ಕಲಬುರಗಿ/ಅಫಜಲಪುರ:ಕರ್ನಾಟಕ ಜಾನಪದ ಪರಿಷತ್ ನ ಅಫಜಲಪೂರ ತಾಲೂಕು ಘಟಕದ ಉದ್ಘಾಟನೆ ಹಾಗೂ ಕಾರ್ಯ ಚಟುವಟಿಕೆಗಳ ಚಾಲನೆ ನಾಳೆ ದೊರೆಯಲಿದೆ ಎಂದು ತಾಲೂಕಿನ ಪರಿಷತ್ ಅಧ್ಯಕ್ಷರಾದ ಡಾ.ಸಂಗಣ್ಣ ಸಿಂಗೆ ಅವರು ತಿಳಿಸಿದ್ದಾರೆ.ಪಟ್ಟಣದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು ನಗರದ ಹಿಂಗುಲಾಂಬಿಕ ಕಲ್ಯಾಣ ಮಂಟಪದಲ್ಲಿ ಪರಮ ಪೂಜ್ಯ ವಿಶ್ವರಾದ್ಯ ಮಳೆಂದ್ರ ಶಿವಾಚಾರ್ಯರ ದಿವ್ಯ ಸಾನಿಧ್ಯದಲ್ಲಿ ಕಾರ್ಯಕ್ರಮ ಉದ್ಘಾಟನೆಗೊಳ್ಳಲಿದ್ದು ಪರಿಷತ್ ನ ಜಿಲ್ಲಾಧ್ಯಕ್ಷರಾದ ಸಿ ಎಸ್ ಮಾಲಿ ಪಾಟೀಲ್ ಅವರ ಉಪಸ್ಥಿತೆಯಲ್ಲಿ ಮಕ್ಕಳ ಸಾಹಿತಿ ಎ ಕೆ ರಾಮೇಶ್ವರ ರವರು ಕಾರ್ಯಕ್ರಮ ಉದ್ಘಾಟಿಸಲಿದ್ದಾರೆ ಹಾಗೇ ಕನ್ನಡ ಪ್ರಾಧ್ಯಾಪಕರಾದ ಕೆ ನಾರಾಯಣ ಅವರು ವಿಶೇಷ ಉಪನ್ಯಾಸನ ನೀಡಲಿದ್ದು ಈ ಒಂದು ಕಾರ್ಯಕ್ರಮದಲ್ಲಿ ರಂಗಭೂಮಿ ಕಲಾವಿದರಾದ ಚಂದು ಬನ್ನಟ್ಟಿ ಅವರನ್ನು ವಿಶೇಷವಾಗಿ ಸನ್ಮಾನಿಸಲಾಗುವುದು ಎಂದು ತಿಳಿಸಿದರು.ಈ ಅರ್ಥಪೂರ್ಣ ಕಾರ್ಯಕ್ರಮಕ್ಕೆ ಸಾಹಿತ್ಯಾಸಕ್ತರು ಹಾಗೂ ವಿವಿಧ ಸಂಘಟನೆಯ ಪದಾಧಿಕಾರಿಗಳು ಭಾಗವಹಿಸಲಿದ್ದಾರೆ ಎಂದು ತಿಳಿಸಿದ್ದಾರೆ.
