ಎಂ.ಪಿ.ವೀಣಾ ಮಹಾಂತೇಶ್ ಅವರಿಗೆ ಟಿಕೇಟ್ ಕೊಡಿ:ಯುವ ಕಾಂಗ್ರೆಸ್ ನಿಂದ ಒತ್ತಾಯ

ಹರಪನಹಳ್ಳಿ:ವಿಜಯನಗರ ಜಿಲ್ಲೆ ವ್ಯಾಪ್ತಿಗೆ ಬರುವ ಹರಪನಹಳ್ಳಿ ವಿಧಾನಸಭಾ ಕ್ಷೇತ್ರದಲ್ಲಿ ಕಾಂಗ್ರೆಸ್ ಪಕ್ಷದಿಂದ ಅನೇಕ ಜನರು ಆಕಾಂಕ್ಷೆಗಳಿದ್ದು ಕಾಂಗ್ರೇಸ್ ಪಕ್ಷವನ್ನು ಅಧಿಕಾರಕ್ಕೆ ತರಬೇಕೆಂದು ಕಾತುರದಿಂದ ಕಾಯುತ್ತಿದ್ದೇವೆ ಆದರೆ ಕ್ಷೇತ್ರದಲ್ಲಿ ನಿರಂತರವಾಗಿ ಬಡವರ, ವಿದ್ಯಾರ್ಥಿಗಳ, ಶೋಷಿತರ, ರೈತರ, ಕೂಲಿ ಕಾರ್ಮಿಕರ ಪರವಾಗಿ ಹೋರಾಟ ಮಾಡುತ್ತಾ ಅನೇಕ ಸಮಾಜಮುಖಿ ಕೆಲಸ ಕಾರ್ಯಗಳನ್ನು ಐದು ವರ್ಷಗಳಿಂದ ನಿರಂತರವಾಗಿ ಮಾಡುತ್ತಾ ಬಂದಂತಹ ಜನನಾಯಕಿ ಎಂ.ಪಿ.ವೀಣಕ್ಕ ಅವರಿಗೆ ಕಾಂಗ್ರೇಸ್ ಪಕ್ಷ ಟಿಕೇಟ್ ಕೊಡಬೇಕು.

ಕ್ಷೇತ್ರದ ಜನರು ವೀಣಾ ಅಕ್ಕಾ ಅವರನ್ನು ಶಾಸಕರನ್ನಾಗಿ ಮಾಡಲು ಕಾತುರದಿಂದ ಕಾಯುತ್ತಿದ್ದಾರೆ.ಅಪಾರ ಮಹಿಳಾ ಶಕ್ತಿ ಹಾಗೂ ಯುವ ಶಕ್ತಿಯನ್ನು ಒಳಗೊಂಡ ವೀಣಾ ಮಹಾಂತೇಶ್ ಅವರು ನೊಂದವರ ಬಾಳಿನ ಆಶಾಕಿರಣದಂತೆ ಅಧಿಕಾರಕ್ಕೆ ಹಾತೊರೆಯದೆ ಅಭಿವೃದ್ಧಿಯ ಕಡೆ ಮುಖಮಾಡಿ ನಿಂತಿರುವ ಇಂತಹ ನಾಯಕಿಗೆ ಸನ್ಮಾನ್ಯ ಸಿದ್ದರಾಮಯ್ಯ ಅವರು ಹಾಗೂ ಕೆಪಿಸಿಸಿ ಅಧ್ಯಕ್ಷರಾದ ಡಿ. ಕೆ. ಶಿವಕುಮಾರ್ ಅವರು ಕಾಂಗ್ರೇಸ್ ಪಕ್ಷದ ಮುಖಂಡರು ವೀಣಕ್ಕ ಅವರ ಕೆಲಸ ಕಾರ್ಯಗಳನ್ನು ಗಮನಿಸಿ ವೀಣಾ ಮಹಾಂತೇಶ್ ಅವರಿಗೆ ಟಿಕೇಟ್ ನೀಡಬೇಕೆಂದು ಯುವ ಕಾಂಗ್ರೇಸ್ ವಿಜಯನಗರ ಜಿಲ್ಲಾ ಕಾರ್ಯದರ್ಶಿಯಾದ ಗಂಗಜ್ಜಿ ನಾಗರಾಜ್ ಹಾಗೂ ಯುವ ಕಾಂಗ್ರೇಸ್ ಸಮಿತಿಯ ಪದಾಧಿಕಾರಿಗಳು ಒತ್ತಾಯ ಮಾಡಿದ್ದಾರೆ.