ನಮ್ಮ ನಮ್ಮ ನಡುವೆ ಇರಲಿ
ನಂಬಿಕೆಯ ಅಡಿಪಾಯ
ಕೇಳಬೇಡ ಇಲ್ಲಿ ಯಾರ ಅಭಿಪ್ರಾಯ
ಕಳೆದುಹೋದ ಮೇಲೆ ಮತ್ತೆ ಬಾರದು ಸಮಯ
ಎಲ್ಲರೊಳಗೆ ಒಬ್ಬನಾದರೆ ಬದುಕು ರಸಮಯ
ನಮ್ಮ ನಿಮ್ಮ ನಡುವೆ ಇರಲಿ ಪ್ರೀತಿ
ಯಾರಿಗೂ ಪಡಬೇಡ ಬದುಕಿನಲ್ಲಿ ಬೀತಿ
ಬೆಳೆಯುವರ ಕಂಡರೆ ಕಾಲೆಳೆಯುವುದು
ಅವರು ಕಲಿತಿರುವ ದೊಡ್ಡ ನೀತಿ
ಅವರು ತುಳಿದಷ್ಟು ನಾವು ಬೆಳೆಯಬೇಕು
ಅವರು ಉರಿದುಕೊಳ್ಳುವ ರೀತಿ
ನಮ್ಮ ನಮ್ಮ ನಡುವೆ ಇರಲಿ
ಪ್ರೀತಿಯ ಬಂಧನ
ಬದುಕಾಗಿರುತ್ತದೆ ನಂದನವನ
ಬೆಳೆಯುವಾಗ ಇದ್ದದ್ದೆ ಅನುಮಾನ
ಗೆಳಯ ಒಂದಲ್ಲ ಒಂದು ದಿನ ಅವರೆ
ಪ್ರೀತಿಯಿಂದ ಮಾಡಬೇಕು ನಮಗೆ ಸನ್ಮಾನ
ನಮ್ಮ ನಡುವೆ ಇರುತ್ತಾರೆ ಹಿತ ಶತ್ರುಗಳು
ನಮಗೆ ಅರಿವಿಲ್ಲದಂತೆ ಪ್ರಚಾರ ಮಾಡುತ್ತಾರೆ ನಮ್ಮೆಲ್ಲ ಗುಟ್ಟುಗಳು
ಇದು ಸ್ವಾರ್ಥಿಗಳ ಪ್ರಪಂಚ
ನಮ್ಮ ನಿಮ್ಮೊಳಗಿರುವ ನಾನು
ಎನ್ನುವುದೇ ಇಲ್ಲಿ ದೊಡ್ಡ ಶತ್ರು
ನಮ್ ನಮ್ ನಡುವೆ ಇರಲಿ ಪ್ರೀತಿ
ನಂಬಿಕೆಯೆ ಸ್ನೇಹಕ್ಕೆ ಸೇತುವೆ ಗೆಳೆಯ
-ವಿ.ಶ್ರೀನಿವಾಸ,ವಾಣಿಗರಹಳ್ಳಿ, ದೊಡ್ಡಬಳ್ಳಾಪುರ (ತಾ)
