ಕಲಬುರಗಿ: ನಗರದಲ್ಲಿ ಆಟೋ ಸೇರಿದಂತೆ ಇನ್ನಿತರ ವಾಹನಗಳಿಗೆ ಅಡುಗೆ ಸಿಲಿಂಡರ್ಗಳನ್ನು ರಿಫಿಲ್ಲಿಂಗ್ ಮಾಡುವ ದೊಡ್ಡ ದಂಧೆ ನಡೆಯುತ್ತಿದೆ.ಸರ್ಕಾರ ಗೃಹ ಬಳಕೆಯ ಸಿಲಿಂಡರ್ಗಳನ್ನು ವಾಣಿಜ್ಯ ಬಳಕೆಗೆ ಬಳಸುವುದಕ್ಕೆ ಅವಕಾಶ ನೀಡಿಲ್ಲ.ಆದರೂ ಜಿಲ್ಲೆಯಲ್ಲಿ ಕಾನೂನು ಬಾಹಿರವಾಗಿ ಬಳಸಲಾಗುತ್ತಿದೆ.ಆಟೋ ಮತ್ತು ಇನ್ನಿತರ ವಾಹನಗಳಿಗೆ ಬಳಸುವ ಗ್ಯಾಸ್ ಗೆ ಕಡಿಮೆ ದಹನ ಶಕ್ತಿ ಇರುತ್ತದೆ ಆದರೆ ಅಡುಗೆ ಸಿಲಿಂಡರ್ ಹೆಚ್ಚಿನ ದಹನಶಕ್ತಿಯನ್ನು ಹೊಂದಿದ್ದು,ಸ್ವಲ್ಪ ಹೆಚ್ಚು ಕಡಿಮೆಯಾದರು ವಾಹನಗಳು ಸ್ಪೋಟಗೊಳ್ಳುವ ಸಾಧ್ಯತೆ ಹೆಚ್ಚಾಗಿರುತ್ತದೆ.ಅನೇಕ ಬಾರಿ ಅಡುಗೆ ಸಿಲಿಂಡರ್ಗಳನ್ನು ವಾಹನಗಳಿಗೆ ರಿಫಿಲ್ಲಿಂಗ್ ಮಾಡುವಾಗ ಸ್ಟೋಟಗೊಂಡು ಸಾವನ್ನಪ್ಪಿರುವ ಉದಾಹರಣೆಗಳಿವೆ.
ಈಗಾಗಲೇ ನಗರದಲ್ಲಿ ಐವತ್ತಕ್ಕೂ ಹೆಚ್ಚು ಕಡೆ ಅಕ್ರಮವಾಗಿ ಇಂತಹದೊಂದು ದಂಧೆಯನ್ನು ಮಾಡಲಾಗುತ್ತಿದೆಯಂತೆ ಕಲಬುರಗಿಯಲ್ಲಿ ಹತ್ತು ಸಾವಿರಕ್ಕೂ ಅಧಿಕ ಆಟೋಗಳು ಪ್ರತಿನಿತ್ಯ ರಸ್ತೆಯಲ್ಲಿ ಓಡಾಡುತ್ತವೆ. ಇವುಗಳಲ್ಲಿ ಹೆಚ್ಚಿನ ಆಟೋಗಳು ಗ್ಯಾಸ್ನ್ನು ಬಳಕೆ ಮಾಡುತ್ತದೆ ಬಹುತೇಕ ಆಟೋ ಚಾಲಕರು,ಗ್ಯಾಸ್ ಸ್ಟೇಷನ್ಗೆ ಹೋಗಿ ಗ್ಯಾಸ್ನ್ನು ಭರ್ತಿ ಮಾಡುತ್ತಿಲ್ಲ ಬದಲಾಗಿ ಅಡುಗೆ ಸಿಲಿಂಡರ್ಗಳನ್ನು ಆಟೋಗಳಿಗೆ ಭರ್ತಿ ಮಾಡುತ್ತಿದ್ದಾರೆ.ಇದರಿಂದ ಆಟೋ ಚಾಲಕರಿಗೆ ಸ್ವಲ್ಪ ಹಣ ಉಳಿತಾಯವಾಗುತ್ತದೆಯಂತೆ ಸದ್ಯ ಎಲ್.ಪಿ.ಜಿ ಸ್ಟೇಷನ್ಗಳಲ್ಲಿ ಪ್ರತಿ ಲೀಟರ್ ಗ್ಯಾಸ್ನ ಬೆಲೆ 58 ರೂಪಾಯಿ ಇದೆಯಂತೆ.
