿತ ಹಾಗೂ ಸಕಲವಾದ್ಯಗಳಿಂದ ಗ್ರಾಮದ ರಾಜಬೀದಿಯಲ್ಲಿ ಅದ್ದೂರಿಯಾಗಿ ಸಂಭ್ರಮಾಚಾರಣೆ ಮಾಡಿದರು.
ಮೆರವಣಿಗೆ ನಂತರ ಗ್ರಾಮದ ಆರಾದ್ಯದೈವವಾಗಿರುವ ಶ್ರೀ ಮಾರುತೇಶ್ವರ ಆವರಣದಲ್ಲಿ ಶ್ರೀರಾಮ ನಾಮ ಪ್ರಜ್ವಲಿಸುವಂತೆ ದೀಪ ಹಚ್ಚುವ ಮೂಲಕ ಗ್ರಾಮದಲ್ಲಿ ಸಡಗರದಿ ಆಚರಿಸಲಾಯಿತು.
