ಹನೂರು: ವಿಧಾನಸಭಾ ಚುನಾವಣೆ ನಿಗಧಿಯಾದ ಹಿನ್ನಲೆಯಲ್ಲಿ ಬಿರುಸಿನ ಮತ ಪ್ರಚಾರ ಕೈಗೊಂಡಿರುವ ಎಂ.ಆರ್.ಮಂಜುನಾಥ್ ಬೈಕ್ ಮೂಲಕ ಪ್ರಚಾರ ನಡೆಸಿ ಸಾರ್ವಜನಿಕರ ಗಮನ ಸೆಳೆದರು.
ಹನೂರು ವಿಧಾನ ಸಭಾ ಕ್ಷೇತ್ರ ವ್ಯಾಪ್ತಿಯ ಪಾಳ್ಯ ಗ್ರಾಮದಲ್ಲಿ ಬಿರುಸಿನ ಮಾತಯಾಚಿಸಿದ ಮಂಜುನಾಥ್ ಕಿರಿದಾದ ಓಣಿಗಳಲ್ಲಿನ ಮನೆಗಳ ಮುಖಂಡರುಗಳ ಮನೆಗಳಿಗೂ ಕೂಡ ಹೋಗಿ ಪಕ್ಷವನ್ನು ಬೆಂಬಲಿಸಿ ಎಂದು ಮತಯಾಚಿಸಿದರು.
ಈ ವೇಳೆ ಮಾತನಾಡಿದ ಅವರು ಕಾರಲ್ಲಿ ಹೋಗಿ ಜನತೆಯನ್ನು ಒಂದಡೆ ಸೇರಿಸಿ ಮಾತನಾಡುವ ರಾಜಕಾರಣಿ ನಾನಲ್ಲ. ಕಳೆದ ಆರು ಏಳು ವರ್ಷಗಳಿಂದ ಗ್ರಾಮಗಳಲ್ಲಿನ ಜನತೆಯ ಊರು ಕೇರಿಗಳಲ್ಲಿ ಸುತ್ತಿ ಅವರ ಕಷ್ಟ ಸುಖಗಳನ್ನು ವಿಚಾರಿಸಿದ್ದೇನೆ. ನನಗೆ ಬೈಕು ಹಾಗೂ ಕಾಲ್ನಡಿಗೆಯಲ್ಲಿ ಹೋಗುವುದು ಹೊಸತೇನಲ್ಲ. ಜನತೆಯ ಮನೆ ಬಾಗಿಲಿಗೆ ಹೋದರೆ ನಿಜವಾದ ಕಷ್ಟ ಸುಖ ತಿಳಿಯಲಿದೆ. ಬಂಡವಾಳ ಶಾಹಿಗಳು, ಕುಟುಂಬ ರಾಜಕಾರಣಿಗಳಿಗೆ ನಾನೇ ಟಾರ್ಗೆಟ್ ಆಗಿದ್ದೇನೆ. ಶಾಸಕರು ಸೇರಿದಂತೆ 6 ಆರು ಮಂದಿ ನನ್ನ ಸೋಲಿಸಲು ಮುಂದಾಗಿದ್ದಾರೆ ಜನತೆ ನನ್ನನ್ನು ಬೆಂಬಲಿಸಲಿದ್ದಾರೆ ಎಂಬ ವಿಶ್ವಾಸವಿದೆ ಎಂದು ತಿಳಿಸಿದರು.
ಈ ಸಂದರ್ಭದಲ್ಲಿ ಪಾಳ್ಯ ಗ್ರಾಮದ ವಿವಿಧ ಸಮುದಾಯದಗಳ ಜೆಡಿಎಸ್ ಮುಖಂಡರುಗಳು, ಕಾರ್ಯಕರ್ತರುಗಳು ಉಪಸ್ಥಿತರಿದ್ದರು.