ಇನ್ನು ಪ್ರತಿ ಕಿಲೋ ಗ್ಯಾಸ್ನ್ನು ನೂರರಿಂದ ನೂರಾ ಐದು ರೂಪಾಯಿ ಕೊಟ್ಟು ಆಟೋ ಚಾಲಕರು ಅಕ್ರಮವಾಗಿ ರಿಫಿಲ್ಲಿಂಗ್ ಮಾಡಿಸಿಕೊಳ್ಳುತ್ತಿದ್ದಾರಂತೆ ಇನ್ನು ಒಂದು ಕಿಲೋ ಸಿಲಿಂಡರ್, 1.79 ಲಿಟರ್ ಗ್ಯಾಸ್ಗೆ ಸಮವಾಗಿರುತ್ತದೆ ಅಂದರೆ ಆಟೋ ಚಾಲಕರಿಗೆ ಗ್ಯಾಸ್ ಸ್ಟೇಷಸ್ನಲ್ಲಿ ಗ್ಯಾಸ್ ಭರ್ತಿ ಮಾಡಿಸಿಕೊಳ್ಳುವುದಕ್ಕಿಂತ ತುಸು ಕಡಿಮೆ ದರದಲ್ಲಿ ಅಡುಗೆ ಸಿಲಿಂಡರ್ ಗ್ಯಾಸ್ ಸಿಗುತ್ತದೆಯಂತೆ ಹೀಗಾಗಿ ಹೆಚ್ಚಿನ ಆಟೋ ಚಾಲಕರು ಅಡುಗೆ ಸಿಲಿಂಡರ್ ಗ್ಯಾಸ್ ಭರ್ತಿ ಮಾಡಿಸಿಕೊಳ್ಳುತ್ತಿದ್ದಾರೆ.ಅನೇಕ ಅಕ್ರಮ ದಂಧೆಕೋರರು,ಗ್ಯಾಸ್ ಪೂರೈಕೆದಾರರ ಜೊತೆ ಸಂಬಂಧ ಹೊಂದಿದ್ದು,ಜನರಿಗೆ ಪೂರೈಕೆ ಮಾಡುವ ಸಿಲಿಂಡರ್ಗಳನ್ನು ಅಕ್ರಮವಾಗಿ ಸಂಗ್ರಹಿಸಿ,ಆಟೋ ಚಾಲಕರಿಗೆ ನೀಡುತ್ತಿದ್ದಾರೆ.ಇನ್ನು ಇಂತಹದೊಂದು ದಂಧೆಯ ಬಗ್ಗೆ ಕಲಬುರಗಿ ಪೊಲೀಸರಿಗೆ, ಆಹಾರ ಇಲಾಖೆಯವರಿಗೆ ಮಾಹಿತಿ ಇದೆಯಂತೆ.ಆದರೆ ಪೊಲೀಸರು ಮತ್ತು ಆಹಾರ ಇಲಾಖೆಯವರು ಯಾವುದೇ ಕ್ರಮಗಳನ್ನು ಕೈಗೊಳ್ಳದೇ ಇರುವುದರಿಂದ ಅಕ್ರಮ ದಂಧೆ ನಿರಂತರವಾಗಿ ನಡೆಯುತ್ತಿದೆ.
ಒಟ್ಟಿನಲ್ಲಿ ಪ್ರಯಾಣಿಕರ ಜೊತೆ ಚೆಲ್ಲಾಟವಾಡುತ್ತಿರುವ ಆಟೋ ಚಾಲಕರು ಮತ್ತು ಅಕ್ರಮವಾಗಿ ಗ್ಯಾಸ್ ರಿಫಿಲ್ಲಿಂಗ್ ಮಾಡುತ್ತಿರುವ ದಂಧೆಕೋರರ ವಿರುದ್ದ ಪೊಲೀಸರು ಮತ್ತು ಆಹಾರ ಇಲಾಖೆಯವರು ಕಠಿಣ ಕ್ರಮ ಕೈಗೊಳ್ಳುವ ಮೂಲಕ ಅಕ್ರಮ ದಂಧೆಗೆ ಕಡಿವಾಣ ಹಾಕಿ,ಜನರ ಪ್ರಾಣವನ್ನು ರಕ್ಷಿಸುವ ಕೆಲಸ ಮಾಡಬೇಕಾಗಿದೆ.
ವರದಿ: ಅಪ್ಪಾರಾಯ ಬಡಿಗೇರ
